15Mark 15

1И абие наутрие совет сотвориша архиерее со старцы и книжники, и весь сонм, связавше Иисуса ведоша и предаша (Его) Пилату.Select Mark 15:1

2И вопроси Его Пилат: Ты ли еси Царь Иудейский? Он же отвещав рече ему: ты глаголеши.Select Mark 15:2

3И глаголаху на Него архиерее много.Select Mark 15:3

4Пилат же паки вопроси Его, глаголя: не отвещаваеши ли ничтоже? Виждь, колика на Тя свидетелствуют.Select Mark 15:4

5Иисус же ктому ничтоже отвеща, яко дивитися Пилату.Select Mark 15:5

6На (всяк) же праздник отпущаше им единаго связня, егоже прошаху.Select Mark 15:6

7Бе же нарицаемый Варавва со сковники своими связан, иже в кове убийство сотвориша.Select Mark 15:7

8И возопив народ нача просити, якоже всегда творяше им.Select Mark 15:8

9Пилат же отвеща им, глаголя: хощете ли, пущу вам Царя Иудейска?Select Mark 15:9

10Ведяше бо, яко зависти ради предаша Его архиерее.Select Mark 15:10

11Архиерее же помануша народу, да паче Варавву пустит им.Select Mark 15:11

12Пилат же отвещав паки рече им: что убо хощете сотворю, Егоже глаголете Царя Иудейска?Select Mark 15:12

13Они же паки возопиша (глаголюще): пропни Его.Select Mark 15:13

14Пилат же глаголаше им: что бо зло сотвори? Они же излиха вопияху: пропни Его.Select Mark 15:14

15Пилат же хотя народу хотение сотворити, пусти им Варавву: и предаде Иисуса, бив, да пропнут Его.Select Mark 15:15

16Воини же ведоша Его внутрь двора, еже есть претор: и созваша всю спиру,Select Mark 15:16

17и облекоша Его в препряду, и возложиша на Него сплетше тернов венец,Select Mark 15:17

18и начаша целовати Его (и глаголати): радуйся, Царю Иудейский.Select Mark 15:18

19И бияху Его по главе тростию, и плюваху на Него, и прегибающе колена покланяхуся Ему.Select Mark 15:19

20И егда поругашася Ему, совлекоша с Него препряду и облекоша Его в ризы Своя: и изведоша Его, да пропнут Его.Select Mark 15:20

21И задеша мимоходящу некоему Симону Киринею, грядущу с села, отцу Александрову и Руфову, да возмет крест Его.Select Mark 15:21

22И приведоша Его на Голгофу место, еже есть сказаемо Лобное место.Select Mark 15:22

23И даяху Ему пити есмирнисмено вино: Он же не прият.Select Mark 15:23

24И распеншии Его разделиша ризы Его, метающе жребий о них, кто что возмет.Select Mark 15:24

25Бе же час третий, и распяша Его.Select Mark 15:25

26И бе написание вины Его написано: Царь Иудейск.Select Mark 15:26

27И с Ним распяша два разбойника, единаго о десную и единаго о шуюю Его.Select Mark 15:27

28И сбыстся Писание, еже глаголет: и со беззаконными вменися.Select Mark 15:28

29И мимоходящии хуляху Его, покивающе главами своими и глаголюще: уа, разоряяй церковь и треми денми созидаяй,Select Mark 15:29

30спасися Сам и сниди со креста.Select Mark 15:30

31Такожде и архиерее ругающеся, друг ко другу с книжники глаголаху: ины спасе, Себе ли не может спасти?Select Mark 15:31

32Христос, Царь Израилев, да снидет ныне со креста, да видим и веру имем Ему. И распятая с Ним поношаста Ему.Select Mark 15:32

33Бывшу же часу шестому, тма бысть по всей земли до часа девятаго.Select Mark 15:33

34И в час девятый возопи Иисус гласом велиим, глаголя: Елои, Елои, лама савахфани? Еже есть сказаемо: Боже Мой, Боже Мой, почто Мя оставил еси?Select Mark 15:34

35И нецыи от предстоящих слышавше, глаголаху: се, Илию гласит.Select Mark 15:35

36Тек же един, и наполнив губу оцта, и возложь на трость, напаяше Его, глаголя: оставите, да видим, аще приидет Илиа сняти Его.Select Mark 15:36

37Иисус же пущь глас велий, издше.Select Mark 15:37

38И завеса церковная раздрася на двое, свыше до низу.Select Mark 15:38

39Видев же сотник стояй прямо Ему, яко тако возопив издше, рече: воистинну Человек Сей Сын бе Божий.Select Mark 15:39

40Бяху же и жены издалеча зрящя, в нихже бе Мариа Магдалина, и Мариа Иакова малаго и Иосии мати, и Саломиа,Select Mark 15:40

41яже, и егда бе в Галилеи, хождаху по Нем и служаху Ему: и ины многия, яже взыдоша с Ним во Иерусалим.Select Mark 15:41

42И уже позде бывшу, понеже бе пяток, еже есть к субботе,Select Mark 15:42

43прииде Иосиф, иже от Аримафеа, благообразен советник, иже и той бе чая Царствия Божия, дерзнув вниде к Пилату, и проси телесе Иисусова.Select Mark 15:43

44Пилат же дивися, аще уже умре: и призвав сотника, вопроси его: аще уже умре?Select Mark 15:44

45И уведев от сотника, даде тело Иосифови.Select Mark 15:45

46И купив плащаницу и снемь Его, обвит плащаницею: и положи Его во гроб, иже бе изсечен от камене: и привали камень над двери гроба.Select Mark 15:46

47Мариа же Магдалина и Мариа Иосиева зрясте, где Его полагаху.Select Mark 15:47