2Matthew 2

1Иисусу же рождшуся в Вифлееме Иудейстем во дни Ирода царя, се, волсви от восток приидоша во Иерусалим, глаголюще:Select Matthew 2:1

2где есть рождейся Царь Иудейский? Видехом бо звезду Его на востоце и приидохом поклонитися Ему.Select Matthew 2:2

3Слышав же Ирод царь смутися, и весь Иерусалим с ним.Select Matthew 2:3

4И собрав вся первосвященники и книжники людския, вопрошаше от них: где Христос раждается?Select Matthew 2:4

5Они же рекоша ему: в Вифлееме Иудейстем, тако бо писано есть пророком:Select Matthew 2:5

6и ты, Вифлееме, земле Иудова, ни чимже менши еси во владыках Иудовых: из тебе бо изыдет Вождь, Иже упасет люди Моя Израиля.Select Matthew 2:6

7Тогда Ирод тай призва волхвы, и испытоваше от них время явльшияся звезды,Select Matthew 2:7

8и послав их в Вифлеем, рече: шедше испытайте известно о Отрочати: егда же обрящете, возвестите ми, яко да и аз шед поклонюся Ему.Select Matthew 2:8

9Они же послушавше царя, идоша. И се, звезда, юже видеша на востоце, идяше пред ними, дондеже пришедши ста верху, идеже бе Отроча.Select Matthew 2:9

10Видевше же звезду, возрадовашася радостию велиею зело,Select Matthew 2:10

11и пришедше в храмину, видеша Отроча с Мариею Материю Его, и падше поклонишася Ему: и отверзше сокровища своя, принесоша Ему дары, злато и ливан и смирну.Select Matthew 2:11

12И весть приемше во сне не возвратитися ко Ироду, иным путем отидоша во страну свою.Select Matthew 2:12

13Отшедшым же им, се, Ангел Господень во сне явися Иосифу, глаголя: востав поими Отроча и Матерь Его, и бежи во Египет, и буди тамо, дондеже реку ти: хощет бо Ирод искати Отрочате, да погубит Е.Select Matthew 2:13

14Он же востав, поят Отроча и Матерь Его нощию, и отиде во Египет,Select Matthew 2:14

15и бе тамо до умертвия Иродова: да сбудется реченное от Господа пророком, глаголющим: от Египта воззвах Сына Моего.Select Matthew 2:15

16Тогда Ирод видев, яко поруган бысть от волхвов, разгневася зело и послав изби вся дети сущыя в Вифлееме и во всех пределех его, от двою лету и нижайше, по времени, еже известно испыта от волхвов.Select Matthew 2:16

17Тогда сбыстся реченное Иеремием пророком, глаголющим:Select Matthew 2:17

18глас в Раме слышан бысть, плачь и рыдание и вопль мног: Рахиль плачущися чад своих, и не хотяше утешитися, яко не суть.Select Matthew 2:18

19Умершу же Ироду, се, Ангел Господень во сне явися Иосифу во Египте,Select Matthew 2:19

20глаголя: востав поими Отроча и Матерь Его И иди в землю Израилеву, изомроша бо ищущии души Отрочате.Select Matthew 2:20

21Он же востав, поят Отроча и Матерь Его и прииде в землю Израилеву.Select Matthew 2:21

22Слышав же, яко Архелай царствует во Иудеи вместо Ирода отца своего, убояся тамо ити: весть же приемь во сне, отиде в пределы ГалилейскияSelect Matthew 2:22

23и пришед вселися во граде нарицаемем Назарет: яко да сбудется реченное пророки, яко Назорей наречется.Select Matthew 2:23