2Mark 2

1И вниде паки в Капернаум по днех: и слышано бысть, яко в дому есть.Select Mark 2:1

2И абие собрашася мнози, якоже ктому не вмещатися ни при дверех: и глаголаше им слово.Select Mark 2:2

3И приидоша к Нему носяще разслабленна (жилами), носима четырми:Select Mark 2:3

4и не могущым приближитися к Нему народа ради, открыша покров, идеже бе, и прокопавше свесиша одр, на немже разслабленный лежаше.Select Mark 2:4

5Видев же Иисус веру их, глагола разслабленному: чадо, отпущаются тебе греси твои.Select Mark 2:5

6Бяху же нецыи от книжник ту седяще и помышляюще в сердцах своих:Select Mark 2:6

7что Сей тако глаголет хулы? Кто может оставляти грехи, токмо един Бог?Select Mark 2:7

8И абие разумев Иисус духом Своим, яко тако тии помышляют в себе, рече им: что сия помышляете в сердцах ваших?Select Mark 2:8

9Что есть удобее? Рещи разслабленному: отпущаются тебе греси? Или рещи: востани, и возми одр твой, и ходи?Select Mark 2:9

10Но да увесте, яко власть имать Сын Человеческий на земли отпущати грехи: глагола разслабленному:Select Mark 2:10

11тебе глаголю: востани, и возми одр твой, и иди в дом твой.Select Mark 2:11

12И воста абие, и взем одр, изыде пред всеми: яко дивитися всем и славити Бога, глаголющым, яко николиже тако видехом.Select Mark 2:12

13И изыде паки к морю: и весь народ идяше к Нему, и учаше их.Select Mark 2:13

14И мимогрядый виде Левию Алфеова, седяща на мытнице, и глагола ему: по Мне гряди. И востав вслед Его иде.Select Mark 2:14

15И бысть возлежащу Ему в дому его, и мнози мытари и грешницы возлежаху со Иисусом и со ученики Его: бяху бо мнози, и по Нем идоша.Select Mark 2:15

16И книжницы и фарисее, видевше Его ядуща с мытари и грешники, глаголаху учеником Его: что яко с мытари и грешники яст и пиет?Select Mark 2:16

17И слышав Иисус глагола им: не требуют здравии врача, но болящии: не приидох призвати праведники, но грешники на покаяние.Select Mark 2:17

18И бяху ученицы Иоанновы и фарисейстии постящеся. И приидоша и глаголаша Ему: почто ученицы Иоанновы и фарисейстии постятся, а Твои ученицы не постятся?Select Mark 2:18

19И рече им Иисус: еда могут сынове брачнии, дондеже жених с ними есть, поститися? Елико время с собою имут жениха, не могут поститися:Select Mark 2:19

20приидут же дние, егда отимется от них жених, и тогда постятся в тыя дни:Select Mark 2:20

21и никтоже приложения плата небелена пришивает к ризе ветсе: аще ли же ни, возмет конец его новое от ветхаго, и горша дира будет:Select Mark 2:21

22и никтоже вливает вина нова в мехи ветхи: аще ли же ни, просадит вино новое мехи, и вино пролиется, и меси погибнут: но вино новое в мехи новы влияти.Select Mark 2:22

23И бысть мимоходити Ему в субботы сквозе сеяния, и начаша ученицы Его путь творити, востерзающе класы.Select Mark 2:23

24И фарисее глаголаху Ему: виждь, что творят в субботы, егоже не достоит?Select Mark 2:24

25И Той глаголаше им: несте ли николиже чли, что сотвори Давид, егда требование име и взалка сам и иже с ним?Select Mark 2:25

26Како вниде в дом Божий при Авиафаре архиереи, и хлебы предложения снеде, ихже не достояше ясти токмо иереем, и даде и сущым с ним?Select Mark 2:26

27И глаголаше им: суббота человека ради бысть, а не человек субботы ради:Select Mark 2:27

28темже господь есть Сын Человеческий и субботе.Select Mark 2:28