22Luke 22

1Приближашеся же праздник опреснок, глаголемый Пасха:Select Luke 22:1

2и искаху архиерее и книжницы, како бы убили Его: бояхуся бо людий.Select Luke 22:2

3Вниде же сатана во Иуду нарицаемаго Искариот, суща от числа обоюнадесяте,Select Luke 22:3

4и шед глагола архиереом и воеводам, како Его предаст им.Select Luke 22:4

5И возрадовашася и совещаша ему сребреники дати:Select Luke 22:5

6и исповеда и искаше удобна времене, да предаст Его им без народа.Select Luke 22:6

7Прииде же день опресноков, в оньже подобаше жрети пасху:Select Luke 22:7

8и посла Петра и Иоанна, рек: шедша уготовайта нам пасху, да ямы.Select Luke 22:8

9Она же рекоста Ему: где хощеши уготоваем?Select Luke 22:9

10Он же рече има: се, восходящема вама во град, срящет вы человек в скудельнице воду нося: по нем идета в дом, в оньже входит,Select Luke 22:10

11и рцета дому владыце: глаголет тебе Учитель: где есть обитель, идеже пасху со ученики Моими снем?Select Luke 22:11

12И той вама покажет горницу велию постлану: ту уготовайта.Select Luke 22:12

13Шедша же обретоста, якоже рече има: и уготоваста пасху.Select Luke 22:13

14И егда бысть час, возлеже, и обанадесяте Апостола с Ним,Select Luke 22:14

15и рече к ним: желанием возжелех сию пасху ясти с вами, прежде даже не прииму мук:Select Luke 22:15

16глаголю бо вам, яко отселе не имам ясти от нея, дондеже скончаются во Царствии Божии.Select Luke 22:16

17И приим чашу, хвалу воздав, рече: приимите сию, и разделите себе:Select Luke 22:17

18глаголю бо вам, яко не имам пити от плода лознаго, дондеже Царствие Божие приидет.Select Luke 22:18

19И приим хлеб, хвалу воздав, преломи и даде им, глаголя: сие есть тело Мое, еже за вы даемо: сие творите в Мое воспоминание.Select Luke 22:19

20Такожде же и чашу по вечери, глаголя: сия чаша Новый Завет Моею кровию, яже за вы проливается:Select Luke 22:20

21обаче се, рука предающаго Мя со Мною (есть) на трапезе,Select Luke 22:21

22и Сын убо Человеческий идет по реченному: обаче горе человеку тому, имже предается.Select Luke 22:22

23И тии начаша искати в себе, который убо от них хощет сие сотворити.Select Luke 22:23

24Бысть же и пря в них, кий мнится их быти болий.Select Luke 22:24

25Он же рече им: царие язык господствуют ими, и обладающии ими благодателе нарицаются:Select Luke 22:25

26вы же не тако: но болий в вас, да будет яко мний: и старей, яко служай.Select Luke 22:26

27Кто бо болий, возлежай ли, или служай? Не возлежай ли? Аз же посреде вас есмь яко служай.Select Luke 22:27

28Вы же есте пребывше со Мною в напастех Моих,Select Luke 22:28

29и Аз завещаваю вам, якоже завеща Мне Отец Мой, Царство,Select Luke 22:29

30да ясте и пиете на трапезе Моей во Царствии Моем: и сядете на престолех, судяще обеманадесяте коленома Израилевома.Select Luke 22:30

31Рече же Господь: Симоне, Симоне, се, сатана просит вас, дабы сеял, яко пшеницу:Select Luke 22:31

32Аз же молихся о тебе, да не оскудеет вера твоя: и ты некогда обращься утверди братию твою.Select Luke 22:32

33Он же рече Ему: Господи, с Тобою готов есмь и в темницу и на смерть ити.Select Luke 22:33

34Он же рече: глаголю ти, Петре, не возгласит петель днесь, дондеже трикраты отвержешися Мене не ведети.Select Luke 22:34

35И рече им: егда послах вы без влагалища и без меха и без сапог, еда чесого лишени бысте? Они же реша: ничесоже.Select Luke 22:35

36Рече же им: но ныне иже имать влагалище, да возмет, такожде и мех: а иже не имать, да продаст ризу свою, и купит нож:Select Luke 22:36

