2Nehemiah 2

1И бысть в месяце Нисане лета двадесятаго Артаксеркса царя, и вино бе предо мною: и взях вино и дах царю, и не бе ин пред ним.Select Nehemiah 2:1

2И рече ми царь: чесо ради лице твое прискорбно есть, а неси болезнуяй? И несть сие, разве скорбь сердца. И убояхся зелоSelect Nehemiah 2:2

3и рекох царю: царю, во веки живи: како не быти прискорбну лицу моему, понеже град, дом гробов отец моих опусте, и врата его сожжена суть огнем.Select Nehemiah 2:3

4И рече ми царь: почто о сем ты вопрошаеши? И помолихся Господу Богу небесномуSelect Nehemiah 2:4

5и рекох ко царю: аще царю видится благо, и аще угоден будет раб твой пред тобою, да послеши мене во Иудею, во град гробов отец моих, и возсозижду его.Select Nehemiah 2:5

6Рече же ми царь, и наложница седяше близ его: до коего времене будет путь твой, и когда возвратишися? И угодно бысть пред лицем царевым, и посла мя, и положих ему время.Select Nehemiah 2:6

7И рекох царю: аще царю видится благо, даждь мне послание ко воеводам стран за рекою, да преведут мене, дондеже прииду во Иудею,Select Nehemiah 2:7

8и послание ко Асафу стражу дубравы царевы, да даст ми древа покрыти врата столпа дому, и на стены градныхя, и на дом, в оньже вниду. И даде ми царь, якоже рука Божия благая (бе) со мною.Select Nehemiah 2:8

9И приидох ко воеводам стран за рекою и дах им послание царево: посла же царь со мною началники силы и конницы.Select Nehemiah 2:9

10И услыша Санаваллат Аронитин и Товиа раб Аммонитин, и зло има бысть, яко прииде человек взыскати блага сыновом Израилевым.Select Nehemiah 2:10

11И приидох во Иерусалим и бых ту три дни.Select Nehemiah 2:11

12И востах нощию аз и мужие не мнози со мною, и ни комуже возвестих, что Бог дает в сердце мое сотворити со Израилем, и скота не бе со мною, токмо скот, на немже аз седях.Select Nehemiah 2:12

13И внидох во врата Юдоли нощию, ко устию источника Смоковничнаго и ко вратом Гнойным, и бых размышляя о стене Иерусалимстей разореней и о вратах его пояденых огнем.Select Nehemiah 2:13

14И приидох ко вратом Источника и ко купели цареве, и не бысть места скоту, на немже седях, да пройдет.Select Nehemiah 2:14

15И взыдох на стену потока нощию, и размышлях о стене, и бех во вратех Юдоли, и возвратихся.Select Nehemiah 2:15

16Стрегущии же не ведяху, камо ходих и что аз творю, и Иудеом и священником, и честным и воеводам и прочым творящым дела даже до тогда не сказах.Select Nehemiah 2:16

17И рекох им: вы видите озлобление сие, в немже есмы, како Иерусалим опустошен, и врата его предана огню: приидите, и созиждем стены Иерусалима, и не будем ктому в поношение.Select Nehemiah 2:17

18И сказах им руку Божию, яже есть блага со мною, и словеса царева, яже глагола мне, и рекох: востанем и созиждем. И укрепишася руцы их во благое.Select Nehemiah 2:18

19И услыша Санаваллат Аронитин и Товиа раб Аммонитин и Гисам Аравитин, и посмеяшася нам, и приидоша к нам, и уничижиша, и рекоша: что дело сие, еже вы творите? Еда вы противу царя отметаетеся?Select Nehemiah 2:19

20И воздах им слово и рекох к ним: Бог Небесе, Той благопоспешит нам, и мы раби Его чистии, (востанем) и созиждем: вам же несть части и правды и памяти во Иерусалиме.Select Nehemiah 2:20