9Luke 9

1Созвав же обанадесяте, даде им силу и власть на вся бесы, и недуги целити:Select Luke 9:1

2и посла их проповедати Царствие Божие и изцелити болящыя.Select Luke 9:2

3И рече к ним: ничесоже возмите на путь: ни жезла, ни пиры, ни хлеба, ни сребра, ни по двема ризама имети:Select Luke 9:3

4и в оньже дом внидете, ту пребывайте, и оттуду исходите:Select Luke 9:4

5и елицы аще не приемлют вас, исходяще от града того, и прах от ног ваших оттрясите, во свидетелство на ня.Select Luke 9:5

6Исходяще же прохождаху сквозе веси, благовествующе и изцеляюще всюду.Select Luke 9:6

7Слыша же Ирод четвертовластник бывающая от Него вся и недоумевашеся: зане глаголемо бе от неких, яко Иоанн воста от мертвых:Select Luke 9:7

8от инех же, яко Илиа явися: от других же, яко пророк един от древних воскресе.Select Luke 9:8

9И рече Ирод: Иоанна аз усекнух: кто же есть Сей, о Немже аз слышу таковая? И искаше видети Его.Select Luke 9:9

10И возвращшеся Апостоли поведаша Ему, елика сотвориша: и поимь их, отиде един на место пусто града, нарицаемаго Вифсаида.Select Luke 9:10

11Народи же разумевше, по Нем идоша: и приемь их, глаголаше им о Царствии Божии и требующыя изцеления целяше.Select Luke 9:11

12День же начат прекланятися. Приступльше же обанадесяте рекоша Ему: отпусти народ, да шедше во окрестныя веси и села витают и обрящут брашно: яко зде в пусте месте есмы.Select Luke 9:12

13Рече же к ним: дадите им вы ясти. Они же реша: несть у нас вящше, токмо пять хлеб и рыбе две, аще убо не шедше мы купим во вся люди сия брашна.Select Luke 9:13

14Беху бо мужей яко пять тысящ. Рече же ко учеником Своим: посадите их на купы по пятидесят.Select Luke 9:14

15И сотвориша тако, и посадиша их вся.Select Luke 9:15

16Приим же пять хлеб и обе рыбе, воззрев на небо, благослови их, и преломи, и даяше учеником, предложити народу.Select Luke 9:16

17И ядоша, и насытишася вси: и взяша избывшыя им укрухи кошя дванадесяте.Select Luke 9:17

18И бысть егда моляшеся един, с Ним беху ученицы: и вопроси их, глаголя: кого Мя глаголют народи быти?Select Luke 9:18

19Они же отвещавше реша: Иоанна Крестителя: инии же Илию: друзии же, яко пророк некий от древних воскресе.Select Luke 9:19

20Рече же им: вы же кого Мя глаголете быти? Отвещав же Петр рече: Христа Божия.Select Luke 9:20

21Он же запрещь им, повеле ни комуже глаголати сего,Select Luke 9:21

22рек, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день востати.Select Luke 9:22

23Глаголаше же ко всем: аще кто хощет по Мне ити, да отвержется себе, и возмет крест свой, и последует Ми.Select Luke 9:23

24Иже бо аще хощет душу свою спасти, погубит ю: а иже погубит душу свою Мене ради, сей спасет ю.Select Luke 9:24

25Что бо пользы имать человек, приобрет мир весь, себе же погубив или отщетив?Select Luke 9:25

26Иже бо аще постыдится Мене и Моих словес, сего Сын Человеческий постыдится, егда приидет во славе Своей и Отчей и святых Ангел.Select Luke 9:26

27Глаголю же вам воистинну: суть нецыи от зде стоящих, иже не имут вкусити смерти, дондеже видят Царствие Божие.Select Luke 9:27

28Бысть же по словесех сих яко дний осмь, и поемь Петра и Иоанна и Иакова, взыде на гору помолитися.Select Luke 9:28

29И бысть егда моляшеся, видение лица Его ино, и одеяние Его бело блистаяся.Select Luke 9:29

30И се, мужа два с Ним глаголюща, яже беста Моисей и Илиа,Select Luke 9:30

31явльшася во славе, глаголаста же исход Его, егоже хотяше скончати во Иерусалиме.Select Luke 9:31

32Петр же и сущии с ним бяху отягчени сном: убуждшеся же видеша славу Его, и оба мужа стояща с Ним.Select Luke 9:32

