5Mark 5

1И приидоша на он пол моря, во страну Гадаринскую.Select Mark 5:1

2И излезшу Ему из корабля, абие срете Его от гробов человек в дусе нечисте,Select Mark 5:2

3иже жилище имяше во гробех, и ни веригами никтоже можаше его связати:Select Mark 5:3

4зане ему многажды путы и ужы (железны) связану сущу, и растерзатися от него ужем (железным) и путом сокрушатися: и никтоже можаше его умучити:Select Mark 5:4

5и выну нощь и день во гробех и в горах бе, вопия и толкийся камением.Select Mark 5:5

6Узрев же Иисуса издалеча, тече и поклонися Ему,Select Mark 5:6

7и возопив гласом велиим, рече: что мне и Тебе, Иисусе, Сыне Бога Вышняго? Заклинаю Тя Богом, не мучи мене.Select Mark 5:7

8Глаголаше бо ему: изыди, душе нечистый, от человека.Select Mark 5:8

9И вопрошаше его: что ти есть имя? И отвеща глаголя: легеон имя мне, яко мнози есмы.Select Mark 5:9

10И молиша Его много, да не послет их вне страны.Select Mark 5:10

11Бе же ту при горе стадо свиное велие пасомо.Select Mark 5:11

12И молиша Его вси беси, глаголюще: посли ны во свиния, да в ня внидем.Select Mark 5:12

13И повеле им абие Иисус. И изшедше дуси нечистии, внидоша во свиния: и устремися стадо по брегу в море, бяху же яко две тысящы, и утопаху в мори.Select Mark 5:13

14Пасущии же свиния бежаша и возвестиша во граде и в селех. И изыдоша видети, что есть бывшее.Select Mark 5:14

15И приидоша ко Иисусови, и видеша бесновавшагося седяща и оболчена и смысляща, имевшаго легеон: и убояшася.Select Mark 5:15

16Поведаша же им видевшии, како бысть бесному, и о свиниях.Select Mark 5:16

17И начаша молити Его отити от предел их.Select Mark 5:17

18И влезшу Ему в корабль, моляше Его бесновавыйся, дабы был с Ним.Select Mark 5:18

19Иисус же не даде ему, но рече ему: иди в дом твой ко твоим и возвести им, елика ти Господь сотвори и помилова тя.Select Mark 5:19

20И иде и нача проповедати в десяти градех, елика сотвори ему Иисус. И вси дивляхуся.Select Mark 5:20

21И прешедшу Иисусу в корабли паки на он пол, собрася народ мног о Нем. И бе при мори.Select Mark 5:21

22И се, прииде един от архисинагог, именем Иаир, и видев Его, паде при ногу ЕгоSelect Mark 5:22

23и моляше Его много, глаголя, яко дщи моя на кончине есть: да пришед возложиши на ню руце, яко да спасется и жива будет.Select Mark 5:23

24И иде с ним: и по Нем идяху народи мнози и угнетаху Его.Select Mark 5:24

25И жена некая сущи в точении крове лет дванадесяте,Select Mark 5:25

26и много пострадавши от мног врачев, и издавши своя вся, и ни единыя пользы обретши, но паче в горшее пришедши:Select Mark 5:26

27слышавши о Иисусе, пришедши в народе созади, прикоснуся ризе Его:Select Mark 5:27

28глаголаше бо, яко, аще прикоснуся ризам Его, спасена буду.Select Mark 5:28

29И абие изсякну источник крове ея: и разуме телом, яко изцеле от раны.Select Mark 5:29

30И абие Иисус разуме в Себе силу изшедшую от Него, (и) обращься в народе, глаголаше: кто прикоснуся ризам Моим?Select Mark 5:30

31И глаголаху Ему ученицы Его: видиши народ угнетающь Тя, и глаголеши: кто прикоснуся Мне?Select Mark 5:31

32И обглядаше видети сотворшую сие.Select Mark 5:32

33Жена же убоявшися и трепещущи, ведящи, еже бысть ей, прииде и припаде к Нему и рече Ему всю истину.Select Mark 5:33

34Он же рече ей: дщи, вера твоя спасе тя: иди в мире и буди цела от раны твоея.Select Mark 5:34

35Еще Ему глаголющу, (и) приидоша от архисинагога, глаголюще, яко дщи твоя умре: что еще движеши Учителя?Select Mark 5:35

36Иисус же абие слышав слово глаголемое, глагола архисинагогови: не бойся, токмо веруй.Select Mark 5:36

37И не остави по Себе ни единаго ити, токмо Петра и Иакова и Иоанна брата Иаковля.Select Mark 5:37

38И прииде в дом архисинагогов и виде молву, плачущыяся и кричащыя много.Select Mark 5:38

39И вшед глагола им: что молвите и плачетеся? Отроковица несть умерла, но спит.Select Mark 5:39

40И ругахуся Ему. Он же изгнав вся, поят отца отроковицы и матерь, и иже (беху) с Ним, и вниде, идеже бе отроковица лежащи.Select Mark 5:40

41И емь за руку отроковицу, глагола ей: талифа куми: еже есть сказаемо: девице, тебе глаголю, востани.Select Mark 5:41

42И абие воста девица и хождаше: бе бо лет двоюнадесяте. И ужасошася ужасом велиим.Select Mark 5:42

43И запрети им много, да никтоже увесть сего, и рече: дадите ей ясти.Select Mark 5:43