25Leviticus 25

1И рече Господь к Моисею на горе Синайстей, глаголя:Select Leviticus 25:1

2глаголи сыном Израилевым и речеши к ним: егда внидете в землю, юже Аз даю вам, и почиет земля, юже Аз даю вам, субботы Господу.Select Leviticus 25:2

3Шесть лет да сееши ниву твою, и шесть лет да режеши виноград твой и собереши плод его:Select Leviticus 25:3

4в седмое же лето суббота, покой да будет земли, суббота Господня: нивы твоея сеяти и винограда твоего резати не будеши,Select Leviticus 25:4

5и сама собою произрастающая нивы твоея да не пожнеши, и винограда отлучения твоего да не собереши: лето покоя будет земли.Select Leviticus 25:5

6И будут субботы земли яди тебе, и рабу твоему и рабыни твоей, и наемнику твоему и обиталнику прилежащему к тебе,Select Leviticus 25:6

7и скотом твоим и зверем сущым на земли твоей да будет всяк плод его в снедь.Select Leviticus 25:7

8И исчислиши себе седмь лет покоя, седмь лет седмижды: и будут тебе седмь седмин лет, четыредесять девять лет.Select Leviticus 25:8

9И возвестите трубным гласом во всей земли вашей месяца седмаго в десятый день месяца: в день очищения возвестите трубою во всей земли вашей.Select Leviticus 25:9

10И освятите лето, пятьдесятое лето, и разгласите оставление на земли всем живущым на ней: лето оставления знамение сие будет вам: и да отидет кийждо вас в притяжание свое, и кийждо во отечество свое отидете.Select Leviticus 25:10

11Оставления знамение сие будет вам, лето пятьдесятое, лето будет вам: ни сеяти, ниже жати будете, еже само произникнет на ней, и да не объемлеши освященных (Богу) ея:Select Leviticus 25:11

12яко оставления знамение есть, свято да будет вам: от нив ядите плоды ея:Select Leviticus 25:12

13и в лето оставления знамения сего да возвратится кийждо в притяжание свое.Select Leviticus 25:13

14Аще же отдаси куплею ближнему твоему, или аще притяжеши от ближняго твоего, да не оскорбляет человек ближняго:Select Leviticus 25:14

15по числу лет по знамении, да притяжеши от ближняго, по числу лет плодов да продастся тебе.Select Leviticus 25:15

16Якоже аще более лет, умножит притяжание его, и якоже аще мнее лет, уменшит притяжание его: яко число плодов его, тако да продаст тебе.Select Leviticus 25:16

17Да не оскорбит человек ближняго, и да убоишися Господа Бога твоего: Аз Господь Бог ваш.Select Leviticus 25:17

18И сотворите вся оправдания Моя и вся суды Моя, сохраните же и сотворите я, и вселитеся на земли уповающе.Select Leviticus 25:18

19И даст земля плоды своя, и снесте в сытость, и вселитеся на ней уповающе.Select Leviticus 25:19

20Аще же речете: что ясти будем в седмое лето сие, аще не сеем, ни собираем плодов своих,Select Leviticus 25:20

21и послю благословение Мое вам в лето шестое, и сотворит плоды своя на три лета:Select Leviticus 25:21

22и посеете в лето осмое, и снесте от плодов ветхих даже до лета девятаго: дондеже приспеют плоды ея, снесте ветхая ветхих.Select Leviticus 25:22

23И земля да не продастся во утверждение: Моя бо есть земля, яко пришелцы и приселницы вы есте предо Мною:Select Leviticus 25:23

24и по всей земли одержания вашего, искуп дадите земли.Select Leviticus 25:24

25Аще же нищетствует брат твой, иже с тобою, и продаст от одержания своего, да приидет ужик ближний ему и искупит продание брата своего.Select Leviticus 25:25

26Аще же не будет кому ужика, и возможет рука его обрести доволен искуп его,Select Leviticus 25:26

27и исчислит лета продания его, и воздаст еже излише имать, человеку емуже продано бе оное, и возвратится во одержание свое.Select Leviticus 25:27

28Аще же не обрящет рука его доволное, еже отдати ему, да будет проданое купившему е даже до шестаго лета оставления, и изыдет во оставление, и возвратится во одержание свое.Select Leviticus 25:28

