6Mark 6

1И изыде оттуду и прииде во отечествие Свое: и по Нем идоша ученицы Его.Select Mark 6:1

2И бывшей субботе, начат на сонмищи учити. И мнози слышащии дивляхуся, глаголюще: откуду Сему сия? И что премудрость данная Ему, и силы таковы рукама Его бывают?Select Mark 6:2

3Не Сей ли есть тектон, сын Мариин, брат же Иакову и Иосии и Иуде и Симону? И не сестры ли Его зде (суть) в нас? И блажняхуся о Нем.Select Mark 6:3

4Глаголаше же им Иисус, яко несть пророк без чести, токмо во отечествии своем, и в сродстве и в дому своем.Select Mark 6:4

5И не можаше ту ни единыя силы сотворити, токмо мало недужных, возложь руце, изцели.Select Mark 6:5

6И дивляшеся за неверствие их: и обхождаше веси окрест учя.Select Mark 6:6

7И призва обанадесяте, и начат их посылати два два, и даяше им власть над духи нечистыми.Select Mark 6:7

8И заповеда им, да ничесоже возмут на путь, токмо жезл един: ни пиры, ни хлеба, ни при поясе меди:Select Mark 6:8

9но обувени в сандалия: и не облачитися в две ризе.Select Mark 6:9

10И глаголаше им: идеже аще внидете в дом, ту пребывайте, дондеже изыдете оттуду:Select Mark 6:10

11и елицы аще не приимут вы, ниже послушают вас, исходяще оттуду, оттрясите прах, иже под ногами вашими, во свидетелство им: аминь глаголю вам, отраднее будет Содомом и Гоморром в день судный, неже граду тому.Select Mark 6:11

12И изшедше проповедаху, да покаются:Select Mark 6:12

13и бесы многи изгоняху: и мазаху маслом многи недужныя, и изцелеваху.Select Mark 6:13

14И услыша царь Ирод: яве бо бысть имя Его: и глаголаше, яко Иоанн Креститель от мертвых воста, и сего ради силы деются о нем.Select Mark 6:14

15Инии глаголаху, яко Илиа есть: инии же глаголаху, яко пророк есть, или яко един от пророк.Select Mark 6:15

16Слышав же Ирод рече, яко, егоже аз усекнух Иоанна, той есть: той воста от мертвых.Select Mark 6:16

17Той бо Ирод послав, ят Иоанна и связа его в темнице, Иродиады ради жены Филиппа брата своего, яко оженися ею.Select Mark 6:17

18Глаголаше бо Иоанн Иродови: не достоит тебе имети жену (Филиппа) брата твоего.Select Mark 6:18

19Иродиа же гневашеся на него и хотяше его убити: и не можаше.Select Mark 6:19

20Ирод бо бояшеся Иоанна, ведый его мужа праведна и свята, и соблюдаше его: и послушав его, многа творяше, и в сладость его послушаше.Select Mark 6:20

21И приключшуся дню потребну, егда Ирод рождеству своему вечерю творяше князем своим и тысящником и старейшинам Галилейским:Select Mark 6:21

22и вшедши дщерь тоя Иродиады, и плясавши, и угождши Иродови и возлежащым с ним, рече царь девице: проси у мене егоже аще хощеши, и дам ти.Select Mark 6:22

23И клятся ей: яко егоже аще попросиши у мене, дам ти, и до пол царствия моего.Select Mark 6:23

24Она же изшедши рече матери своей: чесо прошу? Она же рече: главы Иоанна Крестителя.Select Mark 6:24

25И вшедши абие со тщанием к царю, просяше, глаголющи: хощу, да ми даси от него на блюде главу Иоанна Крестителя.Select Mark 6:25

26И прискорбен быв царь, клятвы (же) ради и за возлежащих с ним не восхоте отрещи ей.Select Mark 6:26

27И абие послав царь спекулатора, повеле принести главу его.Select Mark 6:27

28Он же шед усекну его в темнице, и принесе главу его на блюде, и даде ю девице: и девица даде ю матери своей.Select Mark 6:28

29И слышавше ученицы его, приидоша и взяша труп его, и положиша его во гробе.Select Mark 6:29

30И собрашася Апостоли ко Иисусу и возвестиша Ему вся, и елика сотвориша, и елика научиша.Select Mark 6:30

31И рече им: приидите вы сами в пусто место едини и почийте мало. Бяху бо приходящии и отходящии мнози, и ни ясти им бе когда.Select Mark 6:31

32И идоша в пусто место кораблем едини.Select Mark 6:32

33И видеша их идущих народи, и познаша их мнози: и пеши от всех градов стицахуся тамо, и предвариша их, и снидошася к Нему.Select Mark 6:33

34И изшед виде Иисус народ мног и милосердова о них, зане бяху яко овцы не имущыя пастыря: и начат их учити много.Select Mark 6:34

35И уже часу многу бывшу, приступльше к Нему ученицы Его, глаголаша, яко пусто есть место, и уже час мног:Select Mark 6:35

36отпусти их, да шедше во окрестных селех и весех купят себе хлебы: не имут бо чесо ясти.Select Mark 6:36

37Он же отвещав рече им: дадите им вы ясти. И глаголаша Ему: да шедше купим двема стома пенязь хлебы и дамы им ясти?Select Mark 6:37

38Он же рече им: колико хлебы имате? Идите и видите. И уведевше глаголаша: пять (хлеб), и две рыбе.Select Mark 6:38

39И повеле им посадити вся на споды на споды на траве зелене.Select Mark 6:39

40И возлегоша на лехи на лехи по сту и по пятидесят.Select Mark 6:40

41И приемь пять хлеб и две рыбе, воззрев на небо, благослови и преломи хлебы, и даяше учеником Своим, да предлагают пред ними: и обе рыбе раздели всем.Select Mark 6:41

42И ядоша вси и насытишася:Select Mark 6:42

43и взяша укрухи, дванадесяте кошя исполнь, и от рыбу.Select Mark 6:43

44Бяше же ядших хлебы яко пять тысящ мужей.Select Mark 6:44

45И абие понуди ученики Своя внити в корабль и варити Его на он пол к Вифсаиде, дондеже Сам отпустит народы.Select Mark 6:45

46И отрекся им, иде в гору помолитися.Select Mark 6:46

47И вечеру бывшу, бе корабль посреде моря, и Сам един на земли.Select Mark 6:47

48И виде их страждущих в плавании: бе бо ветр противен им: и о четвертей стражи нощней прииде к ним, по морю ходяй, и хотяше минути их.Select Mark 6:48

49Они же видевше Его ходяща по морю, мняху призрак быти и возопиша.Select Mark 6:49

50Вси бо Его видеша и смутишася. И абие глагола с ними и рече им: дерзайте: Аз есмь, не бойтеся.Select Mark 6:50

51И вниде к ним в корабль: и улеже ветр. И зело излиха в себе ужасахуся и дивляхуся.Select Mark 6:51

52Не разумеша бо о хлебех: бе бо сердце их окаменено.Select Mark 6:52

53И прешедше приидоша в землю Геннисаретску и присташа.Select Mark 6:53

54И изшедшым им из корабля, абие познаша Его,Select Mark 6:54

55обтекше всю страну ту, начаша на одрех приносити болящыя, идеже слышаху, яко ту есть.Select Mark 6:55

56И аможе аще вхождаше в веси, или во грады, или села, на распутиих полагаху недужныя и моляху Его, да поне воскрилию ризы Его прикоснутся: и елицы аще прикасахуся Ему, спасахуся.Select Mark 6:56