28Matthew 28

1В вечер же субботный, свитающи во едину от суббот, прииде Мариа Магдалина и другая Мариа, видети гроб.Select Matthew 28:1

2И се, трус бысть велий: Ангел бо Господень сшед с небесе, приступль отвали камень от дверий гроба и седяше на нем:Select Matthew 28:2

3бе же зрак его яко молния, и одеяние его бело яко снег.Select Matthew 28:3

4От страха же его сотрясошася стрегущии и быша яко мертви.Select Matthew 28:4

5Отвещав же Ангел рече женам: не бойтеся вы: вем бо, яко Иисуса распятаго ищете:Select Matthew 28:5

6несть зде: воста бо, якоже рече: приидите, видите место, идеже лежа Господь,Select Matthew 28:6

7и скоро шедше рцыте учеником Его, яко воста от мертвых и се, варяет вы в Галилеи: тамо Его узрите: се, рех вам.Select Matthew 28:7

8И изшедше скоро от гроба со страхом и радостию велиею, текосте возвестити учеником Его.Select Matthew 28:8

9Егда же идясте возвестити учеником Его, и се, Иисус срете я, глаголя: радуйтеся. Оне же приступльше ястеся за нозе Его и поклонистеся Ему.Select Matthew 28:9

10Тогда глагола има Иисус: не бойтеся: идите, возвестите братии Моей, да идут в Галилею, и ту Мя видят.Select Matthew 28:10

11Идущема же има, се, нецыи от кустодии пришедше во град, возвестиша архиереом вся бывшая.Select Matthew 28:11

12И собравшеся со старцы, совет сотвориша, сребреники доволны даша воином,Select Matthew 28:12

13глаголюще: рцыте, яко ученицы Его нощию пришедше украдоша Его, нам спящым:Select Matthew 28:13

14и аще сие услышано будет у игемона, мы утолим его и вас безпечальны сотворим.Select Matthew 28:14

15Они же приемше сребреники, сотвориша, якоже научени быша. И промчеся слово сие во Иудеех даже до сего дне.Select Matthew 28:15

16Единии же надесяте ученицы идоша в Галилею, в гору, аможе повеле им Иисус:Select Matthew 28:16

17и видевше Его, поклонишася Ему: ови же усумнешася.Select Matthew 28:17

18И приступль Иисус, рече им, глаголя: дадеся Ми всяка власть на небеси и на земли:Select Matthew 28:18

19шедше убо научите вся языки, крестяще их во имя Отца и Сына и Святаго Духа,Select Matthew 28:19

20учаще их блюсти вся, елика заповедах вам: и се, Аз с вами есмь во вся дни до скончания века. Аминь.Select Matthew 28:20