4Matthew 4

1Тогда Иисус возведен бысть Духом в пустыню искуситися от диавола,Select Matthew 4:1

2и постився дний четыредесять и нощий четыредесять, последи взалка.Select Matthew 4:2

3И приступль к Нему искуситель рече: аще Сын еси Божий, рцы, да камение сие хлебы будут.Select Matthew 4:3

4Он же отвещав рече: писано есть: не о хлебе единем жив будет человек, но о всяцем глаголголе исходящем изо уст Божиих.Select Matthew 4:4

5Тогда поят Его диавол во святый град, и постави Его на криле церковнем,Select Matthew 4:5

6и глагола Ему: аще Сын еси Божий, верзися низу: писано бо есть, яко Ангелом Своим заповесть о Тебе (сохранити Тя), и на руках возмут Тя, да не когда преткнеши о камень ногу Твою.Select Matthew 4:6

7Рече (же) ему Иисус: паки писано есть: не искусиши Господа Бога твоего.Select Matthew 4:7

8Паки поят Его диавол на гору высоку зело, и показа Ему вся царствия мира и славу их,Select Matthew 4:8

9и глагола Ему: сия вся Тебе дам, аще пад поклонишимися.Select Matthew 4:9

10Тогда глагола ему Иисус: иди за Мною, сатано: писано бо есть: Господу Богу твоему поклонишися и Тому единому послужиши.Select Matthew 4:10

11Тогда остави Его диавол, и се, Ангели приступиша и служаху Ему.Select Matthew 4:11

12Слышав же Иисус, яко Иоанн предан бысть, отиде в Галилею,Select Matthew 4:12

13и оставль Назарет, пришед вселися в Капернаум в поморие, в пределех Завулоних и Неффалимлих:Select Matthew 4:13

14да сбудется реченное Исаием пророком, глаголющим:Select Matthew 4:14

15земля Завулоня и земля Неффалимля, путь моря об он пол Иордана, Галилеа язык,Select Matthew 4:15

16людие седящии во тме видеша свет велий, и седящым в стране и сени смертней, свет возсия им.Select Matthew 4:16

17Оттоле начат Иисус проповедати и глаголати: покайтеся, приближися бо Царство Небесное.Select Matthew 4:17

18Ходя же при мори Галилейстем, виде два брата, Симона глаголемаго Петра, и Андреа брата его, вметающа мрежи в море, беста бо рыбаря:Select Matthew 4:18

19и глагола има: грядита по Мне, и сотворю вы ловца человеком.Select Matthew 4:19

20Она же абие оставльша мрежи, по Нем идоста.Select Matthew 4:20

21И прешед оттуду, виде ина два брата, Иакова Зеведеева, и Иоанна брата его, в корабли с Зеведеом отцем ею, завязующа мрежи своя, и воззва я.Select Matthew 4:21

22Она же абие оставльша корабль и отца своего, по Нем идоста.Select Matthew 4:22

23И прохождаше всю Галилею Иисус, учя на сонмищих их и проповедая Евангелие Царствия, изцеляя всяк недуг и всяку язю в людех.Select Matthew 4:23

24И изыде слух Его по всей Сирии: и приведоша к Нему вся болящыя, различными недуги и страстьми одержимы, и бесны, и месячныя, и разслабленныя (жилами): и изцели их.Select Matthew 4:24

25И по Нем идоша народи мнози от Галилеи и десяти град, и от Иерусалима и Иудеи, и со онаго полу Иордана.Select Matthew 4:25