14Mark 14

1Бе же Пасха и опресноцы по двою днию: и искаху архиерее и книжницы, како Его лестию емше убиют:Select Mark 14:1

2глаголаху же: (но) не в праздник, еда како молва будет людска.Select Mark 14:2

3И сущу Ему в Вифании, в дому Симона прокаженнаго, возлежащу Ему, прииде жена, имущи алавастр мира нарднаго пистикиа многоценна: и сокрушши алавастр, возливаше Ему на главу.Select Mark 14:3

4Бяху же нецыи негодующе в себе и глаголюще: почто гибель сия мирная бысть?Select Mark 14:4

5Можаше бо сие продано быти вящше триех сот пенязь и датися нищым. И прещаху ей.Select Mark 14:5

6Иисус же рече: оставите ю: что ей труды даете? Добро дело содела о Мне.Select Mark 14:6

7Всегда бо нищыя имате с собою, и егда хощете, можете им добро творити: Мене же не всегда имате.Select Mark 14:7

8Еже име сия, сотвори: предвари помазати Мое тело на погребение.Select Mark 14:8

9Аминь глаголю вам: идеже аще проповестся Евангелие сие во всем мире, и еже сотвори сия, глаголано будет в память ея.Select Mark 14:9

10И Иуда Искариотский, един от обоюнадесяте, иде ко архиереем, да предаст Его им.Select Mark 14:10

11Они же слышавше возрадовашася и обещаша ему сребреники дати. И искаше, како Его в удобно время предаст.Select Mark 14:11

12И в первый день опреснок, егда пасху жряху, глаголаша Ему ученицы Его: где хощеши, шедше уготоваем, да яси пасху?Select Mark 14:12

13И посла два от ученик Своих и глагола има: идита во град: и срящет вас человек в скудельнице воду нося: по нем идита,Select Mark 14:13

14и идеже аще внидет, рцыта господину дому, яко Учитель глаголет: где есть виталница, идеже пасху со ученики Моими снем?Select Mark 14:14

15И той вама покажет горницу велию, постлану, готову: ту уготовайта нам.Select Mark 14:15

16И изыдоста ученика Его, и приидоста во град, и обретоста, якоже рече има: и уготоваста пасху.Select Mark 14:16

17И вечеру бывшу прииде со обеманадесяте.Select Mark 14:17

18И возлежащым им и ядущым, рече Иисус: аминь глаголю вам, яко един от вас предаст Мя, ядый со Мною.Select Mark 14:18

19Они же начаша скорбети и глаголати Ему един по единому: еда аз? И другий: еда аз?Select Mark 14:19

20Он же отвещав рече им: един от обоюнадесяте, омочивый со Мною в солило.Select Mark 14:20

21Сын убо Человеческий идет, якоже есть писано о Нем: горе же человеку тому, имже Сын Человеческий предастся: добрее было бы ему, аще не бы родился человек той.Select Mark 14:21

22И ядущым им, приемь Иисус хлеб, (и) благословив, преломи и даде им, и рече: приимите, ядите: сие есть Тело Мое.Select Mark 14:22

23И приим чашу, хвалу воздав, даде им: и пиша от нея вси.Select Mark 14:23

24И рече им: сия есть Кровь Моя Новаго Завета, за многи изливаема:Select Mark 14:24

25аминь глаголю вам, яко ктому не имам пити от плода лознаго до дне того, егда е пию ново во Царствии Божии.Select Mark 14:25

26И воспевше изыдоша в гору Елеонскую.Select Mark 14:26

27И глагола им Иисус, яко вси соблазнитеся о Мне в нощь сию: писано бо есть: поражу пастыря, и разыдутся овцы.Select Mark 14:27

28Но потом, егда воскресну, варяю вы в Галилеи.Select Mark 14:28

29Петр же рече Ему: аще и вси соблазнятся, но не аз.Select Mark 14:29

30И глагола ему Иисус: аминь глаголю тебе, яко ты днесь в нощь сию, прежде даже вторицею петель не возгласит, трикраты отвержешися Мене.Select Mark 14:30

31Он же множае глаголаше паче: аще (же) ми есть с Тобою и умрети, не отвергуся Тебе. Такожде и вси глаголаху.Select Mark 14:31

32И приидоша в весь, ейже имя Гефсиманиа: и глагола учеником Своим: седите зде, дондеже шед помолюся.Select Mark 14:32

33И поят Петра и Иакова и Иоанна с Собою: и начат ужасатися и тужити.Select Mark 14:33

34И глагола им: прискорбна есть душа Моя до смерти: будите зде и бдите.Select Mark 14:34

35И прешед мало, паде на земли и моляшеся, да, аще возможно есть, мимо идет от Него час:Select Mark 14:35

