13Matthew 13

1В день же той изшед Иисус из дому, седяше при мори.Select Matthew 13:1

2И собрашася к Нему народи мнози, якоже Ему в корабль влезти и сести: и весь народ на брезе стояше.Select Matthew 13:2

3И глагола им притчами много, глаголя: се, изыде сеяй, да сеет:Select Matthew 13:3

4и сеющу ему, ова падоша при пути, и приидоша птицы и позобаша я:Select Matthew 13:4

5другая же падоша на каменных, идеже не имеяху земли многи, и абие прозябоша, зане не имеяху глубины земли:Select Matthew 13:5

6солнцу же возсиявшу присвянуша, и зане не имеяху корения, изсхоша:Select Matthew 13:6

7другая же падоша в тернии, и взыде терние и подави их:Select Matthew 13:7

8другая же падоша на земли добрей и даяху плод, ово убо сто, ово же шестьдесят, ово же тридесять:Select Matthew 13:8

9имеяй ушы слышати да слышит.Select Matthew 13:9

10И приступивше ученицы (Его) рекоша Ему: почто притчами глаголеши им?Select Matthew 13:10

11Он же отвещав рече им: яко вам дано есть разумети тайны Царствия Небеснаго, онем же не дано есть:Select Matthew 13:11

12иже бо имать, дастся ему и преизбудет (ему): а иже не имать, и еже имать, возмется от него:Select Matthew 13:12

13сего ради в притчах глаголю им, яко видяще не видят, и слышаще не слышат, ни разумеют:Select Matthew 13:13

14и сбывается в них пророчество Исаиино, глаголющее: слухом услышите, и не имате разумети: и зряще узрите, и не имате видети:Select Matthew 13:14

15отолсте бо сердце людий сих, и ушима тяжко слышаша, и очи свои смежиша, да не когда узрят очима, и ушима услышат, и сердцем уразумеют, и обратятся, и изцелю их.Select Matthew 13:15

16Ваша же блаженна очеса, яко видят, и уши ваши, яко слышат:Select Matthew 13:16

17аминь бо глаголю вам, яко мнози пророцы и праведницы вожделеша видети, яже видите, и не видеша, и слышати, яже слышите, и не слышаша.Select Matthew 13:17

18Вы же услышите притчу сеющаго:Select Matthew 13:18

19всякому слышащему слово Царствия и не разумевающу, приходит лукавый и восхищает всеянное в сердцы его: сие есть, еже при пути сеянное.Select Matthew 13:19

20А на камени сеянное, сие есть слышай слово и абие с радостию приемлет е:Select Matthew 13:20

21не имать же корене в себе, но привременен есть: бывши же печали или гонению словесе ради, абие соблажняется.Select Matthew 13:21

22А сеянное в тернии, се есть слышай слово, и печаль века сего и лесть богатства подавляет слово, и без плода бывает.Select Matthew 13:22

23А сеянное на добрей земли, се есть слышай слово и разумевая: иже убо плод приносит и творит ово сто, ово же шестьдесят, ово тридесять.Select Matthew 13:23

24Ину притчу предложи им, глаголя: уподобися Царствие Небесное человеку, сеявшу доброе семя на селе своем:Select Matthew 13:24

25спящым же человеком, прииде враг его и всея плевелы посреде пшеницы и отиде:Select Matthew 13:25

26егда же прозябе трава и плод сотвори, тогда явишася и плевелие.Select Matthew 13:26

27Пришедше же раби господина, реша ему: господи, не доброе ли семя сеял еси на селе твоем? Откуду убо имать плевелы?Select Matthew 13:27

28Он же рече им: враг человек сие сотвори. Раби же реша ему: хощеши ли убо, да шедше исплевем я?Select Matthew 13:28

29Он же рече (им): ни: да не когда восторгающе плевелы, восторгнете купно с ними (и) пшеницу:Select Matthew 13:29

