13Mark 13

1И исходящу Ему от церкве, глагола Ему един от ученик Его: Учителю, виждь, каково камение и какова здания.Select Mark 13:1

2И отвещав Иисус рече ему: видиши ли сия великая здания? Не имать остати зде камень на камени, иже не разорится.Select Mark 13:2

3И седящу Ему на горе Елеонстей прямо церкве, вопрошаху Его единаго Петр и Иаков, и Иоанн и Андрей:Select Mark 13:3

4рцы нам, когда сия будут? И кое (будет) знамение, егда имут вся сия скончатися?Select Mark 13:4

5Иисус же отвещав им, начат глаголати: блюдитеся, да не кто вас прельстит.Select Mark 13:5

6Мнози бо приидут во имя Мое, глаголюще, яко Аз есмь: и многи прельстят.Select Mark 13:6

7Егда же услышите брани и слышания бранем, не ужасайтеся: подобает бо быти: но не у кончина.Select Mark 13:7

8Востанет бо язык на язык, и царство на царство: и будут труси по местом, и будут глади и мятежи. Начало болезнем сия.Select Mark 13:8

9Блюдитеся же вы сами: предадят бо вы в сонмища, и на соборищих биени будете: и пред воеводы и цари ведени будете Мене ради, во свидетелство им.Select Mark 13:9

10И во всех языцех подобает прежде проповедатися Евангелию.Select Mark 13:10

11Егда же поведут вы предающе, не прежде пецытеся, что возглаголете, ни поучайтеся: но еже аще дастся вам в той час, се глаголите: не вы бо будете глаголющии, но Дух Святый.Select Mark 13:11

12Предаст же брат брата на смерть, и отец чадо: и востанут чада на родители и убиют их.Select Mark 13:12

13И будете ненавидими всеми имене Моего ради: претерпевый же до конца, той спасен будет.Select Mark 13:13

14Егда же узрите мерзость запустения, реченную Даниилом пророком, стоящу, идеже не подобает: чтый да разумеет: тогда сущии во Иудеи да бежат на горы:Select Mark 13:14

15и иже на крове, да не слазит в дом, ни да внидет взяти чесо от дому своего:Select Mark 13:15

16и иже на селе сый, да не возвратится вспять взяти ризу свою.Select Mark 13:16

17Горе же непраздным и доящым в тыя дни.Select Mark 13:17

18Молитеся же, да не будет бегство ваше в зиме.Select Mark 13:18

19Будут бо дние тии скорбь, якова не бысть такова от начала создания, еже созда Бог, доныне, и не будет.Select Mark 13:19

20И аще не бы Господь прекратил дний, не бы убо спаслася всяка плоть: но избранных ради, ихже избра, прекратит дни.Select Mark 13:20

21Тогда аще кто речет вам: се, зде Христос, или: се, онде: не имите веры.Select Mark 13:21

22Востанут бо лжехристи и лжепророцы и дадят знамения и чудеса, еже прельстити, аще возможно, и избранныя.Select Mark 13:22

23Вы же блюдитеся: се, прежде рех вам вся.Select Mark 13:23

24Но в тыя дни, по скорби той, солнце померкнет, и луна не даст света своего,Select Mark 13:24

25и звезды будут с небесе спадающя, и силы, яже на небесех, подвижутся.Select Mark 13:25

26И тогда узрят Сына Человеческаго грядуща на облацех с силою и славою многою.Select Mark 13:26

27И тогда послет Ангелы Своя и соберет избранныя Своя от четырех ветр, от конца земли до конца неба.Select Mark 13:27

28От смоковницы же научитеся притчи: егда уже ветвие ея будет младо и изращает листвие, ведите, яко близ есть жатва:Select Mark 13:28

29тако и вы, егда сия видите бывающа, ведите, яко близ есть, при дверех.Select Mark 13:29

30Аминь глаголю вам, яко не имать прейти род сей, дондеже вся сия будут.Select Mark 13:30

31Небо и земля прейдут, словеса же Моя не прейдут.Select Mark 13:31

32О дни же том или о часе никтоже весть, ни Ангели, иже суть на небесех, ни Сын, токмо Отец.Select Mark 13:32

33Блюдите, бдите и молитеся: не весте бо, когда время будет.Select Mark 13:33

34Якоже человек отходя оставль дом свой, и дав рабом своим власть, и комуждо дело свое, и вратарю повеле, да бдит.Select Mark 13:34

35Бдите убо: не весте бо, когда господь дому приидет, вечер, или полунощи, или в петлоглашение, или утро:Select Mark 13:35

36да не пришед внезапу, обрящет вы спящя.Select Mark 13:36

37А яже вам глаголю, всем глаголю: бдите.Select Mark 13:37