19Matthew 19

1И бысть егда сконча Иисус словеса сия, прейде от Галилеи и прииде в пределы Иудейския об он пол Иордана.Select Matthew 19:1

2И по Нем идоша народи мнози, и изцели их ту.Select Matthew 19:2

3И приступиша к Нему фарисее искушающе Его и глаголаша Ему: аще достоит человеку пустити жену свою по всяцей вине?Select Matthew 19:3

4Он же отвещав рече им: несте ли чли, яко Сотворивый искони, мужеский пол и женский сотворил я есть?Select Matthew 19:4

5И рече: сего ради оставит человек отца (своего) и матерь и прилепится к жене своей, и будета оба в плоть едину,Select Matthew 19:5

6якоже ктому неста два, но плоть едина: еже убо Бог сочета, человек да не разлучает.Select Matthew 19:6

7Глаголаша Ему: что убо Моисей заповеда дати книгу распустную и отпустити ю?Select Matthew 19:7

8Глагола им: яко Моисей по жестосердию вашему повеле вам пустити жены вашя: изначала же не бысть тако:Select Matthew 19:8

9глаголю же вам, яко иже аще пустит жену свою, разве словесе прелюбодейна, и оженится иною, прелюбы творит: и женяйся пущеницею прелюбы деет.Select Matthew 19:9

10Глаголаша Ему ученицы Его: аще тако есть вина человеку с женою, лучше есть не женитися.Select Matthew 19:10

11Он же рече им: не вси вмещают словесе сего, но имже дано есть:Select Matthew 19:11

12суть бо скопцы, иже из чрева матерня родишася тако: и суть скопцы, иже скопишася от человек: и суть скопцы, иже исказиша сами себе Царствия ради Небеснаго: могий вместити да вместит.Select Matthew 19:12

13Тогда приведоша к Нему дети, да руце возложит на них и помолится: ученицы же запретиша им.Select Matthew 19:13

14Иисус же рече (им): оставите детей и не возбраняйте им приити ко Мне: таковых бо есть Царство Небесное.Select Matthew 19:14

15И возложь на них руце, отиде оттуду.Select Matthew 19:15

16И се, един (некий) приступль рече Ему: Учителю благий, что благо сотворю, да имам живот вечный?Select Matthew 19:16

17Он же рече ему: что Мя глаголеши блага? Никтоже благ, токмо един Бог: аще ли хощеши внити в живот, соблюди заповеди.Select Matthew 19:17

18Глагола Ему: кия? Иисус же рече: еже, не убиеши: не прелюбы сотвориши: не украдеши: не лжесвидетелствуеши:Select Matthew 19:18

19чти отца и матерь: и: возлюбиши искренняго твоего яко сам себе.Select Matthew 19:19

20Глагола Ему юноша: вся сия сохраних от юности моея: что есмь еще не докончал?Select Matthew 19:20

21Рече ему Иисус: аще хощеши совершен быти, иди, продаждь имение твое и даждь нищым: и имети имаши сокровище на небеси: и гряди вслед Мене.Select Matthew 19:21

22Слышав же юноша слово, отиде скорбя: бе бо имея стяжания многа.Select Matthew 19:22

23Иисус же рече учеником Своим: аминь глаголю вам, яко неудобь богатый внидет в Царствие Небесное:Select Matthew 19:23

24паки же глаголю вам: удобее есть велбуду сквозе иглине ушы проити, неже богату в Царствие Божие внити.Select Matthew 19:24

25Слышавше же ученицы Его, дивляхуся зело, глаголюще: кто убо может спасен быти?Select Matthew 19:25

26Воззрев же Иисус рече им: у человек сие невозможно есть, у Бога же вся возможна.Select Matthew 19:26

27Тогда отвещав Петр рече Ему: се, мы оставихом вся и вслед Тебе идохом: что убо будет нам?Select Matthew 19:27

28Иисус же рече им: аминь глаголю вам, яко вы шедшии по Мне, в пакибытие, егда сядет Сын Человеческий на престоле славы Своея, сядете и вы на двоюнадесяте престолу, судяще обеманадесяте коленома Израилевома:Select Matthew 19:28

29и всяк, иже оставит дом, или братию, или сестры, или отца, или матерь, или жену, или чада, или села, имене Моего ради, сторицею приимет и живот вечный наследит:Select Matthew 19:29

30мнози же будут перви последнии, и последни первии.Select Matthew 19:30