27Matthew 27

1Утру же бывшу, совет сотвориша вси архиерее и старцы людстии на Иисуса, яко убити Его:Select Matthew 27:1

2и связавше Его ведоша и предаша Его Понтийскому Пилату игемону.Select Matthew 27:2

3Тогда видев Иуда предавый Его, яко осудиша Его, раскаявся возврати тридесять сребреники архиереем и старцем,Select Matthew 27:3

4глаголя: согреших предав кровь неповинную. Они же реша: что есть нам? Ты узриши.Select Matthew 27:4

5И поверг сребреники в церкви, отиде: и шед удавися.Select Matthew 27:5

6Архиерее же приемше сребреники, реша: недостойно есть вложити их в корвану, понеже цена крове есть.Select Matthew 27:6

7Совет же сотворше, купиша ими село скудельничо, в погребание странным:Select Matthew 27:7

8темже наречеся село то село крове, до сего дне:Select Matthew 27:8

9тогда сбыстся реченное Иеремием пророком, глаголющим: и прияша тридесять сребреник, цену Цененнаго, Егоже цениша от сынов Израилев,Select Matthew 27:9

10и даша я на село скудельничо, якоже сказа мне Господь.Select Matthew 27:10

11Иисус же ста пред игемоном. И вопроси Его игемон, глаголя: Ты ли еси Царь Иудейский? Иисус же рече ему: ты глаголеши.Select Matthew 27:11

12И егда Нань глаголаху архиерее и старцы, ничесоже отвещаваше.Select Matthew 27:12

13Тогда глагола Ему Пилат: не слышиши ли, колика на Тя свидетелствуют?Select Matthew 27:13

14И не отвеща ему ни к единому глаголу, яко дивитися игемону зело.Select Matthew 27:14

15На (всяк) же праздник обычай бе игемону отпущати единаго народу связня, егоже хотяху:Select Matthew 27:15

16имяху же тогда связана нарочита, глаголемаго Варавву:Select Matthew 27:16

17собравшымся же им, рече им Пилат: кого хощете (от обою) отпущу вам: Варавву ли, или Иисуса глаголемаго Христа?Select Matthew 27:17

18Ведяше бо, яко зависти ради предаша Его.Select Matthew 27:18

19Седящу же ему на судищи, посла к нему жена его, глаголющи: ничтоже тебе и Праведнику Тому: много бо пострадах днесь во сне Его ради.Select Matthew 27:19

20Архиерее же и старцы наустиша народы, да испросят Варавву, Иисуса же погубят.Select Matthew 27:20

21Отвещав же игемон рече им: кого хощете от обою отпущу вам? Они же реша: Варавву.Select Matthew 27:21

22Глагола им Пилат: что убо сотворю Иисусу глаголемому Христу? Глаголаша ему вси: да распят будет.Select Matthew 27:22

23Игемон же рече: кое убо зло сотвори? Они же излиха вопияху, глаголюще: да пропят будет.Select Matthew 27:23

24Видев же Пилат, яко ничтоже успевает, но паче молва бывает, приемь воду, умы руце пред народом, глаголя: неповинен есмь от крове Праведнаго Сего: вы узрите.Select Matthew 27:24

25И отвещавше вси людие реша: кровь Его на нас и на чадех наших.Select Matthew 27:25

26Тогда отпусти им Варавву: Иисуса же бив предаде (им), да Его пропнут.Select Matthew 27:26

27Тогда воини игемоновы, приемше Иисуса на судище, собраша Нань все множество воин:Select Matthew 27:27

28и совлекше Его, одеяша Его хламидою червленою:Select Matthew 27:28

29и сплетше венец от терния, возложиша на главу Его, и трость в десницу Его: и поклоньшеся на колену пред Ним ругахуся Ему, глаголюще: радуйся, Царю Иудейский.Select Matthew 27:29

30И плюнувше Нань, прияша трость и бияху по главе Его.Select Matthew 27:30

31И егда поругашася Ему, совлекоша с Него багряницу и облекоша Его в ризы Его: и ведоша Его на пропятие.Select Matthew 27:31

32Исходяще же обретоша человека Киринейска, именем Симона: и сему задеша понести крест Его.Select Matthew 27:32

