6Luke 6

1Бысть же в субботу второпервую ити Ему сквозе сеяния: и восторгаху ученицы Его класы, и ядяху, стирающе руками.Select Luke 6:1

2Нецыи же от фарисей реша им: что творите, егоже не достоит творити в субботы?Select Luke 6:2

3И отвещав Иисус рече к ним: ни ли сего чли есте, еже сотвори Давид, егда взалкася сам и иже с ним бяху?Select Luke 6:3

4Како вниде в дом Божий, и хлебы предложения взем, и яде, и даде и сущым с ним, ихже не достояше ясти, токмо единем иереем?Select Luke 6:4

5И глаголаше им, яко господь есть Сын Человеческий и субботе.Select Luke 6:5

6Бысть же и в другую субботу внити Ему в сонмище и учити: и бе тамо человек, и рука ему десная бе суха.Select Luke 6:6

7Назираху же книжницы и фарисее, аще в субботу изцелит, да обрящут речь Нань.Select Luke 6:7

8Он же ведяше помышления их и рече человеку имущему суху руку: востани и стани посреде. Он же востав ста.Select Luke 6:8

9Рече же Иисус к ним: вопрошу вы: что достоит в субботы, добро творити, или зло творити? Душу спасти, или погубити? Они же умолчаша.Select Luke 6:9

10И воззрев на всех их, рече ему: простри руку твою. Он же сотвори тако: и утвердися рука его здрава яко другая.Select Luke 6:10

11Они же исполнишася безумия и глаголаху друг ко другу, что быша сотворили Иисусови.Select Luke 6:11

12Бысть же во дни тыя, изыде в гору помолитися: и бе об нощь в молитве Божии.Select Luke 6:12

13И егда бысть день, призва ученики Своя: и избра от них дванадесяте, ихже и Апостолы нарече:Select Luke 6:13

14Симона, егоже именова Петра, и Андреа брата его, Иакова и Иоанна, Филиппа и Варфоломеа,Select Luke 6:14

15Матфеа и Фому, Иакова Алфеева и Симона нарицаемаго Зилота,Select Luke 6:15

16Иуду Иаковля, и Иуду Искариотскаго, иже и бысть предатель.Select Luke 6:16

17Изшед с ними, ста на месте равне: и народ ученик Его, и множество много людий от всея Иудеи и Иерусалима, и помория Тирска и Сидонска,Select Luke 6:17

18иже приидоша послушати Его и изцелитися от недуг своих, и страждущии от дух нечистых: и изцеляхуся.Select Luke 6:18

19И весь народ искаше прикасатися Ему: яко сила от Него исхождаше и изцеляше вся.Select Luke 6:19

20И Той возвед очи Свои на ученики Своя, глаголаше: блажени нищии духом: яко ваше есть Царствие Божие.Select Luke 6:20

21Блажени, алчущии ныне: яко насытитеся. Блажени, плачущии ныне: яко возсмеетеся.Select Luke 6:21

22Блажени будете, егда возненавидят вас человецы, и егда разлучат вы и поносят, и пронесут имя ваше яко зло, Сына Человеческаго ради.Select Luke 6:22

23Возрадуйтеся в той день и взыграйте: се бо, мзда ваша многа на небеси. По сим бо творяху пророком отцы их.Select Luke 6:23

24Обаче горе вам богатым: яко отстоите утешения вашего.Select Luke 6:24

25Горе вам, насыщеннии ныне: яко взалчете. Горе вам смеющымся ныне: яко возрыдаете и восплачете.Select Luke 6:25

26Горе, егда добре рекут вам вси человецы. По сим бо творяху лжепророком отцы их.Select Luke 6:26

27Но вам глаголю слышащым: любите враги вашя, добро творите ненавидящым вас,Select Luke 6:27

28благословите кленущыя вы, и молитеся за творящих вам обиду.Select Luke 6:28

29Биющему тя в ланиту, подаждь и другую: и от взимающаго ти ризу, и срачицу не возбрани.Select Luke 6:29

30Всякому же просящему у тебе дай: и от взимающаго твоя не истязуй.Select Luke 6:30

31И якоже хощете да творят вам человецы, и вы творите им такожде.Select Luke 6:31

32И аще любите любящыя вы, кая вам благодать есть? Ибо и грешницы любящыя их любят.Select Luke 6:32

33И аще благотворите благотворящым вам, кая вам благодать есть? Ибо и грешницы тожде творят.Select Luke 6:33

34И аще взаим даете, от нихже чаете восприяти, кая вам благодать есть, ибо и грешницы грешником взаим давают, да восприимут равная.Select Luke 6:34

35Обаче любите враги вашя, и благотворите, и взаим дайте, ничесоже чающе: и будет мзда ваша многа, и будете сынове Вышняго: яко Той благ есть на безблагодатныя и злыя.Select Luke 6:35

36Будите убо милосерди, якоже и Отец ваш милосерд есть.Select Luke 6:36

37И не судите, и не судят вам: (и) не осуждайте, да не осуждени будете: отпущайте, и отпустят вам:Select Luke 6:37

38дайте, и дастся вам: меру добру, наткану и потрясну и преливающуся дадят на лоно ваше: тою бо мерою, еюже мерите, возмерится вам.Select Luke 6:38

39Рече же притчу им: еда может слепец слепца водити? Не оба ли в яму впадетася?Select Luke 6:39

40Несть ученик над учителя своего: совершен же всяк будет, якоже и учитель его.Select Luke 6:40

41Что же видиши сучец, иже есть во очеси брата твоего, бервна же, еже есть во очеси твоем, не чуеши?Select Luke 6:41

42Или како можеши рещи брату твоему: брате, остави, да изму сучец, иже есть во очеси твоем, сам сущаго во очеси твоем бервна не видя? Лицемере, изми первее бервно из очесе твоего, и тогда прозриши изяти сучец из очесе брата твоего.Select Luke 6:42

43Несть бо древо добро, творя плода зла: ниже древо зло, творя плода добра.Select Luke 6:43

44Всяко бо древо от плода своего познается: не от терния бо чешут смоквы, ни от купины емлют гроздия.Select Luke 6:44

45Благий человек от благаго сокровища сердца своего износит благое: и злый человек от злаго сокровища сердца своего износит злое: от избытка бо сердца глаголют уста его.Select Luke 6:45

46Что же Мя зовете: Господи, Господи, и не творите, яже глаголю?Select Luke 6:46

47Всяк грядый ко Мне и слышай словеса Моя и творя я, скажу вам, кому есть подобен:Select Luke 6:47

48подобен есть человеку зиждущу храмину, иже ископа и углуби, и положи основание на камени: наводнению же бывшу, припаде река ко храмине той, и не може поколебати ея: основана бо бе на камени.Select Luke 6:48

49Слышавый же и не сотворивый подобен есть человеку создавшему храмину на земли без основания: к нейже припаде река, и абие падеся, и бысть разрушение храмины тоя велие.Select Luke 6:49