11Matthew 11

1И бысть, егда соверши Иисус заповедая обеманадесяте ученикома Своима, прейде оттуду учити и проповедати во градех их.Select Matthew 11:1

2Иоанн же слышав во узилищи дела Христова, посла два от ученик своих,Select Matthew 11:2

3рече Ему: Ты ли еси Грядый, или иного чаем?Select Matthew 11:3

4И отвещав Иисус рече има: шедша возвестита Иоаннови, яже слышита и видита:Select Matthew 11:4

5слепии прозирают и хромии ходят, прокаженнии очищаются и глусии слышат, мертвии востают и нищии благовествуют:Select Matthew 11:5

6и блажен есть, иже аще не соблазнится о Мне.Select Matthew 11:6

7Тема же исходящема, начат Иисус народом глаголати о Иоанне: чесо изыдосте в пустыню видети? Трость ли ветром колеблему?Select Matthew 11:7

8Но чесо изыдосте видети? Человека ли в мягки ризы облеченна? Се, иже мягкая носящии, в домех царских суть.Select Matthew 11:8

9Но чесо изыдосте видети? Пророка ли? Ей, глаголю вам, и лишше пророка.Select Matthew 11:9

10Сей бо есть, о немже есть писано: се, Аз посылаю Ангела Моего пред лицем Твоим, иже уготовит путь Твой пред Тобою.Select Matthew 11:10

11Аминь глаголю вам, не воста в рожденных женами болий Иоанна Крестителя: мний же во Царствии Небеснем болий его есть.Select Matthew 11:11

12От дний же Иоанна Крестителя доселе Царствие Небесное нудится, и нуждницы восхищают е:Select Matthew 11:12

13вси бо пророцы и закон до Иоанна прорекоша.Select Matthew 11:13

14И аще хощете прияти, той есть Илиа хотяй приити:Select Matthew 11:14

15имеяй ушы слышати да слышит.Select Matthew 11:15

16Кому же уподоблю род сей? Подобен есть детем седящым на торжищих, и возглашающым другом своимSelect Matthew 11:16

17и глаголющым: пискахом вам, и не плясасте: плакахом вам, и не рыдасте.Select Matthew 11:17

18Прииде бо Иоанн ни ядый, ни пияй: и глаголют: беса имать.Select Matthew 11:18

19Прииде Сын Человеческий ядый и пияй: и глаголют: се, человек ядца и винопийца, мытарем друг и грешником. И оправдися премудрость от чад своих.Select Matthew 11:19

20Тогда начат Иисус поношати градовом, в нихже быша множайшыя силы Его, зане не покаяшася:Select Matthew 11:20

21горе тебе, Хоразине, горе тебе, Вифсаидо: яко аще в Тире и Сидоне быша силы были бывшыя в вас, древле убо во вретищи и пепеле покаялися быша:Select Matthew 11:21

22обаче глаголю вам Тиру и Сидону отраднее будет в день судный, неже вам.Select Matthew 11:22

23И ты, Капернауме, иже до небес вознесыйся, до ада снидеши: зане аще в Содомех быша силы были бывшыя в тебе, пребыли убо быша до днешняго дне:Select Matthew 11:23

24обаче глаголю вам, яко земли Содомстей отраднее будет в день судный, неже тебе.Select Matthew 11:24

25В то время отвещав Иисус рече: исповедаютися, Отче, Господи небесе и земли, яко утаил еси сия от премудрых и разумных и открыл еси та младенцем:Select Matthew 11:25

26ей, Отче, яко тако бысть благоволение пред Тобою.Select Matthew 11:26

27Вся Мне предана суть Отцем Моим: и никтоже знает Сына, токмо Отец: ни Отца кто знает, токмо Сын, и емуже аще волит Сын открыти.Select Matthew 11:27

28Приидите ко Мне вси труждающиися и обремененнии, и Аз упокою вы:Select Matthew 11:28

29возмите иго Мое на себе и научитеся от Мене, яко кроток есмь и смирен сердцем: и обрящете покой душам вашым:Select Matthew 11:29

30иго бо Мое благо, и бремя Мое легко есть.Select Matthew 11:30