17Luke 17

1Рече же ко учеником Своим: не возможно есть не приити соблазном, горе же, егоже ради приходят:Select Luke 17:1

2унее ему было бы, аще жернов оселский облежал бы о выи его, и ввержен в море, неже да соблазнит от малых сих единаго.Select Luke 17:2

3Внемлите себе. Аще согрешит к тебе брат твой, запрети ему: и аще покается, остави ему:Select Luke 17:3

4и аще седмищи на день согрешит к тебе и седмищи на день обратится, глаголя: каюся: остави ему.Select Luke 17:4

5И рекоша Апостоли Господеви: приложи нам веру.Select Luke 17:5

6Рече же Господь: аще бысте имели веру яко зерно горушно, глаголали бысте убо ягодичине сей: восторгнися и всадися в море: и послушала бы вас.Select Luke 17:6

7Который же от вас раба имея орюща или пасуща, иже пришедшу ему с села речет: абие минув возлязи?Select Luke 17:7

8Но не речет ли ему: уготовай, что вечеряю, и препоясався служи ми, дондеже ям и пию: и потом яси и пиеши ты?Select Luke 17:8

9Еда имать хвалу рабу тому, яко сотвори повеленная? Не мню.Select Luke 17:9

10Тако и вы, егда сотворите вся повеленная вам, глаголите, яко раби неключими есмы: яко, еже должни бехом сотворити, сотворихом.Select Luke 17:10

11И бысть идущу Ему во Иерусалим, и той прохождаше между Самариею и Галилеею.Select Luke 17:11

12Входящу же Ему в некую весь, сретоша Его десять прокаженных мужей, иже сташа издалеча:Select Luke 17:12

13и тии вознесоша глас, глаголюще: Иисусе Наставниче, помилуй ны.Select Luke 17:13

14И видев рече им: шедше покажитеся священником. И бысть идущым им, очистишася.Select Luke 17:14

15Един же от них, видев, яко изцеле, возвратися, со гласом велиим славя Бога,Select Luke 17:15

16и паде ниц при ногу Его, хвалу Ему воздая: и той бе Самарянин.Select Luke 17:16

17Отвещав же Иисус рече: не десять ли очистишася? Да девять где?Select Luke 17:17

18Како не обретошася возвращшеся дати славу Богу, токмо иноплеменник сей?Select Luke 17:18

19И рече ему: востав иди: вера твоя спасе тя.Select Luke 17:19

20Вопрошен же быв от фарисей, когда приидет Царствие Божие, отвещав им рече: не приидет Царствие Божие с соблюдением:Select Luke 17:20

21ниже рекут: се зде, или: онде. Се бо, Царствие Божие внутрь вас есть.Select Luke 17:21

22Рече же ко учеником (Своим): приидут дние, егда вожделеете единаго дне Сына Человеческаго видети, и не узрите:Select Luke 17:22

23и рекут вам: се зде, или: се, онде: не изыдите, ни пожените:Select Luke 17:23

24яко бо молния блистающися от поднебесныя на поднебесней светится: тако будет Сын Человеческий в день Свой.Select Luke 17:24

25Прежде же подобает Ему много пострадати и искушену быти от рода сего.Select Luke 17:25

26И якоже бысть во дни Ноевы, тако будет и во дни Сына Человеческа:Select Luke 17:26

27ядяху, пияху, женяхуся, посягаху, до негоже дне вниде Ное в ковчег: и прииде потоп и погуби вся.Select Luke 17:27

28Такожде и якоже бысть во дни Лотовы: ядяху, пияху, куповаху, продаяху, саждаху, здаху:Select Luke 17:28

29в оньже день изыде Лот от Содомлян, одожди камык горящь и огнь с небесе и погуби вся:Select Luke 17:29

30по тому же будет и в день, в оньже Сын Человеческий явится.Select Luke 17:30

31В той день, иже будет на крове, и сосуди его в дому, да не слазит взяти их: и иже на селе, такожде да не возвратится вспять:Select Luke 17:31

32поминайте жену Лотову.Select Luke 17:32

33Иже аще взыщет душу свою спасти, погубит ю: и иже аще погубит ю, живит ю.Select Luke 17:33

34Глаголю вам: в ту нощь будета два на одре единем: един поемлется, а другий оставляется:Select Luke 17:34

35будете две вкупе мелюще: едина поемлется, а другая оставляется.Select Luke 17:35

36Два будета на селе: един поемлется, а другий оставляется.Select Luke 17:36

37И отвещавше глаголаша Ему: где, Господи? Он же рече им: идеже тело, тамо соберутся и орли.Select Luke 17:37