30оставите расти обое купно до жатвы: и во время жатвы реку жателем: соберите первее плевелы и свяжите их в снопы, яко сожещи я: а пшеницу соберите в житницу мою.Select Matthew 13:30

31Ину притчу предложи им, глаголя: подобно есть Царствие Небесное зерну горушичну, еже взем человек всея на селе своем,Select Matthew 13:31

32еже малейше убо есть от всех семен: егда же возрастет, более (всех) зелий есть и бывает древо, яко приити птицам небесным и витати на ветвех его.Select Matthew 13:32

33Ину притчу глагола им: подобно есть Царствие Небесное квасу, егоже вземши жена скры в сатех триех муки, дондеже вскисоша вся.Select Matthew 13:33

34Сия вся глагола Иисус в притчах народом, и без притчи ничесоже глаголаше к ним:Select Matthew 13:34

35яко да сбудется реченное пророком, глаголющим: отверзу в притчах уста Моя: отрыгну сокровенная от сложения мира.Select Matthew 13:35

36Тогда оставль народы, прииде в дом Иисус. И приступиша к Нему ученицы Его, глаголюще: скажи нам притчу плевел селных.Select Matthew 13:36

37Он же отвещав рече им: сеявый доброе семя есть Сын Человеческий:Select Matthew 13:37

38а село есть мир: доброе же семя, сии суть сынове Царствия, а плевелие суть сынове неприязненнии:Select Matthew 13:38

39а враг всеявый их есть диавол: а жатва кончина века есть: а жатели Ангели суть.Select Matthew 13:39

40Якоже убо собирают плевелы и огнем сожигают, тако будет в скончание века сего:Select Matthew 13:40

41послет Сын Человеческий Ангелы Своя, и соберут от Царствия Его вся соблазны и творящих беззакониеSelect Matthew 13:41

42и ввергут их в пещь огненну: ту будет плачь и скрежет зубом:Select Matthew 13:42

43тогда праведницы просветятся яко солнце в Царствии Отца их. Имеяй ушы слышати да слышит.Select Matthew 13:43

44Паки подобно есть Царствие Небесное сокровищу сокровену на селе, еже обрет человек скры, и от радости его идет, и вся, елика имать, продает, и купует село то.Select Matthew 13:44

45Паки подобно есть Царствие Небесное человеку купцу, ищущу добрых бисерей,Select Matthew 13:45

46иже обрет един многоценен бисер, шед продаде вся, елика имяше, и купи его.Select Matthew 13:46

47Паки подобно есть Царствие Небесное неводу ввержену в море и от всякаго рода собравшу,Select Matthew 13:47

48иже егда исполнися, извлекоша и на край, и седше избраша добрыя в сосуды, а злыя извергоша вон.Select Matthew 13:48

49Тако будет в скончание века: изыдут Ангели, и отлучат злыя от среды праведных,Select Matthew 13:49

50и ввергут их в пещь огненную: ту будет плачь и скрежет зубом.Select Matthew 13:50

51Глагола им Иисус: разуместе ли сия вся? Глаголаша Ему: ей, Господи.Select Matthew 13:51

52Он же рече им: сего ради всяк книжник, научився Царствию Небесному, подобен есть человеку домовиту, иже износит от сокровища своего новая и ветхая.Select Matthew 13:52

53И бысть, егда сконча Иисус притчи сия, прейде оттуду.Select Matthew 13:53

54И пришед во отечествие Свое, учаше их на сонмищи их, яко дивитися им и глаголати: откуду Сему премудрость сия и силы?Select Matthew 13:54

55Не Сей ли есть тектонов сын? Не Мати ли Его нарицается Мариам, и братия Его Иаков и Иосий, и Симон и Иуда?Select Matthew 13:55

56И сестры Его не вся ли в нас суть? Откуду убо Сему сия вся?Select Matthew 13:56

57И блажняхуся о Нем. Иисус же рече им: несть пророк без чести, токмо во отечествии своем и в дому своем.Select Matthew 13:57

58И не сотвори ту сил многих за неверство их.Select Matthew 13:58