11Luke 11

1И бысть внегда быти Ему на месте некоем молящуся, (и) яко преста, рече некий от ученик Его к Нему: Господи, научи ны молитися, якоже и Иоанн научи ученики своя.Select Luke 11:1

2Рече же им: егда молитеся, глаголите: Отче наш, иже на небесех, да святится имя Твое: да приидет Царствие Твое: да будет воля Твоя, яко на небеси, и на земли:Select Luke 11:2

3хлеб наш насущный подавай нам на всяк день:Select Luke 11:3

4и остави нам грехи нашя, ибо и сами оставляем всякому должнику нашему: и не введи нас во искушение, но избави нас от лукаваго.Select Luke 11:4

5И рече к ним: кто от вас имать друга, и идет к нему в полунощи, и речет ему: друже, даждь ми взаим три хлебы:Select Luke 11:5

6понеже друг прииде с пути ко мне, и не имам чесо предложити ему.Select Luke 11:6

7И той извнутрь отвещав речет: не твори ми труды: уже двери затворены суть, и дети моя со мною на ложи суть: (и) не могу востав дати тебе.Select Luke 11:7

8Глаголю же вам: аще и не даст ему востав, зане друг ему есть: но за безочьство его, востав даст ему, елика требует.Select Luke 11:8

9И Аз вам глаголю: просите, и дастся вам: ищите, и обрящете: толцыте, и отверзется вам:Select Luke 11:9

10всяк бо просяй приемлет, и ищяй обретает, и толкущему отверзется.Select Luke 11:10

11Котораго же вас отца воспросит сын хлеба, еда камень подаст ему? Или рыбы, еда в рыбы место змию подаст ему?Select Luke 11:11

12Или аще попросит яица, еда подаст ему скорпию?Select Luke 11:12

13Аще убо вы зли суще, умеете даяния блага даяти чадом вашым, кольми паче Отец, иже с небесе, даст Духа Святаго просящым у Него?Select Luke 11:13

14И бе изгоня беса, и той бе нем: бысть же бесу изшедшу, проглагола немый: и дивишася народи.Select Luke 11:14

15Нецыи же от них реша: о веельзевуле князи бесовстем изгонит бесы.Select Luke 11:15

16Друзии же искушающе, знамения от Него искаху с небесе.Select Luke 11:16

17Он же ведый помышления их, рече им: всяко царство само в себе разделяяся, запустеет: и дом на дом, падает.Select Luke 11:17

18Аще же и сатана сам в себе разделися, како станет царство его, якоже глаголете, о веельзевуле изгонящя Мя бесы.Select Luke 11:18

19Аще же Аз о веельзевуле изгоню бесы, сынове ваши о ком изгонят? Сего ради тии будут вам судии.Select Luke 11:19

20Аще ли же о персте Божии изгоню бесы, убо постиже на вас Царствие Божие.Select Luke 11:20

21Егда крепкий вооружився хранит свой двор, во смирении суть имения его:Select Luke 11:21

22егда же креплей его нашед победит его, все оружие его возмет, на неже уповаше, и корысть его раздает.Select Luke 11:22

23Иже несть со Мною, на Мя есть: и иже не собирает со Мною, расточает.Select Luke 11:23

24Егда (же) нечистый дух изыдет от человека, преходит сквозе безводная места, ищя покоя: и не обретая, глаголет: возвращуся в дом мой, отнюдуже изыдох.Select Luke 11:24

25И пришед обрящет и пометен и украшен:Select Luke 11:25

26тогда идет и поймет седмь других духов горших себе, и вшедше живут ту: и бывают последняя человеку тому горша первых.Select Luke 11:26

27Бысть же егда глаголаше сия, воздвигши некая жена глас от народа, рече Ему: блажено чрево носившее Тя, и сосца, яже еси ссал.Select Luke 11:27

28Он же рече: темже убо блажени слышащии слово Божие и хранящии е.Select Luke 11:28

29Народом же собирающымся начат глаголати: род сей лукав есть: знамения ищет, и знамение не дастся ему, токмо знамение Ионы пророка:Select Luke 11:29

30якоже бо бысть Иона знамение Ниневитом, тако будет и Сын Человеческий роду сему.Select Luke 11:30

31Царица южская востанет на суд с мужи рода сего, и осудит их: яко прииде от конец земли слышати премудрость Соломонову: и се множае Соломона зде.Select Luke 11:31

32Мужие Ниневитстии востанут на суд с родом сим и осудят и: яко покаяшася проповедию Иониною: и се, множае Ионы зде.Select Luke 11:32

33Никтоже (убо) светилника вжег, в скрове полагает, ни под спудом, но на свещнице, да входящии свет видят.Select Luke 11:33

34Светилник телу есть око: егда убо око твое просто будет, все тело твое светло будет: егда же лукаво будет, и тело твое темно:Select Luke 11:34

35блюди убо, еда свет, иже в тебе, тма есть.Select Luke 11:35

36Аще бо тело твое все светло, не имый некия части темны, будет светло все, якоже егда светилник блистанием прсвещает тя.Select Luke 11:36

37Егда же глаголаше, моляше Его фарисей некий, да обедует у него: вшед же возлеже.Select Luke 11:37

38Фарисей же видев дивися, яко не прежде крестися прежде обеда.Select Luke 11:38

39Рече же Господь к нему: ныне вы, фарисее, внешняя сткляницы и блюда очищаете, внутреннее же ваше полно грабления есть и лукавства.Select Luke 11:39

40Безумнии, не Иже ли сотвори внешнее, и внутреннее сотворил есть?Select Luke 11:40

41Обаче от сущих дадите милостыню: и се, вся чиста вам будут.Select Luke 11:41

42Но горе вам фарисеом, яко одесятствуете от мятвы и пигана и всякаго зелия, и мимоходите суд и любовь Божию: сия подобаше сотворити, и онех не оставляти.Select Luke 11:42

43Горе вам фарисеом, яко любите председания на сонмищих и целования на торжищих.Select Luke 11:43

44Горе вам, книжницы и фарисее, лицемери, яко есте яко гроби неведоми, и человецы ходящии верху не ведят.Select Luke 11:44

45Отвещав же некий от законник рече Ему: Учителю, сия глаголя и нам досаждаеши.Select Luke 11:45

46Он же рече: и вам законником горе, яко накладаете на человеки бремена не удобь носима, и сами единем перстом вашим не прикасаетеся бременем.Select Luke 11:46

47Горе вам, яко зиждете гробы пророк, отцы же ваши избиша их:Select Luke 11:47

48убо свидетелствуете и соблаговолите делом отец ваших: яко тии убо избиша их, вы же зиждете их гробы.Select Luke 11:48

49Сего ради и премудрость Божия рече: послю в них пророки и Апостолы, и от них убиют и изженут:Select Luke 11:49

50да взыщется кровь всех пророк, проливаемая от сложения мира, от рода сего,Select Luke 11:50

51от крове Авеля даже до крове Захарии, погибшаго между олтарем и храмом: ей, глаголю вам, взыщется от рода сего.Select Luke 11:51

52Горе вам законником, яко взясте ключь разумения: сами не внидосте, и входящым возбранисте.Select Luke 11:52

53Глаголющу же Ему сия к ним, начаша книжницы и фарисее бедне гневатися Нань и престати Его о мнозе,Select Luke 11:53

54лающе Его, ищуще уловити нечто от уст Его, да Нань возглаголют.Select Luke 11:54