8Mark 8

1В тыя дни, зело многу народу сущу, и не имущым чесо ясти, призвав Иисус ученики Своя, глагола им:Select Mark 8:1

2милосердую о народе, яко уже три дни приседят Мне и не имут чесо ясти:Select Mark 8:2

3и аще отпущу их не ядших в домы своя, ослабеют на пути: мнози бо от них издалеча пришли суть.Select Mark 8:3

4И отвещаша Ему ученицы Его: откуду сих возможет кто зде насытити хлебы в пустыни?Select Mark 8:4

5И вопроси их: колико имате хлебов? Они же реша: седмь.Select Mark 8:5

6И повеле народу возлещи на земли: и приемь седмь хлебов, хвалу воздав, преломи и даяше учеником Своим, да предлагают: и предложиша пред народом.Select Mark 8:6

7И имяху рыбиц мало: и (сия) благословив, рече предложити и тыя.Select Mark 8:7

8Ядоша же и насытишася: и взяша избытки укрух, седмь кошниц.Select Mark 8:8

9Бяху же ядших яко четыре тысящы. И отпусти их.Select Mark 8:9

10И абие влез в корабль со ученики Своими, прииде во страны Далмануфански.Select Mark 8:10

11И изыдоша фарисее и начаша стязатися с Ним, ищуще от Него знамения с небесе, искушающе Его.Select Mark 8:11

12И воздохнув духом Своим, глагола: что род сей знамения ищет? Аминь глаголю вам, аще дастся роду сему знамение.Select Mark 8:12

13И оставль их, влез паки в корабль, (и) иде на он пол.Select Mark 8:13

14И забыша ученицы Его взяти хлебы и разве единаго хлеба не имяху с собою в корабли.Select Mark 8:14

15И прещаше им, глаголя: зрите, блюдитеся от кваса фарисейска и от кваса Иродова.Select Mark 8:15

16И помышляху, друг ко другу глаголюще, яко хлебы не имамы.Select Mark 8:16

17И разумев Иисус, глагола им: что помышляете, яко хлебы не имате? Не у ли чувствуете, ниже разумеете? Еще ли окаменено сердце ваше имате?Select Mark 8:17

18Очи имуще не видите? И ушы имуще не слышите? И не помните ли,Select Mark 8:18

19егда пять хлебы преломих в пять тысящ, колико кош исполнь укрух приясте? Глаголаша Ему: дванадесять.Select Mark 8:19

20Егда же седмь в четыре тысящы, колико кошниц исполнения укрух взясте? Они же реша: седмь.Select Mark 8:20

21И глагола им: како не разумеете?Select Mark 8:21

22И прииде в Вифсаиду: и приведоша к Нему слепа, и моляху Его, да его коснется.Select Mark 8:22

23И емь за руку слепаго, изведе его вон из веси: и плюнув на очи его, (и) возложь руце нань, вопрошаше его, аще что видит?Select Mark 8:23

24И воззрев глаголаше: вижу человеки яко древие ходящя.Select Mark 8:24

25Потом (же) паки возложи руце на очи его и сотвори его прозрети: и утворися и узре светло все.Select Mark 8:25

26И посла его в дом его, глаголя: ни в весь вниди, ни повеждь кому в веси.Select Mark 8:26

27И изыде Иисус и ученицы Его в веси Кесарии Филипповы: и на пути вопрошаше ученики Своя, глаголя им: кого Мя глаголют человецы быти?Select Mark 8:27

28Они же отвещаша: Иоанна Крестителя: и инии Илию: друзии же единаго от пророк.Select Mark 8:28

29И Той глагола им: вы же кого Мя глаголете быти? Отвещав же Петр глагола Ему: Ты еси Христос.Select Mark 8:29

30И запрети им, да ни комуже глаголют о Нем.Select Mark 8:30

31И начат учити их, яко подобает Сыну Человеческому много пострадати, и искушену быти от старец и архиерей и книжник, и убиену быти, и в третий день воскреснути.Select Mark 8:31

32И не обинуяся слово глаголаше. И приемь Его Петр, начат претити Ему.Select Mark 8:32

33Он же обращься и воззрев на ученики Своя, запрети Петрови, глаголя: иди за Мною, сатано: яко не мыслиши, яже (суть) Божия, но яже человеческа.Select Mark 8:33

34И призвав народы со ученики Своими, рече им: иже хощет по Мне ити, да отвержется себе, и возмет крест свой, и по Мне грядет:Select Mark 8:34

35иже бо аще хощет душу свою спасти, погубит ю: а иже погубит душу свою Мене ради и Евангелиа, той спасет ю:Select Mark 8:35

36кая бо польза человеку, аще приобрящет мир весь, и отщетит душу свою?Select Mark 8:36

37Или что даст человек измену на души своей?Select Mark 8:37

38Иже бо аще постыдится Мене и Моих словес в роде сем прелюбодейнем и грешнем, и Сын Человеческий постыдится его, егда приидет во славе Отца Своего со Ангелы святыми.Select Mark 8:38