3Nehemiah 3

1И воста Елиасув священник великий и братия его священницы, и создаша врата Овчая: сии освятиша их и поставиша двери их и даже до столпа Ста Лакот освятиша их, даже до столпа Анамеиля.Select Nehemiah 3:1

2И близ его созидаша мужие Иерихонстии, и близ их созида Закхур сын Аманиин.Select Nehemiah 3:2

3Врата же Рыбная созидаша сынове Асанаевы: сии покрыша их и поставиша двери их и заворы их и вереи их.Select Nehemiah 3:3

4И близ их созидаше из Рамофы сын Уриин, сына Аккосова: и близ его созидаше Мосоллам сын Варахиин, сына Мазевиля: и близ их созидаше Садок сын Ваанаев:Select Nehemiah 3:4

5и близ их созидаша Фекоими, сильнии же их не положиша выи своея в дело Господа Бога своего.Select Nehemiah 3:5

6И врата старая созидаше Иоида сын Фасеков и Месуллам сын Васодиев: тии покрыста их и постависта двери их и заворы и вереи их.Select Nehemiah 3:6

7И близ их созидаша Малтиа Гаваонитин и Еварон Миронофит, мужие от Гаваона и Масфы, даже до престола князя (иже бысть) об он пол реки.Select Nehemiah 3:7

8И близ его созида Озиил сын Арахиев златарь: и близ его созида Ананиа сын Рокеима, и возставиша Иерусалим даже до стены широкия.Select Nehemiah 3:8

9И близ их созидаше Рафаиа сын Сурин, началник половины окрестныя страны Иерусалимли.Select Nehemiah 3:9

10И близ их созидаше Иедеа сын Еромафов, и противу дому его: и близ его созида Аттуф сын Асаваниин.Select Nehemiah 3:10

11И вторую часть созидаше Мелхиа сын Ирамов и Асув сын Фааф-Моавль, и даже до столпа Пещнаго.Select Nehemiah 3:11

12И близ его созидаше Саллум сын Аллоисов, началник половины страны окрестныя Иерусалимли, той и дщери его.Select Nehemiah 3:12

13Врата Юдоли созидаша Анун и обитающии в Заноне: тии создаша их и поставиша двери их и заворы их и вереи их, и тысяща лакот в стене даже до врат Гнойных.Select Nehemiah 3:13

14И врата Гнойная созидаше Мелхиа сын Рихавль, началник окрестныя страны Вифакрамския, той и сынове его, и покрыша их и поставиша двери их и заворы их и вереи их.Select Nehemiah 3:14

15И врата Источника созидаше Соломон сын Халезеов, началник страны Масфы: той созда их и покры их, и постави двери их и заворы их и вереи их, и стену купели Силоамли ко вертограду цареву и даже до степеней низходящих от града Давидова.Select Nehemiah 3:15

16По немже созидаше Неемиа сын Завухов, началник половины страны Вифсуровы, даже до вертограда гроба Давидова и даже до купели устроеныя и даже до дому сильных.Select Nehemiah 3:16

17По нем созидаша левити, Раум сын Ванаимль: по нем созидаше Асавиа, началник половины страны Кеилы на стране своей,Select Nehemiah 3:17

18и по нем созидаша братия их, Веней сын Инададов, началник половины окрестныя страны Кеилы.Select Nehemiah 3:18

19И созидаше близ его Азур сын Иисусов, началник Масфы, меру вторую столпа восхода касающагося углу.Select Nehemiah 3:19

20И по нем созидаше Варух, сын Завуев, меру вторую от угла даже до врат дому Елиасува священника великаго.Select Nehemiah 3:20

21По нем созидаше Мерамоф сын Урии, сына Аккосова, меру вторую от врат дому Елиасувова даже до конца дому Елиасувова.Select Nehemiah 3:21

22И по нем созидаша священницы, мужие от поля (иорданска).Select Nehemiah 3:22

23И по нем созидаста Вениамин и Асув противу домов своих: и по нем созидаше Азариа сын Маасиев, сына Ананиина, близ дому своего.Select Nehemiah 3:23

24По нем созидаше Ваней сын Ададов меру вторую от дому Азарии даже до угла и даже до уклонения.Select Nehemiah 3:24

25Фалах сын Узаин противу угла и столпа возвышенаго из дому царева высоко, иже во дворе темничнем: и по нем Фадаиа сын Форосов.Select Nehemiah 3:25

26И нафиними обиташа во Офале, даже до вертограда врат Водных ко востоком и даже до столпа, иже бе возвышен.Select Nehemiah 3:26

27И по них созидаша Фекоими меру вторую от страны столпа великаго и высокаго даже до стены Офлы.Select Nehemiah 3:27

28Вышше врат Конских созидаша священницы, един кийждо противу дому своего.Select Nehemiah 3:28

29И по нем созидаше Саддук сын Еммирь противу дому своего: и по нем созидаше Самаиа сын Сехениев, страж врат восточных.Select Nehemiah 3:29

30По нем созидаше Ананиа сын Селемиев и Аном сын Селефов шестый меру вторую: по нем созидаше Месуллам сын Варахиев противу сокровищницы своея.Select Nehemiah 3:30

31По нем созидаше Мелхиа сын Сарефиев даже до дому нафинимля и щиты продающих, противу врат Судных, и даже до горницы угла.Select Nehemiah 3:31

32И посреде врат Овчих созидаша ковачи и щитопродавцы.Select Nehemiah 3:32