5Matthew 5

1Узрев же народы, взыде на гору: и седшу Ему, приступиша к Нему ученицы Его.Select Matthew 5:1

2И отверз уста Своя, учаше их, глаголя:Select Matthew 5:2

3блажени нищии духом: яко тех есть Царствие Небесное.Select Matthew 5:3

4Блажени плачущии: яко тии утешатся.Select Matthew 5:4

5Блажени кротцыи: яко тии наследят землю.Select Matthew 5:5

6Блажени алчущии и жаждущии правды: яко тии насытятся.Select Matthew 5:6

7Блажени милостивии: яко тии помиловани будут.Select Matthew 5:7

8Блажени честии сердцем: яко тии Бога узрят.Select Matthew 5:8

9Блажени миротворцы: яко тии сынове Божии нарекутся.Select Matthew 5:9

10Блажени изгнани правды ради: яко тех есть Царствие Небесное.Select Matthew 5:10

11Блажени есте, егда поносят вам, и ижденут, и рекут всяк зол глагол на вы лжуще, Мене ради:Select Matthew 5:11

12радуйтеся и веселитеся, яко мзда ваша многа на небесех: тако бо изгнаша пророки, иже (беша) прежде вас.Select Matthew 5:12

13Вы есте соль земли: аще же соль обуяет, чим осолится? Ни во чтоже будет ктому, точию да изсыпана будет вон и попираема человеки.Select Matthew 5:13

14Вы есте свет мира: не может град укрытися верху горы стоя:Select Matthew 5:14

15ниже вжигают светилника и поставляют его под спудом, но на свещнице, и светит всем, иже в храмине (суть).Select Matthew 5:15

16Тако да просветится свет ваш пред человеки, яко да видят ваша добрая дела и прославят Отца вашего, Иже на небесех.Select Matthew 5:16

17(Да) не мните, яко приидох разорити закон, или пророки: не приидох разорити, но исполнити.Select Matthew 5:17

18Аминь бо глаголю вам: дондеже прейдет небо и земля, иота едина, или едина черта не прейдет от закона, дондеже вся будут.Select Matthew 5:18

19Иже аще разорит едину заповедий сих малых и научит тако человеки, мний наречется в Царствии Небеснем: а иже сотворит и научит, сей велий наречется в Царствии Небеснем.Select Matthew 5:19

20Глаголю бо вам, яко аще не избудет правда ваша паче книжник и фарисей, не внидете в Царствие Небесное.Select Matthew 5:20

21Слышасте, яко речено бысть древним: не убиеши: иже (бо) аще убиет, повинен есть суду.Select Matthew 5:21

22Аз же глаголю вам, яко всяк гневаяйся на брата своего всуе повинен есть суду: иже бо аще речет брату своему: рака, повинен есть сонмищу: а иже речет: уроде, повинен есть геенне огненней.Select Matthew 5:22

23Аще убо принесеши дар твой ко олтарю и ту помянеши, яко брат твой имать нечто на тя:Select Matthew 5:23

24остави ту дар твой пред олтарем и шед прежде смирися с братом твоим, и тогда пришед принеси дар твой.Select Matthew 5:24

25Буди увещаваяся с соперником твоим скоро, дондеже еси на пути с ним, да не предаст тебе соперник судии, и судия тя предаст слузе, и в темницу ввержен будеши:Select Matthew 5:25

26аминь глаголю тебе: не изыдеши оттуду, дондеже воздаси последний кодрант.Select Matthew 5:26

27Слышасте, яко речено бысть древним: не прелюбы сотвориши.Select Matthew 5:27

28Аз же глаголю вам, яко всяк, иже воззрит на жену ко еже вожделети ея, уже любодействова с нею в сердцы своем:Select Matthew 5:28

29аще же око твое десное соблажняет тя, изми е и верзи от себе: уне бо ти есть, да погибнет един от уд твоих, а не все тело твое ввержено будет в геенну (огненную):Select Matthew 5:29

30и аще десная твоя рука соблажняет тя, усецы ю и верзи от себе: уне бо ти есть, да погибнет един от уд твоих, а не все тело твое ввержено будет в геенну.Select Matthew 5:30

31Речено же бысть, яко иже аще пустит жену свою, да даст ей книгу распустную.Select Matthew 5:31

32Аз же глаголю вам, яко всяк отпущаяй жену свою, разве словесе любодейнаго, творит ю прелюбодействовати: и иже пущеницу поймет, прелюбодействует.Select Matthew 5:32

33Паки слышасте, яко речено бысть древним: не во лжу кленешися, воздаси же Господеви клятвы твоя.Select Matthew 5:33

34Аз же глаголю вам не клятися всяко: ни небом, яко престол есть Божий:Select Matthew 5:34

35ни землею, яко подножие есть ногама Его: ни Иерусалимом, яко град есть великаго Царя:Select Matthew 5:35

36ниже главою твоею кленися, яко не можеши власа единаго бела или черна сотворити:Select Matthew 5:36

37буди же слово ваше: ей, ей: ни, ни: лишше же сею от неприязни есть.Select Matthew 5:37

38Слышасте, яко речено бысть: око за око, и зуб за зуб.Select Matthew 5:38

39Аз же глаголю вам не противитися злу: но аще тя кто ударит в десную твою ланиту, обрати ему и другую:Select Matthew 5:39

40и хотящему судитися с тобою и ризу твою взяти, отпусти ему и срачицу:Select Matthew 5:40

41и аще кто тя поймет по силе поприще едино, иди с ним два.Select Matthew 5:41

42Просящему у тебе дай, и хотящаго от тебе заяти не отврати.Select Matthew 5:42

43Слышасте, яко речено есть: возлюбиши искренняго твоего и возненавидиши врага твоего.Select Matthew 5:43

44Аз же глаголю вам: любите враги вашя, благословите кленущыя вы, добро творите ненавидящым вас, и молитеся за творящих вам напасть и изгонящыя вы,Select Matthew 5:44

45яко да будете сынове Отца вашего, Иже есть на небесех: яко солнце Свое сияет на злыя и благия и дождит на праведныя и на неправедныя.Select Matthew 5:45

46Аще бо любите любящих вас, кую мзду имате? Не и мытари ли тожде творят?Select Matthew 5:46

47И аще целуете други вашя токмо, что лишше творите? Не и язычницы ли такожде творят?Select Matthew 5:47

48Будите убо вы совершени, якоже Отец ваш Небесный совершен есть.Select Matthew 5:48