19Leviticus 19

1И рече Господь к Моисею, глаголя:Select Leviticus 19:1

2глаголи всему сонму сынов Израилевых, и речеши к ним: святи будите, якоже Аз свят (есмь) Господь Бог ваш.Select Leviticus 19:2

3Вийждо отца своего и матере своея да боится, и субботы Моя сохраните: Аз Господь Бог ваш.Select Leviticus 19:3

4Не последуйте идолом, и богов слияных не сотворите себе: Аз Господь Бог ваш.Select Leviticus 19:4

5И аще пожрете жертву спасения Господу, приятну вам пожрите:Select Leviticus 19:5

6в оньже день аще пожрете, (в той день) да снестся, и на утрие: и аще останется до третияго дне, на огни да сожжется:Select Leviticus 19:6

7аще же ли ядением сястся в день третий, не жертвенно есть, не приимется:Select Leviticus 19:7

8и иже яст е, грех приимет, яко святая Господня оскверни: и потребятся душы ядущыя от людий своих.Select Leviticus 19:8

9И пожинающым вам жатву земли вашея, да не скончаете жатвы вашея, нивы твоея пожинания: и падающих клас от жатвы твоея да не собереши:Select Leviticus 19:9

10и винограда твоего вторицею да не обереши, ниже грезн винограда твоего да собереши: нищему и пришелцу да оставиши я: Аз есмь Господь Бог ваш.Select Leviticus 19:10

11Не украдите, ни солжите, ниже да оклеветает кийждо ближняго.Select Leviticus 19:11

12И не кленитеся именем Моим в неправде, и да не оскверните имене святаго Бога вашего: Аз Господь Бог ваш.Select Leviticus 19:12

13Да не обидиши ближняго: и да не отимеши, и да не прележит мзда наемника твоего у тебе до утрия.Select Leviticus 19:13

14Зла да не речеши глухому, и пред слепым да не положиши претыкания: и да убоишися Господа Бога твоего: Аз Господь Бог ваш.Select Leviticus 19:14

15Не сотворите неправды в суде: да не приимеши лица нищаго, ниже почудишися лицу могущаго: по правде да судиши ближнему твоему.Select Leviticus 19:15

16Да не ходиши лестию во своем языце, и не востанеши на кровь ближняго твоего: Аз Господь Бог ваш.Select Leviticus 19:16

17Да не возненавидиши брата твоего во уме твоем, обличением да обличиши ближняго твоего: и не приимеши ради его греха.Select Leviticus 19:17

18И да не отмщает рука твоя, и да не враждуеши на сыны людий своих, и возлюбиши ближняго своего яко сам себе: Аз Господь Бог ваш.Select Leviticus 19:18

19Закон Мой сохраните: и скота твоего да не смесиши со скотом инаго рода, и винограда твоего да не насадиши различна: и ризы из двух (вещей) сотканыя гнусныя да не возложиши на ся.Select Leviticus 19:19

20И аще кто будет с женою ложем семене, и сия бяше раба хранима мужу, и ценою не искуплена или свобода не дана ей, наказаны да будут: не умрут, яко не свободися:Select Leviticus 19:20

21и да приведет за преступление свое Господу к дверем скинии свидения овна преступления,Select Leviticus 19:21

22и да помолится о нем жрец овном преступления пред Господем о гресе имже согреши, и оставится ему грех, егоже сотвори.Select Leviticus 19:22

23Егда же внидете в землю, юже Господь Бог ваш дает вам, и насадите всяко древо снедное, и очистите нечистоту его, плод его три лета нечист да будет вам, да не снестся:Select Leviticus 19:23

24в лето же четвертое будет всяк плод его свят, похвален Господу:Select Leviticus 19:24

25в лето же пятое да снесте плод его, прибыток вам плоды его: Аз Господь Бог ваш.Select Leviticus 19:25

26Не ядите на горах, и не вражите, и ни сряща смотрите от птиц.Select Leviticus 19:26

27Не сотворите обстрижения кругом от влас глав ваших, ниже бриете брад ваших.Select Leviticus 19:27

28И кроения не сотворите на теле вашем о души: и язв настреканных да не сотворите в вас: Аз Господь Бог ваш.Select Leviticus 19:28

29Да не оскверниши дщере твоея еже блудити ей: и да не прелюбы деет земля, и наполнится земля беззаконий.Select Leviticus 19:29

30Субботы Моя сохраните, и от святых Моих убойтеся: Аз Господь.Select Leviticus 19:30

31Не последуйте утробным баснем, и к волхвом не прилепитеся, осквернитися в них: Аз Господь Бог ваш.Select Leviticus 19:31

32Пред лицем седаго востани и почти лице старчо, и да убоишися Господа Бога твоего: Аз Господь Бог ваш.Select Leviticus 19:32

33Аще же кто приидет к вам пришлец в землю вашу, не стужите ему:Select Leviticus 19:33

34якоже туземец будет в вас пришлец, иже приидет к вам, и возлюбиши его яко сам себе: яко (и вы) пришелцы бесте в земли Египетстей: Аз Господь Бог ваш.Select Leviticus 19:34

35Не сотворите неправды в суде, в мерах и в весах и в мерилех:Select Leviticus 19:35

36мерила праведна и весы праведны и мера праведна да будет в вас: Аз есмь Господь Бог ваш, изведый вас от земли Египетския.Select Leviticus 19:36

37И сохраните весь закон Мой и вся повеления Моя, и сотворите я: Аз Господь Бог ваш.Select Leviticus 19:37