11Mark 11

1И егда приближися во Иерусалим, в Вифсфагию и Вифанию, к горе Елеонстей, посла два от ученик СвоихSelect Mark 11:1

2и глагола има: идита в весь, яже есть прямо вама: и абие входяща в ню, обрящета жребя привязано, на неже никтоже от человек вседе: отрешша е, приведита:Select Mark 11:2

3и аще кто вама речет: что творита сие? Рцыта, яко Господь требует е: и абие послет е семо.Select Mark 11:3

4Идоста же, и обретоста жребя привязано при дверех вне на распутии, и отрешиста е.Select Mark 11:4

5И нецыи от стоящих ту глаголаху има: что деета отрешающа жребя?Select Mark 11:5

6Она же реста им, якоже заповеда има Иисус: и оставиша я.Select Mark 11:6

7И приведоста жребя ко Иисусови: и возложиша на не ризы своя, и вседе на не.Select Mark 11:7

8Мнози же ризы своя постлаша по пути: друзии же ваиа резаху от древия и постилаху по пути.Select Mark 11:8

9И предходящии и вслед грядущии вопияху, глаголюще: осанна, благословен Грядый во имя Господне,Select Mark 11:9

10благословено грядущее царство во имя Господа отца нашего Давида: осанна в вышних.Select Mark 11:10

11И вниде во Иерусалим Иисус и в церковь: и соглядав вся, позде уже сущу часу, изыде в Вифанию со обеманадесяте.Select Mark 11:11

12И наутрие изшедшым им от Вифании, взалка:Select Mark 11:12

13и видев смоковницу издалеча, имущу листвие, прииде, аще убо что обрящет на ней: и пришед к ней, ничесоже обрете, токмо листвие: не у бо бе время смоквам.Select Mark 11:13

14И отвещав Иисус рече ей: да не ктому от тебе во веки никтоже плода снесть. И слышаху ученицы Его.Select Mark 11:14

15И приидоша (паки) во Иерусалим. И вшед Иисус в церковь, начат изгонити продающыя и купующыя в церкви: и трапезы торжником и седалища продающих голуби испроверже:Select Mark 11:15

16и не даяше, да кто мимонесет сосуд сквозе церковь.Select Mark 11:16

17И учаше, глаголя им: несть ли писано, яко храм Мой храм молитвы наречется всем языком? Вы же сотвористе его вертеп разбойником.Select Mark 11:17

18И слышаша книжницы и архиерее, и искаху, како Его погубят: бояхубося Его, яко весь народ дивляшеся о учении Его.Select Mark 11:18

19И яко позде бысть, исхождаше вон из града.Select Mark 11:19

20И утро мимоходяще, видеша смоковницу изсохшу из корения.Select Mark 11:20

21И воспомянув Петр глагола Ему: Равви, виждь, смоковница, юже проклял еси, усше.Select Mark 11:21

22И отвещав Иисус глагола им:Select Mark 11:22

23имейте веру Божию: аминь бо глаголю вам, яко, иже аще речет горе сей: двигнися и верзися в море: и не размыслит в сердцы своем, но веру имет, яко еже глаголет, бывает: будет ему, еже аще речет:Select Mark 11:23

24сего ради глаголю вам: вся елика аще молящеся просите, веруйте, яко приемлете: и будет вам:Select Mark 11:24

25и егда стоите молящеся, отпущайте, аще что имате на кого, да и Отец ваш, Иже есть на небесех, отпустит вам согрешения ваша:Select Mark 11:25

26аще ли же вы не отпущаете, ни Отец ваш, Иже есть на небесех, отпустит вам согрешений ваших.Select Mark 11:26

27И приидоша паки во Иерусалим. И в церкви ходящу Ему, приидоша к Нему архиерее и книжницы и старцыSelect Mark 11:27

28и глаголаша Ему: коею областию сия твориши? И кто Ти область сию даде, да сия твориши?Select Mark 11:28

29Иисус же отвещав рече им: вопрошу вы и Аз словесе единаго, и отвещайте Ми: и реку вам, коею областию сия творю:Select Mark 11:29

30крещение Иоанново с небесе ли бе, или от человек? Отвещайте Ми.Select Mark 11:30

31И мысляху в себе, глаголюще: аще речем, с небесе, речет: почто убо не веровасте ему?Select Mark 11:31

32Но аще речем, от человек: бояхуся людий: вси бо имеяху Иоанна, яко воистинну пророк бе.Select Mark 11:32

33И отвещавше глаголаша Иисусови: не вемы. И отвещав Иисус глагола им: ни Аз глаголю вам, коею областию сия творю.Select Mark 11:33