33И пришедше на место нарицаемое Голгофа, еже есть глаголемо Краниево место,Select Matthew 27:33

34даша Ему пити оцет с желчию смешен: и вкушь, не хотяше пити.Select Matthew 27:34

35Распеншии же Его разделиша ризы Его, вергше жребия:Select Matthew 27:35

36и седяще стрежаху Его ту:Select Matthew 27:36

37и возложиша верху главы Его вину Его написану: Сей есть Иисус, Царь Иудейский.Select Matthew 27:37

38Тогда распяша с Ним два разбойника: единаго о десную, и единаго о шуюю.Select Matthew 27:38

39Мимоходящии же хуляху Его, покивающе главами своимиSelect Matthew 27:39

40и глаголюще: Разоряяй церковь и треми денми Созидаяй, спасися Сам: аще Сын еси Божий, сниди со креста.Select Matthew 27:40

41Такожде же и архиерее ругающеся с книжники и старцы (и фарисеи), глаголаху:Select Matthew 27:41

42иныя спасе, Себе ли не может спасти? Аще Царь Израилев есть, да снидет ныне со креста, и веруем в Него:Select Matthew 27:42

43упова на Бога: да избавит ныне Его, аще хощет Ему. Рече бо, яко Божий есмь Сын.Select Matthew 27:43

44Тожде же и разбойника распятая с Ним поношаста Ему.Select Matthew 27:44

45От шестаго же часа тма бысть по всей земли до часа девятаго:Select Matthew 27:45

46о девятем же часе возопи Иисус гласом велиим, глаголя: Или, Или, лима савахфани? Еже есть, Боже Мой, Боже Мой, вскую Мя еси оставил?Select Matthew 27:46

47Нецыи же от ту стоящих слышавше глаголаху, яко Илию глашает Сей.Select Matthew 27:47

48И абие тек един от них, и приемь губу, исполнив же оцта, и вонзе на трость, напаяше Его.Select Matthew 27:48

49Прочии же глаголаху: остави, да видим, аще приидет Илиа спасти Его.Select Matthew 27:49

50Иисус же, паки возопив гласом велиим, испусти дух.Select Matthew 27:50

51И се, завеса церковная раздрася на двое с вышняго края до нижняго: и земля потрясеся: и камение распадеся:Select Matthew 27:51

52и гроби отверзошася: и многа телеса усопших святых восташа:Select Matthew 27:52

53и изшедше из гроб, по воскресении Его, внидоша во святый град и явишася мнозем.Select Matthew 27:53

54Сотник же и иже с ним стрегущии Иисуса, видевше трус и бывшая, убояшася зело, глаголюще: воистинну Божий Сын бе Сей.Select Matthew 27:54

55Бяху же ту и жены многи издалеча зрящя, яже идоша по Иисусе от Галилеи, служащя Ему:Select Matthew 27:55

56в нихже бе Мариа Магдалина, и Мариа Иакова и Иосии мати, и мати сыну Зеведеову.Select Matthew 27:56

57Позде же бывшу, прииде человек богат от Аримафеа, именем Иосиф, иже и сам учися у Иисуса:Select Matthew 27:57

58сей приступль к Пилату, проси телесе Иисусова. Тогда Пилат повеле дати тело.Select Matthew 27:58

59И приемь тело Иосиф, обвит е плащаницею чистоюSelect Matthew 27:59

60и положи е в новем своем гробе, егоже изсече в камени: и возвалив камень велий над двери гроба, отиде.Select Matthew 27:60

61Бе же ту Мариа Магдалина и другая Мариа, седяще прямо гроба.Select Matthew 27:61

62Во утрий же день, иже есть по пятце, собрашася архиерее и фарисее к Пилату,Select Matthew 27:62

63глаголюще: господи, помянухом, яко льстец он рече, еще сый жив: по триех днех востану:Select Matthew 27:63

64повели убо утвердити гроб до третияго дне, да не како пришедше ученицы Его нощию украдут Его и рекут людем: воста от мертвых: и будет последняя лесть горша первыя.Select Matthew 27:64

65Рече же им Пилат: имате кустодию: идите, утвердите, якоже весте.Select Matthew 27:65

66Они же шедше утвердиша гроб, знаменавше камень с кустодиею.Select Matthew 27:66