20Luke 20

1И бысть во един от дний онех, учащу Ему люди в церкви и благовествующу, приидоша священницы и книжницы со старцыSelect Luke 20:1

2и реша к Нему, глаголюще: рцы нам, коею областию сия твориши, или кто есть давый Тебе власть сию?Select Luke 20:2

3Отвещав же рече к ним: вопрошу вы и Аз единаго словесе, и рцыте Ми:Select Luke 20:3

4крещение Иоанново с небесе ли бе, или от человек?Select Luke 20:4

5Они же помышляху в себе, глаголюще, яко аще речем: с небесе, речет: почто убо не веровасте ему?Select Luke 20:5

6Аще ли же речем: от человек, вси людие камением побиют ны: известно бо бе о Иоанне, яко пророк бе.Select Luke 20:6

7И отвещаша: не вемы откуду.Select Luke 20:7

8Иисус же рече им: ни Аз глаголю вам, коею областию сия творю.Select Luke 20:8

9Начат же к людем глаголати притчу сию: человек некий насади виноград, и вдаде его делателем, и отиде на лета многа:Select Luke 20:9

10и во время посла к делателем раба, да от плода винограда дадут ему: делатели же бивше его, послаша тща.Select Luke 20:10

11И приложи послати другаго раба: они же и того бивше и досадивше (ему), послаша тща.Select Luke 20:11

12И приложи послати третияго: они же и того уязвльше изгнаша.Select Luke 20:12

13Рече же господин винограда: что сотворю? Послю сына моего возлюбленнаго, еда како, его видевше, усрамятся.Select Luke 20:13

14Видевше же его делателе, мышляху в себе, глаголюще: сей есть наследник: приидите, убием его, да наше будет достояние.Select Luke 20:14

15И изведше его вон из винограда, убиша. Что убо сотворит им господин винограда?Select Luke 20:15

16Приидет и погубит делатели сия и вдаст виноград инем. Слышавше же рекоша: да не будет.Select Luke 20:16

17Он же воззрев на них, рече: что убо писаное сие: камень, егоже небрегоша зиждущии, сей бысть во главу угла?Select Luke 20:17

18Всяк падый на камени том, сокрушится: а на немже падет, стрыет его.Select Luke 20:18

19И взыскаша архиерее и книжницы возложити Нань руце в той час и убояшася народа: разумеша бо, яко к ним притчу сию рече.Select Luke 20:19

20И наблюдше послаша лаятели, притворяющих себе праведники быти: да имут Его в словеси, во еже предати Его началству и области игемонове.Select Luke 20:20

21И вопросиша Его, глаголюще: Учителю, вемы, яко право глаголеши и учиши, и не на лица зриши, но воистинну пути Божию учиши:Select Luke 20:21

22достоит ли нам кесареви дань даяти, или ни?Select Luke 20:22

23Разумев же их лукавство, рече к ним: что Мя искушаете?Select Luke 20:23

24Покажите Ми цату: чий имать образ и надписание? Отвещавше же рекоша: кесарев.Select Luke 20:24

25Он же рече им: воздадите убо, яже кесарева, кесареви, и яже Божия, Богови.Select Luke 20:25

26И не могоша зазрети глаголгола Его пред людьми: и дивишася о ответе Его и умолчаша.Select Luke 20:26

27Приступиша же нецыи от саддукей, глаголющии воскресению не быти, вопрошаху Его,Select Luke 20:27

28глаголюще: Учителю, Моисей написа нам: аще кому брат умрет имый жену, и той безчаден умрет, да брат его поймет жену и возставит семя брату своему:Select Luke 20:28

29седмь убо братий бе: и первый поят жену, умре безчаден:Select Luke 20:29

30и поят вторый жену, и той умре безчаден:Select Luke 20:30

31и третий поят ю: такожде же и вси седмь: и не оставиша чад и умроша:Select Luke 20:31

32послежде же всех умре и жена:Select Luke 20:32

33в воскресение убо, котораго их будет жена? Седмь бо имеша ю жену.Select Luke 20:33

34И отвещав рече им Иисус: сынове века сего женятся и посягают:Select Luke 20:34

35а сподобльшиися век он улучити и воскресение, еже от мертвых, ни женятся, ни посягают:Select Luke 20:35

36ни умрети бо ктому могут: равни бо суть Ангелом и сынове суть Божии, воскресения сынове суще:Select Luke 20:36

37а яко востают мертвии, и Моисей сказа при купине, якоже глаголет Господа Бога Авраамля и Бога Исаакова и Бога Иаковля:Select Luke 20:37

38Бог же несть мертвых, но живых: вси бо Тому живи суть.Select Luke 20:38

39Отвещавше же нецыи от книжник рекоша: Учителю, добре рекл еси.Select Luke 20:39

40Ктому же не смеяху Его вопросити ничесоже. Рече же к ним:Select Luke 20:40

41како глаголют Христа Сына Давидова быти?Select Luke 20:41

42Сам бо Давид глаголет в книзе псаломстей: рече Господь Господеви моему: седи о десную Мене,Select Luke 20:42

43дондеже положу враги Твоя подножие ногама Твоима.Select Luke 20:43

44Давид убо Господа Его нарицает, и како Сын ему есть?Select Luke 20:44

45Слышащым же всем людем, рече учеником Своим:Select Luke 20:45

46внемлите себе от книжник хотящих ходити во одеждах и любящих целования на торжищих и председания на сонмищих и преждевозлежания на вечерях:Select Luke 20:46

47иже снедают домы вдовиц и виною далече молятся: сии приимут лишше осуждение.Select Luke 20:47