23Matthew 23

1Тогда Иисус глагола к народом и учеником Своим,Select Matthew 23:1

2глаголя: на Моисеове седалищи седоша книжницы и фарисее:Select Matthew 23:2

3вся убо, елика аще рекут вам блюсти, соблюдайте и творите: по делом же их не творите: глаголют бо, и не творят:Select Matthew 23:3

4связуют бо бремена тяжка и бедне носима, и возлагают на плеща человеческа, перстом же своим не хотят двигнути их.Select Matthew 23:4

5Вся же дела своя творят, да видими будут человеки: разширяют же хранилища своя и величают воскрилия риз своих:Select Matthew 23:5

6любят же преждевозлегания на вечерях, и преждеседания на сонмищих,Select Matthew 23:6

7и целования на торжищих, и зватися от человек: учителю, учителю.Select Matthew 23:7

8Вы же не нарицайтеся учителие: един бо есть ваш Учитель, Христос: вси же вы братия есте:Select Matthew 23:8

9и отца не зовите себе на земли: един бо есть Отец ваш, Иже на небесех:Select Matthew 23:9

10ниже нарицайтеся наставницы: един бо есть Наставник ваш, Христос.Select Matthew 23:10

11Болий же в вас да будет вам слуга:Select Matthew 23:11

12иже бо вознесется, смирится: и смиряяйся вознесется.Select Matthew 23:12

13Горе вам, книжницы и фарисее, лицемери, яко затворяете Царствие Небесное пред человеки: вы бо не входите, ни входящих оставляете внити.Select Matthew 23:13

14Горе вам, книжницы и фарисее, лицемери, яко снедаете домы вдовиц, и виною далече молитвы творяще: сего ради лишшее приимете осуждение.Select Matthew 23:14

15Горе вам, книжницы и фарисее, лицемери, яко преходите море и сушу, сотворити единаго пришелца: и егда будет, творите его сына геенны сугубейша вас.Select Matthew 23:15

16Горе вам, вожди слепии, глаголющии: иже аще кленется церковию, ничесоже есть: а иже кленется златом церковным, должен есть.Select Matthew 23:16

17Буи и слепии, что бо более есть, злато ли, или церковь, святящая злато?Select Matthew 23:17

18И: иже аще кленется олтарем, ничесоже есть: а иже кленется даром, иже верху его, должен есть.Select Matthew 23:18

19Буи и слепии, что бо более, дар ли, или олтарь, святяй дар?Select Matthew 23:19

20Иже убо кленется олтарем, кленется им и сущим верху его:Select Matthew 23:20

21и иже кленется церковию, кленется ею и Живущим в ней:Select Matthew 23:21

22и кленыйся небесем кленется Престолом Божиим и Седящим на нем.Select Matthew 23:22

23Горе вам, книжницы и фарисее, лицемери, яко одесятствуете мятву и копр и кимин, и остависте вящшая закона, суд и милость и веру: сия (же) подобаше творити, и онех не оставляти.Select Matthew 23:23

24Вожди слепии, оцеждающии комары, велблуды же пожирающе.Select Matthew 23:24

25Горе вам, книжницы и фарисее лицемери, яко очищаете внешнее сткляницы и блюда, внутрьуду же суть полни хищения и неправды:Select Matthew 23:25

26фарисее слепый, очисти прежде внутреннее сткляницы и блюда, да будет и внешнее има чисто.Select Matthew 23:26

27Горе вам, книжницы и фарисее, лицемери, яко подобитеся гробом повапленым, иже внеуду убо являются красны, внутрьуду же полни суть костей мертвых и всякия нечистоты:Select Matthew 23:27

28тако и вы, внеуду убо являетеся человеком праведни, внутрьуду же есте полни лицемерия и беззакония.Select Matthew 23:28

29Горе вам, книжницы и фарисее, лицемери, яко зиждете гробы пророческия, и красите раки праведных,Select Matthew 23:29

30и глаголете: аще быхом были во дни отец наших, не быхом убо общницы им были в крови пророк:Select Matthew 23:30

31темже сами свидетелствуете себе, яко сынове есте избивших пророки:Select Matthew 23:31

32и вы исполните меру отец ваших.Select Matthew 23:32

33Змия, порождения ехиднова, како убежите от суда (огня) геенскаго?Select Matthew 23:33

34Сего ради, се, Аз послю к вам пророки и премудры и книжники: и от них убиете и распнете, и от них биете на сонмищих ваших, и изженете от града во град:Select Matthew 23:34

35яко да приидет на вы всяка кровь праведна, проливаемая на земли, от крове Авеля праведнаго до крове Захарии сына Варахиина, егоже убисте между церковию и олтарем.Select Matthew 23:35

36Аминь глаголю вам: (яко) приидут вся сия на род сей.Select Matthew 23:36

37Иерусалиме, Иерусалиме, избивый пророки и камением побиваяй посланныя к тебе, колькраты восхотех собрати чада твоя, якоже собирает кокош птенцы своя под криле, и не восхотесте?Select Matthew 23:37

38Се, оставляется вам дом ваш пуст.Select Matthew 23:38

39Глаголю бо вам: (яко) не имате Мене видети отселе, дондеже речете: благословен Грядый во имя Господне.Select Matthew 23:39