26Leviticus 26

1Не сотворите себе (образов) рукотвореных, ниже изваяных, ниже столпа поставите себе, ниже камене поставите в земли вашей во знамение, ко еже покланятися ему: Аз есмь Господь Бог ваш.Select Leviticus 26:1

2Субботы Моя сохраните, и от святых Моих убойтеся: Аз есмь Господь.Select Leviticus 26:2

3Аще в повелениих Моих ходите, и заповеди Моя сохранитеи сотворите я:Select Leviticus 26:3

4и дам дождь вам во время свое, и земля даст плоды своя, и древеса селная отдадят плод свой:Select Leviticus 26:4

5и постигнет вам млачение (жит) обрание вина, и обрание вина постигнет сеятву, и снесте хлеб ваш в сытость, и вселитеся с твердостию на земли вашей, и рать не пройдет сквозе землю вашу:Select Leviticus 26:5

6и дам мир в земли вашей, и уснете, и не будет устрашаяй вас: и погублю звери лютыя от земли вашея:Select Leviticus 26:6

7и рать сквозе землю вашу не пройдет, и поженете враги вашя, и падут пред вами убиением:Select Leviticus 26:7

8и поженут от вас пять сто, и сто вас поженет тмы, и падут врази ваши пред вами мечем:Select Leviticus 26:8

9и призрю на вас и благословлю вас, и возращу вас и умножу вас, и поставлю завет Мой с вами:Select Leviticus 26:9

10и снесте ветхая и ветхая ветхих, и ветхая от лица новых изнесете:Select Leviticus 26:10

11и поставлю завет Мой в вас, и не возгнушается душа Моя вами:Select Leviticus 26:11

12и похожду в вас, и буду вам Бог, и вы будете Ми людие:Select Leviticus 26:12

13Аз есмь Господь Бог ваш, изведый вас из земли Египетския, сущым вам рабом: и сокруших узы ярма вашего, и изведох вас со дерзновением.Select Leviticus 26:13

14Аше же не послушаете Мене, ниже сотворите повелений Моих сих,Select Leviticus 26:14

15но ни покоритеся им, и о судбах Моих вознегодует душа ваша, яко не творити вам всех заповедий Моих, яко разорити завет Мой,Select Leviticus 26:15

16и Аз сотворю сице вам, и наведу на вас скудость и красту, и желтяницу вреждающую очи ваша и душы вашя истаевающую: и посеете вотще семена ваша, и поядят я супостаты вашя:Select Leviticus 26:16

17и утвержу лице Мое на вас, и падете пред враги вашими, и поженут вы ненавидящии вас, и побегнете ни комуже гонящу вас.Select Leviticus 26:17

18И аще до сего не послушаете Мене, и приложу наказати вы язвами седмижды за грехи вашя:Select Leviticus 26:18

19и сокрушу досаждение гордыни вашея, и положу небо вам аки железно, и землю вашу аки медяну:Select Leviticus 26:19

20и будет вотще крепость ваша, и не даст земля ваша семене своего, и древа села вашего не дадут плода своего.Select Leviticus 26:20

21И аще по сих пойдете страною и не восхощете послушати Мене, приложу вам язв седмь по грехом вашым,Select Leviticus 26:21

22и послю на вы звери лютыя земныя, и изядят вы и потребят скоты вашя, и умалены сотворю вы, и пусты будут путие ваши.Select Leviticus 26:22

23И аще сими не накажетеся, но пойдете ко Мне страною,Select Leviticus 26:23

24пойду и Аз с вами в ярости страною, и поражу вы и аз седмижды грех ради ваших,Select Leviticus 26:24

25и наведу на вы мечь мстяй месть завета, и вбегнете в грады вашя: и послю на вы смерть, и предани будете в руце враг ваших:Select Leviticus 26:25

26внегда скорбети вам скудостию хлебов, и испекут десять жен хлебы вашя в пещи единей, и отдадят хлебы вашя весом, и ясти будете, и не насытитеся.Select Leviticus 26:26

27Аще же в сих не послушаете Мене и пойдете ко Мне страною,Select Leviticus 26:27

28и Аз пойду с вами в ярости страною, и накажу вы аз седмижды по грехом вашым:Select Leviticus 26:28

29и ясти будете плоти сынов ваших, и плоти дщерей ваших ясти имате,Select Leviticus 26:29

30и сотворю пустая капища ваша и потреблю древяная рукотворения ваша, и положу трупы вашя на трупех кумир ваших, и возненавидит вас душа Моя:Select Leviticus 26:30

31и сотворю грады вашя пусты, и опустошу святая ваша, и не обоняю вони жертв ваших:Select Leviticus 26:31

32и сотворю пусту аз землю вашу, и удивятся о ней врази ваши, живущии на ней:Select Leviticus 26:32

33и разсыплю вы в языки, и потребит вы находяй мечь, и будет земля ваша пуста, и грады ваши будут пусты.Select Leviticus 26:33

34Тогда возблаговолит земля субботы своя, во вся дни запустения своего, и вы будете в земли враг ваших: тогда воспразднует земля и возблаговолит субботы своя:Select Leviticus 26:34

35во вся дни опустения своего воспразднует, яже не празднова в субботах ваших, егда живясте на ней.Select Leviticus 26:35

36И оставльшымся от вас вложу страх в сердца их в земли враг их, и поженет их глас листа летяща, и побегнут яко бежащии от рати, и падут ни кимже гоними.Select Leviticus 26:36

37И презрит брат брата аки на рати, ни кому нападающу, и не возможете противустати врагом вашым:Select Leviticus 26:37

38и погибнете в языцех, и потребит вас земля враг ваших.Select Leviticus 26:38

39И оставльшиися от вас истлеют за грехи своя и за грехи отец своих, в земли враг своих истают,Select Leviticus 26:39

40и исповедят грехи своя и грехи отец своих, яко преступиша и презреша Мя, и яко ходиша предо Мною страною:Select Leviticus 26:40

41и Аз пойду с ними в ярости страною и погублю их в земли врагов их: тогда усрамится сердце их необрезаное и тогда познают грехи своя::Select Leviticus 26:41

42и помяну завет Иаковль и завет Исааков, и завет Авраамль помяну,Select Leviticus 26:42

43и землю помяну, и земля останется от них. Тогда приимет земля субботы своя, внегда опустети ей их ради: и они приимут своя беззакония, ихже ради презреша судбы Моя, и о повелениих Моих вознегодова душа их:Select Leviticus 26:43

44обаче сущым им в земли врагов своих, не презрех их, ниже вознегодовах о них, яко потребити я и разорити завет Мой иже к ним: Аз бо есмь Господь Бог их.Select Leviticus 26:44

45И помяну завет их первый, егда изведох их из земли Египетския, из дому работы пред языки, еже быти Мне Богу их: Аз есмь Господь.Select Leviticus 26:45

46Сия судбы Моя и повеления Моя, и закон, егоже даде Господь между Собою и между сыны Израилевы, на горе Синайстей, рукою Моисеовою.Select Leviticus 26:46