33И бысть егда разлучистася от Него, рече Петр ко Иисусу: Наставниче, добро есть нам зде быти: и сотворим сени три, едину Тебе, и едину Моисеови, и едину Илии: не ведый, еже глаголаше.Select Luke 9:33

34Се же ему глаголющу, бысть облак, и осени их: убояшася же, вшедше во облак.Select Luke 9:34

35И глас бысть из облака, глаголя: Сей есть Сын Мой Возлюбленный, Того послушайте.Select Luke 9:35

36И егда бысть глас, обретеся Иисус един. И тии умолчаша, и ни комуже возвестиша в тыя дни ничесоже от тех, яже видеша.Select Luke 9:36

37Бысть же в прочий день, сшедшым им с горы, срете Его народ мног.Select Luke 9:37

38И се, муж из народа возопи, глаголя: Учителю, молютися, призри на сына моего, яко единороден ми есть:Select Luke 9:38

39и се дух емлет его, и внезапу вопиет, и пружается с пенами, и едва отходит от него, сокрушая его:Select Luke 9:39

40и молихся учеником Твоим, да ижденут его: и не возмогоша.Select Luke 9:40

41Отвещав же Иисус рече: о, роде неверный и развращенный, доколе буду в вас и терплю вы? Приведи (Ми) сына твоего семо.Select Luke 9:41

42Еще же грядущу ему, поверже его бес и стрясе. Запрети же Иисус духови нечистому, и изцели отрока, и вдаде его отцу его.Select Luke 9:42

43Дивляхуся же вси о величии Божии. Всем же чудящымся о всех, яже творяше Иисус, рече ко учеником Своим:Select Luke 9:43

44вложите вы во ушы ваши словеса сия: Сын бо Человеческий имать предатися в руце человечесте.Select Luke 9:44

45Они же не разумеша глаголгола сего, бе бо прикровен от них, да не ощутят его: и бояхуся вопросити Его о глаголголе сем.Select Luke 9:45

46Вниде же помышление в них, кто их вящший бы был.Select Luke 9:46

47Иисус же ведый помышление сердец их, приемь отроча, постави е у СебеSelect Luke 9:47

48и рече им: иже аще приимет сие отроча во имя Мое, Мене приемлет: и иже аще Мене приемлет, приемлет Пославшаго Мя: иже бо менший есть в вас, сей есть велик.Select Luke 9:48

49Отвещав же Иоанн рече: Наставниче, видехом некоего о имени Твоем изгоняща бесы: и возбранихом ему, яко вслед не ходит с нами.Select Luke 9:49

50И рече к нему Иисус: не браните: иже бо несть на вы, по вас есть.Select Luke 9:50

51Бысть же егда скончавахуся дние восхождению Его, и Той утверди лице Свое ити во Иерусалим:Select Luke 9:51

52и посла вестники пред лицем Своим: и изшедше внидоша в весь Самарянску, яко да уготовят Ему:Select Luke 9:52

53и не прияша Его, яко лице Его бе грядущее во Иерусалим.Select Luke 9:53

54Видевша же ученика Его Иаков и Иоанн, реста: Господи, хощеши ли, речема, да огнь снидет с небесе и потребит их, якоже и Илиа сотвори?Select Luke 9:54

55Обращься же запрети има, и рече: не веста, коего духа еста вы:Select Luke 9:55

56Сын бо Человеческий не прииде душ человеческих погубити, но спасти. И идоша во ину весь.Select Luke 9:56

57Бысть же идущым им по пути, рече некий к Нему: иду по Тебе, аможе аще идеши, Господи.Select Luke 9:57

58И рече ему Иисус: лиси язвины имут, и птицы небесныя гнезда: Сын же Человеческий не имать где главу подклонити.Select Luke 9:58

59Рече же ко другому: ходи вслед Мене. Он же рече: Господи, повели ми, да шед прежде погребу отца моего.Select Luke 9:59

60Рече же ему Иисус: остави мертвыя погребсти своя мертвецы: ты же шед возвещай Царствие Божие.Select Luke 9:60

61Рече же и другий: иду по Тебе, Господи: прежде же повели ми отвещатися, иже суть в дому моем.Select Luke 9:61

62Рече же к нему Иисус: никтоже возложь руку свою на рало и зря вспять, управлен есть в Царствии Божии.Select Luke 9:62