18Matthew 18

1В той час приступиша ученицы ко Иисусу, глаголюще: кто убо болий есть в Царствии Небеснем?Select Matthew 18:1

2И призвав Иисус отроча, постави е посреде ихSelect Matthew 18:2

3и рече: аминь глаголю вам, аще не обратитеся и будете яко дети, не внидете в Царство Небесное:Select Matthew 18:3

4иже убо смирится яко отроча сие, той есть болий во Царствии Небеснем:Select Matthew 18:4

5и иже аще приимет отроча таково во имя Мое, Мене приемлет:Select Matthew 18:5

6а иже аще соблазнит единаго малых сих верующих в Мя, уне есть ему, да обесится жернов оселский на выи его, и потонет в пучине морстей.Select Matthew 18:6

7Горе миру от соблазн: нужда бо есть приити соблазном: обаче горе человеку тому, имже соблазн приходит.Select Matthew 18:7

8Аще ли рука твоя или нога твоя соблажняет тя, отсецы ю и верзи от себе: добрейше ти есть внити в живот хрому или бедну, неже две руце и две нозе имущу ввержену быти во огнь вечный:Select Matthew 18:8

9и аще око твое соблажняет тя, изми е и верзи от себе: добрейше ти есть со единем оком в живот внити, неже две оце имущу ввержену быти в геенну огненную.Select Matthew 18:9

10Блюдите, да не презрите единаго (от) малых сих: глаголю бо вам, яко Ангели их на небесех выну видят лице Отца Моего Небеснаго.Select Matthew 18:10

11Прииде бо Сын Человеческий (взыскати и) спасти погибшаго.Select Matthew 18:11

12Что вам мнится? Аще будет некоему человеку сто овец, и заблудит едина от них: не оставит ли девятьдесят и девять в горах и шед ищет заблуждшия?Select Matthew 18:12

13И аще будет обрести ю, аминь глаголю вам, яко радуется о ней паче, неже о девятидесятих и девяти не заблуждших.Select Matthew 18:13

14Тако несть воля пред Отцем вашим Небесным, да погибнет един от малых сих.Select Matthew 18:14

15Аще же согрешит к тебе брат твой, иди и обличи его между тобою и тем единем: аще тебе послушает, приобрел еси брата твоего:Select Matthew 18:15

16аще ли тебе не послушает, поими с собою еще единаго или два, да при устех двою или триех свидетелей станет всяк глагол:Select Matthew 18:16

17аще же не послушает их, повеждь церкви: аще же и церковь преслушает, буди тебе якоже язычник и мытарь.Select Matthew 18:17

18Аминь (бо) глаголю вам: елика аще свяжете на земли, будут связана на небеси: и елика аще разрешите на земли, будут разрешена на небесех.Select Matthew 18:18

19Паки аминь глаголю вам, яко аще два от вас совещаета на земли о всяцей вещи, еяже аще просита, будет има от Отца Моего, Иже на небесех:Select Matthew 18:19

20идеже бо еста два или трие собрани во имя Мое, ту есмь посреде их.Select Matthew 18:20

21Тогда приступль к Нему Петр рече: Господи, колькраты аще согрешит в мя брат мой, и отпущу ли ему до седмь крат?Select Matthew 18:21

22Глагола ему Иисус: не глаголю тебе: до седмь крат, но до седмьдесят крат седмерицею.Select Matthew 18:22

23Сего ради уподобися Царствие Небесное человеку царю, иже восхоте стязатися о словеси с рабы своими.Select Matthew 18:23

24Наченшу же ему стязатися, приведоша ему единаго должника тмою талант:Select Matthew 18:24

25не имущу же ему воздати, повеле и господь его продати, и жену его, и чада, и вся, елика имеяше, и отдати.Select Matthew 18:25

26Пад убо раб той, кланяшеся ему, глаголя: господи, потерпи на мне, и вся ти воздам.Select Matthew 18:26

27Милосердовав же господь раба того, прости его и долг отпусти ему.Select Matthew 18:27

28Изшед же раб той, обрете единаго (от) клеврет своих, иже бе должен ему стом пенязь: и емь его давляше, глаголя: отдаждь ми, имже (ми) еси должен.Select Matthew 18:28

29Пад убо клеврет его на нозе его, моляше его, глаголя: потерпи на мне, и вся воздам ти.Select Matthew 18:29

30Он же не хотяше, но вед всади его в темницу, дондеже воздаст должное.Select Matthew 18:30

31Видевше же клеврети его бывшая, сжалиша си зело и пришедше сказаша господину своему вся бывшая.Select Matthew 18:31

32Тогда призвав его господин его, глагола ему: рабе лукавый, весь долг он отпустих тебе, понеже умолил мя еси:Select Matthew 18:32

33не подобаше ли и тебе помиловати клеврета твоего, якоже и аз тя помиловах?Select Matthew 18:33

34И прогневався господь его, предаде его мучителем, дондеже воздаст весь долг свой.Select Matthew 18:34

35Тако и Отец Мой Небесный сотворит вам, аще не отпустите кийждо брату своему от сердец ваших прегрешения их.Select Matthew 18:35