4Mark 4

1И паки начат учити при мори: и собрася к Нему народ мног, якоже Самому влезшу в корабль, седети в мори: и весь народ при мори на земли бяше.Select Mark 4:1

2И учаше их притчами много и глаголаше им во учении Своем:Select Mark 4:2

3слышите: се, изыде сеяй сеяти:Select Mark 4:3

4и бысть егда сеяше, ово паде при пути, и приидоша птицы, и позобаша е:Select Mark 4:4

5другое же паде при камени, идеже не имяше земли многи, и абие прозябе, зане не имяше глубины земныя:Select Mark 4:5

6солнцу же возсиявшу присвяде, и зане не имяше корене, изсше:Select Mark 4:6

7и другое паде в тернии, и взыде терние, и подави е: и плода не даде:Select Mark 4:7

8и другое паде на земли добрей, и даяше плод восходящь и растущь, и приплодоваше на тридесять, и на шестьдесят, и на сто.Select Mark 4:8

9И глаголаше: имеяй ушы слышати да слышит.Select Mark 4:9

10Егда же бысть един, вопросиша Его, иже бяху с Ним, со обеманадесяте о притчи.Select Mark 4:10

11И глаголаше им: вам есть дано ведати тайны Царствия Божия: онем же внешним в притчах вся бывают,Select Mark 4:11

12да видяще видят, и не узрят: и слышаще слышат, и не разумеют: да не когда обратятся, и оставятся им греси.Select Mark 4:12

13И глагола им: не весте ли притчи сея? И како вся притчи уразумеете?Select Mark 4:13

14Сеяй, слово сеет.Select Mark 4:14

15Сии же суть, иже при пути, идеже сеется слово, и егда услышат, абие приходит сатана и отемлет слово сеянное в сердцах их.Select Mark 4:15

16И сии суть такожде иже на каменных сеемии, иже егда услышат слово, абие с радостию приемлют е:Select Mark 4:16

17и не имут корения в себе, но привременни суть: таже бывшей печали или гонению словесе ради, абие соблажняются.Select Mark 4:17

18А сии суть, иже в тернии сеемии, слышащии слово:Select Mark 4:18

19и печали века сего, и лесть богатства, и о прочих похоти входящыя подавляют слово, и безплодно бывает.Select Mark 4:19

20И сии суть, иже на земли добрей сеяннии, иже слышат слово и приемлют, и плодствуют на тридесять, и на шестьдесят, и на сто.Select Mark 4:20

21И глаголаше им: еда светилник приходит, да под спудом положат его или под одром? Не да ли на свещнице положен будет?Select Mark 4:21

22Несть бо тайно, еже не явится, ниже бысть потаено, но да приидет в явление:Select Mark 4:22

23аще кто имать ушы слышати, да слышит.Select Mark 4:23

24И глаголаше им: блюдите что слышите: в нюже меру мерите, возмерится вам, и приложится вам слышащым:Select Mark 4:24

25иже бо аще имать, дастся ему: а иже не имать, и еже имать, отимется от него.Select Mark 4:25

26И глаголаше: тако есть (и) Царствие Божие, якоже человек вметает семя в землю,Select Mark 4:26

27и спит, и востает нощию и днию: и семя прозябает и растет, якоже не весть он:Select Mark 4:27

28от себе бо земля плодит прежде траву, потом клас, таже исполняет пшеницу в класе:Select Mark 4:28

29егда же созреет плод, абие послет серп, яко наста жатва.Select Mark 4:29

30И глаголаше: чесому уподобим Царствие Божие? Или коей притчи приложим е?Select Mark 4:30

31Яко зерно горушично, еже егда всеяно будет в земли, мнее всех семен есть земных:Select Mark 4:31

32и егда всеяно будет, возрастает, и бывает более всех зелий, и творит ветви велия, яко мощи под сению его птицам небесным витати.Select Mark 4:32

33И таковыми притчами многими глаголаше им слово, якоже можаху слышати.Select Mark 4:33

34Без притчи же не глаголаше им словесе: особь же учеником Своим сказаше вся.Select Mark 4:34

35И глагола им в той день, вечеру бывшу: прейдем на он пол.Select Mark 4:35

36И отпущше народы, пояша Его якоже бе в корабли: и инии же корабли бяху с Ним.Select Mark 4:36

37И бысть буря ветрена велика: волны же вливахуся в корабль, яко уже погружатися ему.Select Mark 4:37

38И бе Сам на корме на возглавнице спя. И возбудиша Его и глаголаша Ему: Учителю, не радиши ли, яко погибаем?Select Mark 4:38

39И востав запрети ветру и рече морю: молчи, престани. И улеже ветр, и бысть тишина велия.Select Mark 4:39

40И рече им: что тако страшливи есте? Како не имате веры?Select Mark 4:40

41И убояшася страхом велиим и глаголаху друг ко другу: кто убо Сей есть, яко и ветр и море послушают Его?Select Mark 4:41