37глаголю бо вам, яко еще писаное се, подобает, да скончается о Мне, еже: и со беззаконными вменися. Ибо еже о Мне, кончину имать.Select Luke 22:37

38Они же реша: Господи, се, ножа зде два. Он же рече им: доволно есть.Select Luke 22:38

39И изшед иде по обычаю в гору Елеонскую: по Нем же идоша ученицы Его.Select Luke 22:39

40Быв же на месте, рече им: молитеся, да не внидете в напасть.Select Luke 22:40

41И Сам отступи от них яко вержением камене, и поклонь колена моляшеся,Select Luke 22:41

42глаголя: Отче, аще волиши мимонести чашу сию от Мене: обаче не Моя воля, но Твоя да будет.Select Luke 22:42

43Явися же Ему Ангел с небесе, укрепляя Его.Select Luke 22:43

44И быв в подвизе, прилежнее моляшеся: бысть же пот Его яко капли крове каплющыя на землю.Select Luke 22:44

45И востав от молитвы (и) пришед ко учеником, обрете их спящих от печалиSelect Luke 22:45

46и рече им: что спите? Воставше молитеся, да не внидете в напасть.Select Luke 22:46

47Еще же Ему глаголющу, се, народ, и нарицаемый Иуда, един от обоюнадесяте, идяше пред ними, и приступи ко Иисусови целовати Его. Сие бо бе знамение дал им: Егоже аще лобжу, Той есть.Select Luke 22:47

48Иисус же рече ему: Иудо, лобзанием ли Сына Человеческаго предаеши?Select Luke 22:48

49Видевше же, иже беху с Ним, бываемое, реша Ему: Господи, аще ударим ножем?Select Luke 22:49

50И удари един некий от них архиереова раба и уреза ему ухо десное.Select Luke 22:50

51Отвещав же Иисус рече: оставите до сего. И коснувся уха его, изцели его.Select Luke 22:51

52Рече же Иисус ко пришедшым Нань архиереом и воеводам церковным и старцем: яко на разбойника ли изыдосте со оружием и дрекольми яти Мя?Select Luke 22:52

53По вся дни сущу Ми с вами в церкви, не простросте руки на Мя: но се есть ваша година и область темная.Select Luke 22:53

54Емше же Его ведоша и введоша Его во двор архиереов. Петр же вслед идяше издалеча.Select Luke 22:54

55Возгнещшым же огнь посреде двора и вкупе седящым им, седяше Петр посреде их.Select Luke 22:55

56Узревши же его рабыня некая седяща при свете и воззревши нань, рече: и сей с Ним бе.Select Luke 22:56

57Он же отвержеся Его, глаголя: жено, не знаю Его.Select Luke 22:57

58И помале другий видев его, рече: и ты от них еси. Петр же рече: человече, несмь.Select Luke 22:58

59И мимошедшу яко часу единому, ин некий крепляшеся глаголя: воистинну и сей с Ним бе: ибо Галилеанин есть.Select Luke 22:59

60Рече же Петр: человече, не вем, еже глаголеши. И абие, еще глаголющу ему, возгласи петель.Select Luke 22:60

61И обращься Господь воззре на Петра: и помяну Петр слово Господне, якоже рече ему, яко прежде даже петель не возгласит, отвержешися Мене трикраты.Select Luke 22:61

62И изшед вон плакася горько.Select Luke 22:62

63И мужие держащии Иисуса ругахуся Ему, биюще:Select Luke 22:63

64и закрывше Его, бияху Его по лицу и вопрошаху Его, глаголюще: прорцы, кто есть ударей Тя?Select Luke 22:64

65И ина многа хуляще глаголаху Нань.Select Luke 22:65

66И яко бысть день, собрашася старцы людстии и архиерее и книжницы, и ведоша Его на сонм свой,Select Luke 22:66

67глаголюще: аще Ты еси Христос? Рцы нам. Рече же им: аще вам реку, не имете веры:Select Luke 22:67

68аще же и вопрошу (вы), не отвещаете Ми, ни отпустите:Select Luke 22:68

69отселе будет Сын Человеческий седяй о десную силы Божия.Select Luke 22:69

70Реша же вси: Ты ли убо еси Сын Божий? Он же к ним рече: вы глаголете, яко Аз есмь.Select Luke 22:70

71Они же реша: что еще требуем свидетелства? Сами бо слышахом от уст Его.Select Luke 22:71