23Luke 23

1И воставше все множество их, ведоша Его к Пилату,Select Luke 23:1

2начаша же Нань вадити, глаголюще: Сего обретохом развращающа язык наш и возбраняюща кесареви дань даяти, глаголюща Себе Христа Царя быти.Select Luke 23:2

3Пилат же вопроси Его, глаголя: Ты ли еси Царь Иудеом? Он же отвещав рече ему: ты глаголеши.Select Luke 23:3

4Пилат же рече ко архиереом и народу: ни коеяже обретаю вины в человеце сем.Select Luke 23:4

5Они же крепляхуся глаголюще, яко развращает люди, учя по всей Иудеи, начен от Галилеи до зде.Select Luke 23:5

6Пилат же слышав Галилею, вопроси, аще человек Галилеанин есть?Select Luke 23:6

7И разумев, яко от области Иродовы есть, посла Его ко Ироду, сущу и тому во Иерусалиме в тыя дни.Select Luke 23:7

8Ирод же видев Иисуса рад бысть зело: бе бо желая от многа времене видети Его, зане слышаше многа о Нем: и надеяшеся знамение некое видети от Него бываемо:Select Luke 23:8

9вопрошаше же Его словесы многими: Он же ничесоже отвещаваше ему.Select Luke 23:9

10Стояху же архиерее и книжницы, прилежно вадяще Нань.Select Luke 23:10

11Укорив же Его Ирод с вои своими и поругався, оболк его в ризу светлу, возврати Его к Пилату.Select Luke 23:11

12Быста же друга Ирод же и Пилат в той день с собою: прежде бо беста вражду имуща между собою.Select Luke 23:12

13Пилат же созвав архиереи и князи и люди,Select Luke 23:13

14рече к ним: приведосте ми человека сего, яко развращающа люди: и се, аз пред вами истязав, ни единыя же обретаю в человеце сем вины, яже Нань вадите:Select Luke 23:14

15но ни Ирод: послах бо Его к нему, и се, ничтоже достойно смерти сотворено есть о Нем:Select Luke 23:15

16наказав убо Его отпущу.Select Luke 23:16

17Нужду же имяше на вся праздники отпущати им единаго.Select Luke 23:17

18Возопиша же вси народи, глаголюще: возми Сего, отпусти же нам Варавву.Select Luke 23:18

19Иже бе за некую крамолу бывшую во граде и убийство ввержен в темницу.Select Luke 23:19

20Паки же Пилат возгласи, хотя отпустити Иисуса.Select Luke 23:20

21Они же возглашаху, глаголюще: распни, распни Его.Select Luke 23:21

22Он же третицею рече к ним: что бо зло сотвори Сей? Ничесоже достойна смерти обретох в Нем: наказав убо Его отпущу.Select Luke 23:22

23Они же прилежаху гласы великими, просяще Его на распятие: и устояху гласи их и архиерейстии.Select Luke 23:23

24Пилат же посуди быти прошению их:Select Luke 23:24

25отпусти же бывшаго за крамолу и убийство всаждена в темницу, егоже прошаху: Иисуса же предаде воли их.Select Luke 23:25

26И яко поведоша Его, емше Симона некоего Киринеа, грядуща с села, возложиша нань крест нести по Иисусе.Select Luke 23:26

27Идяше же вслед Его народ мног людий, и жены, яже и плакахуся и рыдаху Его.Select Luke 23:27

28Обращься же к ним Иисус рече: дщери Иерусалимски, не плачитеся о Мне, обаче себе плачите и чад ваших:Select Luke 23:28

29яко се, дние грядут, в няже рекут: блажены неплоды, и утробы, яже не родиша, и сосцы, иже не доиша:Select Luke 23:29

30тогда начнут глаголати горам: падите на ны: и холмом: покрыйте ны:Select Luke 23:30

31зане, аще в сурове древе сия творят, в сусе что будет?Select Luke 23:31

32Ведяху же и ина два злодея с Ним убити.Select Luke 23:32

33И егда приидоша на место, нарицаемое Лобное, ту распяша Его и злодея, оваго убо о десную, а другаго о шуюю.Select Luke 23:33

34Иисус же глаголаше: Отче, отпусти им: не ведят бо что творят. Разделяюще же ризы Его, метаху жребия.Select Luke 23:34

35И стояху людие зряще. Ругахуся же и князи с ними, глаголюще: иныя спасе, да спасет и Себе, аще Той есть Христос Божий избранный.Select Luke 23:35

36Ругахуся же Ему и воини, приступающе и оцет придеюще Ему,Select Luke 23:36

37и глаголаху: аще Ты еси Царь Иудейск, спасися Сам.Select Luke 23:37

38Бе же и написание написано над Ним писмены еллинскими и римскими и еврейскими: Сей есть Царь Иудейск.Select Luke 23:38

39Един же от обешеною злодею хуляше Его, глаголя: аще Ты еси Христос, спаси Себе и наю.Select Luke 23:39

40Отвещав же другий прещаше ему, глаголя: ни ли ты боишися Бога, яко в томже осужден еси?Select Luke 23:40

41И мы убо в правду: достойная бо по делом наю восприемлева: Сей же ни единаго зла сотвори.Select Luke 23:41

42И глаголаше Иисусови: помяни мя, Господи, егда приидеши во Царствии си.Select Luke 23:42

43И рече ему Иисус: аминь глаголю тебе, днесь со Мною будеши в раи.Select Luke 23:43

44Бе же час яко шестый, и тма бысть по всей земли до часа девятаго:Select Luke 23:44

45и померче солнце, и завеса церковная раздрася посреде.Select Luke 23:45

46И возглашь гласом велиим Иисус, рече: Отче, в руце Твои предаю дух Мой. И сия рек издше.Select Luke 23:46

47Видев же сотник бывшее, прослави Бога, глаголя: воистинну человек сей праведен бе.Select Luke 23:47

48И вси пришедшии народи на позор сей, видяще бывающая, биюще перси своя возвращахуся.Select Luke 23:48

49Стояху же вси знаемии Его издалеча, и жены споследствовавшыя Ему от Галилеи, зрящя сия.Select Luke 23:49

50И се, муж именем Иосиф, советник сый, муж благ и праведенSelect Luke 23:50

51сей не бе пристал совету и делу их, от Аримафеа града Иудейска, иже чаяше и сам Царствия Божия:Select Luke 23:51

52сей приступль к Пилату, проси телесе Иисусова:Select Luke 23:52

53и снем е обвит плащаницею, и положи е во гробе изсечене, в немже не бе никтоже никогдаже положен.Select Luke 23:53

54И день бе пяток, и суббота светаше.Select Luke 23:54

55Вслед же шедшыя жены, яже бяху пришли с Ним от Галилеи, видеша гроб, и яко положено бысть тело Его:Select Luke 23:55

56возвращшяся же уготоваша ароматы и миро: и в субботу убо умолчаша по заповеди.Select Luke 23:56