21Luke 21

1Воззрев же виде вметающыя в храм набдящий имения дары своя богатыя:Select Luke 21:1

2виде же и некую вдовицу убогу вметающу ту две лепте,Select Luke 21:2

3и рече: воистинну глаголю вам, яко вдовица сия убогая множае всех вверже:Select Luke 21:3

4вси бо сии от избытка своего ввергоша в дары Богови: сия же от лишения своего все житие, еже име, вверже.Select Luke 21:4

5И неким глаголющым о церкви, яко камением добрым и сосуды украшена, рече:Select Luke 21:5

6сия яже видите, приидут дние, в няже не останет камень на камени, иже не разорится.Select Luke 21:6

7Вопросиша же Его, глаголюще: Учителю, когда убо сия будут? И что есть знамение, егда хотят сия быти?Select Luke 21:7

8Он же рече: блюдите, да не прельщени будете: мнози бо приидут во имя Мое, глаголюще, яко Аз есмь: и время приближися. Не изыдите убо вслед их.Select Luke 21:8

9Егда же услышите брани и нестроения, не убойтеся: подобает бо сим быти прежде: но не у абие кончина.Select Luke 21:9

10Тогда глаголаше им: востанет (бо) язык на язык, и царство на царство:Select Luke 21:10

11труси же велицы по местом и глади и пагубы будут, страхования же и знамения велия с небесе будут.Select Luke 21:11

12Прежде же сих всех возложат на вы руки своя и ижденут, предающе на сонмища и темницы, ведомы к царем и владыкам, имене Моего ради:Select Luke 21:12

13прилучится же вам во свидетелство.Select Luke 21:13

14Положите убо на сердцах ваших, не прежде поучатися отвещавати:Select Luke 21:14

15Аз бо дам вам уста и премудрость, ейже не возмогут противитися или отвещати вси противляющиися вам.Select Luke 21:15

16Предани же будете и родители и братиею и родом и други, и умертвят от вас:Select Luke 21:16

17и будете ненавидими от всех имене Моего ради:Select Luke 21:17

18и влас главы вашея не погибнет:Select Luke 21:18

19в терпении вашем стяжите душы вашя.Select Luke 21:19

20Егда же узрите обстоимь Иерусалим вои, тогда разумейте, яко приближися запустение ему:Select Luke 21:20

21тогда сущии во Иудеи да бегают в горы: и иже посреде его, да исходят: и иже во странах, да не входят в онь:Select Luke 21:21

22яко дние отмщению сии суть, яко исполнитися всему писанному.Select Luke 21:22

23Горе же имущым во утробе и доящым в тыя дни: будет бо беда велия на земли и гнев на людех сих,Select Luke 21:23

24и падут во острии меча, и пленени будут во вся языки: и Иерусалим будет попираемь языки, дондеже скончаются времена язык.Select Luke 21:24

25И будут знамения в солнце и луне и звездах: и на земли туга языком от нечаяния шума морскаго и возмущения,Select Luke 21:25

26издыхающым человеком от страха и чаяния грядущих на вселенную: силы бо небесныя подвигнутся,Select Luke 21:26

27и тогда узрят Сына Человеческа грядуща на облацех с силою и славою многою.Select Luke 21:27

28Начинающым же сим бывати, восклонитеся и воздвигните главы вашя: зане приближается избавление ваше.Select Luke 21:28

29И рече притчу им: видите смоковницу и вся древа:Select Luke 21:29

30егда прошибаются уже, видяще сами весте, яко близ жатва есть.Select Luke 21:30

31Тако и вы, егда узрите сия бывающа, ведите, яко близ есть Царствие Божие.Select Luke 21:31

32Аминь глаголю вам, яко не имать прейти род сей, дондеже вся сия будут:Select Luke 21:32

33небо и земля мимо идет, а словеса Моя не имут прейти.Select Luke 21:33

34Внемлите же себе, да не когда отягчают сердца ваша объядением и пиянством и печальми житейскими, и найдет на вы внезапу день той:Select Luke 21:34

35яко сеть бо приидет на вся живущыя на лицы всея земли:Select Luke 21:35

36бдите убо на всяко время молящеся, да сподобитеся убежати всех сих хотящих быти, и стати пред Сыном Человеческим.Select Luke 21:36

37Бе же во дни во церкви учя: нощию же исходя водворяшеся в горе нарицаемей Елеон.Select Luke 21:37

38И вси людие из утра прихождаху к Нему во церковь послушати Его.Select Luke 21:38