20Matthew 20

1Подобно бо есть Царствие Небесное человеку домовиту, иже изыде купно утро наяти делатели в виноград свой,Select Matthew 20:1

2и совещав с делатели по пенязю на день, посла их в виноград свой.Select Matthew 20:2

3И изшед в третий час, виде ины стоящя на торжищи праздны,Select Matthew 20:3

4и тем рече: идите и вы в виноград мой, и еже будет правда, дам вам. Они же идоша.Select Matthew 20:4

5Паки же изшед в шестый и девятый час, сотвори такоже.Select Matthew 20:5

6Во единыйженадесять час изшед, обрете другия стоящя праздны и глагола им: что зде стоите весь день праздни?Select Matthew 20:6

7Глаголаша ему: яко никтоже нас наят. Глагола им: идите и вы в виноград (мой), и еже будет праведно, приимете.Select Matthew 20:7

8Вечеру же бывшу, глагола господин винограда к приставнику своему: призови делатели и даждь им мзду, начен от последних до первых.Select Matthew 20:8

9И пришедше иже во единыйнадесять час, прияша по пенязю.Select Matthew 20:9

10Пришедше же первии мняху, яко вящше приимут: и прияша и тии по пенязю:Select Matthew 20:10

11приемше же роптаху на господина,Select Matthew 20:11

12глаголюще, яко сии последнии един час сотвориша, и равных нам сотворил их еси, понесшым тяготу дне и вар.Select Matthew 20:12

13Он же отвещав рече единому их: друже, не обижу тебе: не по пенязю ли совещал еси со мною?Select Matthew 20:13

14Возми твое и иди: хощу же и сему последнему дати, якоже и тебе:Select Matthew 20:14

15или несть ми леть сотворити, еже хощу, во своих ми? Аще око твое лукаво есть, яко аз благ есмь?Select Matthew 20:15

16Тако будут последнии перви, и первии последни: мнози бо суть звани, мало же избранных.Select Matthew 20:16

17И восходя Иисус во Иерусалим, поят обанадесяте ученика едины на пути и рече им:Select Matthew 20:17

18се, восходим во Иерусалим, и Сын Человеческий предан будет архиереем и книжником: и осудят Его на смерть,Select Matthew 20:18

19и предадят Его языком на поругание и биение и пропятие: и в третий день воскреснет.Select Matthew 20:19

20Тогда приступи к Нему мати сыну Зеведеову с сынома своима, кланяющися и просящи нечто от Него.Select Matthew 20:20

21Он же рече ей: чесо хощеши? Глагола Ему: рцы, да сядета сия оба сына моя, един одесную Тебе, и един ошуюю (Тебе), во Царствии Твоем.Select Matthew 20:21

22Отвещав же Иисус рече: не веста, чесо просита: можета ли пити чашу, юже Аз имам пити, или крещением, имже Аз крещаюся, креститися? Глаголаста Ему: можева.Select Matthew 20:22

23И глагола има: чашу убо Мою испиета, и крещением, имже Аз крещаюся, имате креститися: а еже сести одесную Мене и ошуюю Мене, несть Мое дати, но имже уготовася от Отца Моего.Select Matthew 20:23

24И слышавше десять, негодоваша о обою брату.Select Matthew 20:24

25Иисус же призвав их, рече: весте, яко князи язык господствуют ими, и велицыи обладают ими:Select Matthew 20:25

26не тако же будет в вас: но иже аще хощет в вас вящший быти, да будет вам слуга:Select Matthew 20:26

27и иже аще хощет в вас быти первый, буди вам раб:Select Matthew 20:27

28якоже Сын Человеческий не прииде, да послужат Ему, но послужити и дати душу Свою избавление за многих.Select Matthew 20:28

29И исходящу Ему от Иерихона, по Нем иде народ мног.Select Matthew 20:29

30И се, два слепца седяща при пути, слышавша, яко Иисус мимоходит, возописта, глаголюща: помилуй ны, Господи, Сыне Давидов.Select Matthew 20:30

31Народ же прещаше има, да умолчита: она же паче вопияста, глаголюща: помилуй ны, Господи, Сыне Давидов.Select Matthew 20:31

32И востав Иисус возгласи я и рече: что хощета, да сотворю вама?Select Matthew 20:32

33Глаголаста Ему: Господи, да отверзетеся очи наю.Select Matthew 20:33

34Милосердовав же Иисус прикоснуся очию има: и абие прозреста има очи, и по Нем идоста.Select Matthew 20:34