29Аще же кто продаст дом обитаемый во граде огражденнем, и будет искупление его, дондеже исполнится: лето дний будет искупление его.Select Leviticus 25:29

30Аще же не искупит, дондеже скончается лето все, да укрепится дом сущий во граде имущем ограждение в твердость купившему его, в роды его, и не возвратится во оставление.Select Leviticus 25:30

31Домы же иже на селех, имже несть окрест их ограждения, к селу земли да приложатся: искупуемы всегда да будут, и во оставление да возвратятся.Select Leviticus 25:31

32И гради левитстии, домы градов одержания их, искупуемы да будут всегда левитом.Select Leviticus 25:32

33И иже аще искупит от левит: и изыдет продание домов града одержания их во оставление, яко домы градов левитских одержание их, посреде сынов Израилевых.Select Leviticus 25:33

34И села отделеная градом их да не продадутся, яко одержание вечное сие их есть.Select Leviticus 25:34

35Аще же нищетствует брат твой, иже с тобою, и изнеможет руками у тебе, заступи его яко пришелца и приселника, да поживет брат твой с тобою:Select Leviticus 25:35

36да не возмеши от него лихвы, ниже более (данаго), и убоишися Бога твоего: Аз Господь: и поживет брат твой с тобою.Select Leviticus 25:36

37Сребра твоего да не даси ему в лихву, и ради прибытка не даси ему пищей твоих.Select Leviticus 25:37

38Аз Господь Бог ваш, изведый вы из земли Египетския, еже дати вам землю Ханаанску, яко быти Мне Богу вашему.Select Leviticus 25:38

39Аще же оубожает брат твой у тебе, и продастся тебе, да не поработает тебе работы рабския:Select Leviticus 25:39

40аки наемник или пришлец да будет тебе, даже до лета оставления делати будет у тебе,Select Leviticus 25:40

41и да изыдет от тебе, и дети его с ним в лето оставления, и да отидет в род свой, и во одержание отчее свое возвратится,Select Leviticus 25:41

42понеже раби Мои суть сии, ихже изведох из земли Египетския, да не продастся проданием рабиим:Select Leviticus 25:42

43да не отяготиши его трудом, и убоишися Господа Бога твоего.Select Leviticus 25:43

44И раб и рабыня, иже ще будут у тебе от язык, иже окрест тебе суть, от тех да притяжете раба и рабыню.Select Leviticus 25:44

45И от сынов приселничих, иже суть в вас, от сих притяжете, и от сродников их, елицы аще будут в земли вашей, да будут вам во одержание,Select Leviticus 25:45

46и да разделите я детем вашым по вас, и да будут вам во одержание во век: братии же вашея, сынов Израилевых, кийждо брата своего да не отяготит его в трудех.Select Leviticus 25:46

47Аще же обрящет рука пришелца или приселника иже у тебе, и обнищав брат твой продастся к пришелцу или приселнику иже у тебе, или родившемуся от рода пришелча,Select Leviticus 25:47

48по продании ему, искуп да будет ему, един от братий его да искупит его:Select Leviticus 25:48

49брат отца его, или сын брата отца его, да искупит его, или от свойственных плоти племене его искупит его: аще же возможет рука его, искупит себе,Select Leviticus 25:49

50да сочтется с притяжавшим его, от лета в неже продася ему даже до лета оставления, и будет сребро продания его аки день наемника: от лета до лета да будет с ним.Select Leviticus 25:50

51Аще же кому множае лет будет, против тех отдаст искуп свой, от сребра продания своего.Select Leviticus 25:51

52Аще же мало останется от лет до лета оставления, и да сочтет ему по летом его, и отдаст искуп его аки наемник:Select Leviticus 25:52

53от года до года да будет с ним: да не отяготиши его трудом пред тобою.Select Leviticus 25:53

54Аше же не искупится по сим, да изыдет в лето оставления сам и дети его с ним:Select Leviticus 25:54

55яко Мои сынове Израилевы раби суть, отроцы Мои сии суть, ихже изведох из земли Египетския: Аз Господь Бог ваш.Select Leviticus 25:55