15Luke 15

1Бяху же приближающеся к Нему вси мытарие и грешницы, послушати Его.Select Luke 15:1

2И роптаху фарисее и книжницы, глаголюще, яко Сей грешники приемлет и с ними яст.Select Luke 15:2

3Рече же к ним притчу сию, глаголя:Select Luke 15:3

4кий человек от вас имый сто овец, и погубль едину от них, не оставит ли девятидесяти и девяти в пустыни и идет вслед погибшия, дондеже обрящет ю?Select Luke 15:4

5И обрет возлагает на раме свои радуяся:Select Luke 15:5

6и пришед в дом, созывает други и соседы, глаголя им: радуйтеся со мною, яко обретох овцу мою погибшую.Select Luke 15:6

7Глаголю вам, яко тако радость будет на небеси о единем грешнице кающемся, нежели о девятидесятих и девяти праведник, иже не требуют покаяния.Select Luke 15:7

8Или кая жена имущи десять драхм, аще погубит драхму едину, не вжигает ли светилника, и пометет храмину, и ищет прилежно, дондеже обрящет?Select Luke 15:8

9И обретши созывает другини и соседы, глаголющи: радуйтеся со мною, яко обретох драхму погибшую.Select Luke 15:9

10Тако, глаголю вам, радость бывает пред Ангелы Божиими о единем грешнице кающемся.Select Luke 15:10

11Рече же: человек некий име два сына:Select Luke 15:11

12и рече юнейший ею отцу: отче, даждь ми достойную часть имения. И раздели има имение.Select Luke 15:12

13И не по мнозех днех собрав все мний сын, отиде на страну далече, и ту расточи имение свое, живый блудно.Select Luke 15:13

14Изжившу же ему все, бысть глад крепок на стране той, и той начат лишатися:Select Luke 15:14

15и шед прилепися единому от житель тоя страны: и посла его на села своя пасти свиния:Select Luke 15:15

16и желаше насытити чрево свое от рожец, яже ядяху свиния: и никтоже даяше ему.Select Luke 15:16

17В себе же пришед, рече: колико наемником отца моего избывают хлебы, аз же гладом гиблю?Select Luke 15:17

18Востав иду ко отцу моему, и реку ему: отче, согреших на небо и пред тобою,Select Luke 15:18

19и уже несмь достоин нарещися сын твой: сотвори мя яко единаго от наемник твоих.Select Luke 15:19

20И востав иде ко отцу своему. Еще же ему далече сущу, узре его отец его, и мил ему бысть, и тек нападе на выю его, и облобыза его.Select Luke 15:20

21Рече же ему сын: отче, согреших на небо и пред тобою, и уже несмь достоин нарещися сын твой.Select Luke 15:21

22Рече же отец к рабом своим: изнесите одежду первую и облецыте его, и дадите перстень на руку его и сапоги на нозе:Select Luke 15:22

23и приведше телец упитанный заколите, и ядше веселимся:Select Luke 15:23

24яко сын мой сей мертв бе, и оживе: и изгибл бе, и обретеся. И начаша веселитися.Select Luke 15:24

25Бе же сын его старей на селе: и яко грядый приближися к дому, слыша пение и лики:Select Luke 15:25

26и призвав единаго от отрок, вопрошаше: что (убо) сия суть?Select Luke 15:26

27Он же рече ему, яко брат твой прииде: и закла отец твой телца упитанна, яко здрава его прият.Select Luke 15:27

28Разгневася же, и не хотяше внити. Отец же его изшед моляше его.Select Luke 15:28

29Он же отвещав рече отцу: се, толико лет работаю тебе и николиже заповеди твоя преступих, и мне николиже дал еси козляте, да со други своими возвеселился бых:Select Luke 15:29

30егда же сын твой сей, изядый твое имение с любодейцами, прииде, заклал еси ему телца питомаго.Select Luke 15:30

31Он же рече ему: чадо, ты всегда со мною еси, и вся моя твоя суть:Select Luke 15:31

32возвеселитижеся и возрадовати подобаше, яко брат твой сей мертв бе, и оживе: и изгибл бе, и обретеся.Select Luke 15:32