36и глаголаше: Авва Отче, вся возможна Тебе: мимо неси от Мене чашу сию: но не еже Аз хощу, но еже Ты.Select Mark 14:36

37И прииде, и обрете их спящих, и глагола Петрови: Симоне, спиши ли? Не возмогл еси единаго часа побдети?Select Mark 14:37

38Бдите и молитеся, да не внидете в напасть: дух убо бодр, плоть же немощна.Select Mark 14:38

39И паки шед помолися, тожде слово рек.Select Mark 14:39

40И возвращься обрете я паки спящя: бяху бо очеса им тяготна: и не ведяху, что быша Ему отвещали.Select Mark 14:40

41И прииде третицею и глагола им: спите прочее и почивайте: приспе конец, прииде час: се, предается Сын Человеческий в руки грешником:Select Mark 14:41

42востаните, идем: се, предаяй Мя приближися.Select Mark 14:42

43И абие, еще Ему глаголющу, прииде Иуда, един сый от обоюнадесяте, и с ним народ мног со оружием и дрекольми, от архиерей и книжник и старец.Select Mark 14:43

44Даде же предаяй Его знамение им, глаголя: Егоже аще лобжу, Той есть: имите Его и ведите (Его) сохранно.Select Mark 14:44

45И пришед, абие приступль к Нему, глагола (Ему): Равви, Равви. И облобыза Его.Select Mark 14:45

46Они же возложиша руце Свои на него и яша Его.Select Mark 14:46

47Един же некто от стоящих извлек нож, удари раба архиереова и уреза ему ухо.Select Mark 14:47

48И отвещав Иисус рече им: яко на разбойника ли изыдосте со оружием и дрекольми яти Мя?Select Mark 14:48

49По вся дни бех при вас в церкви учя, и не ясте Мене: но да сбудется Писание.Select Mark 14:49

50И оставльше Его, вси бежаша.Select Mark 14:50

51И един некто юноша иде по Нем, одеян в плащаницу по нагу: и яша того юношу.Select Mark 14:51

52Он же оставль плащаницу, наг бежа от них.Select Mark 14:52

53И ведоша Иисуса ко архиерею: и снидошася к нему вси архиерее и книжницы и старцы.Select Mark 14:53

54И Петр издалеча вслед Его иде до внутрь во двор архиереов: и бе седя со слугами и греяся при свещи.Select Mark 14:54

55Архиерее же и весь сонм искаху на Иисуса свидетелства, да умертвят Его: и не обретаху.Select Mark 14:55

56Мнози бо лжесвидетелствоваху на Него, и равна свидетелства не бяху.Select Mark 14:56

57И нецыи воставше лжесвидетелствоваху на Него, глаголюще:Select Mark 14:57

58яко мы слышахом Его глаголюща, яко Аз разорю церковь сию рукотвореную и треми денми ину нерукотворену созижду.Select Mark 14:58

59И ни тако равно бе свидетелство их.Select Mark 14:59

60И востав архиерей посреде, вопроси Иисуса, глаголя: не отвещаваеши ли ничесоже? Что сии на Тя свидетелствуют?Select Mark 14:60

61Он же молчаше и ничтоже отвещаваше. Паки архиерей вопроси Его и глагола Ему: Ты ли еси Христос, Сын Благословеннаго?Select Mark 14:61

62Иисус же рече: Аз есмь: и узрите Сына Человеческаго о десную седяща силы и грядуща со облаки небесными.Select Mark 14:62

63Архиерей же растерзав ризы своя, глагола: что еще требуем свидетелей?Select Mark 14:63

64Слышасте хулу: что вам мнится? Они же вси осудиша Его быти повинна смерти.Select Mark 14:64

65И начаша нецыи плювати Нань, и прикрывати лице Его, и мучити Его, и глаголати Ему: прорцы. И слуги по ланитома Его бияху.Select Mark 14:65

66И сущу Петрови во дворе низу, прииде едина от рабынь архиереовых,Select Mark 14:66

67и видевши Петра греющася, воззревши на него, глагола: и ты с Назарянином Иисусом был еси.Select Mark 14:67

68Он же отвержеся, глаголя: не вем, ниже знаю, что ты глаголеши. И изыде вон на преддворие: и алектор возгласи.Select Mark 14:68

69И рабыня видевши его паки, начат глаголати предстоящым, яко сей от них есть.Select Mark 14:69

70Он же паки отметашеся. И помале паки предстоящии глаголаху Петрови: воистинну от них еси: ибо Галилеанин еси, и беседа твоя подобится.Select Mark 14:70

71Он же нача ротитися и клятися, яко не вем Человека Сего, Егоже вы глаголете.Select Mark 14:71

72И второе алектор возгласи. И помяну Петр глаголгол, егоже рече ему Иисус, яко прежде даже петель не возгласит двакраты, отвержешися Мене трикраты. И начен плакашеся.Select Mark 14:72