6Nehemiah 6

1Бысть же егда услыша Санаваллат и Товиа и Гисам Аравийский и прочии врази наши, яко создах стену, и не остася в них скважня: и аз даже до времене онаго дверий не поставих во вратех:Select Nehemiah 6:1

2и посла Санаваллат и Гисам ко мне, глаголюща: прииди, и соберемся вкупе в весех на поли Оно (глаголемем). Тии же помышляста мне сотворити злое.Select Nehemiah 6:2

3И послах к нима послов, глаголя: дело велико аз творю и не могу снити, да не престанет дело: егда же совершу е, взыду к вама.Select Nehemiah 6:3

4И посласта ко мне, якоже глагол сей, четырижды, и послах к нима по сим.Select Nehemiah 6:4

5И присла ко мне Санаваллат пятое отрока своего, и послание отверсто в руку его, и бе написано в нем:Select Nehemiah 6:5

6во языцех услышано есть, и Гисам рече, яко ты и Иудее мыслите отступити, сего ради ты созидаеши стену, и ты да будеши им в царя:Select Nehemiah 6:6

7и к сим пророки поставил еси себе, да будеши во Иерусалиме царем над Иудою: и ныне возвестятся царю словеса сия: и сего ради ныне прииди, да сотворима совет вкупе.Select Nehemiah 6:7

8И послах к нему, глаголя: не сотворися по словесем сим, якоже ты глаголеши, зане от сердца твоего ты лжеши в сих:Select Nehemiah 6:8

9яко вси страшат нас, глаголюще: ослабеют руцы их от дела сего, и не сотворится: и ныне укрепих руки моя.Select Nehemiah 6:9

10И аз внидох в дом Семеа сына Далаиева, сына Метавеилева, и той заключен, и рече: да соберемся в дом Божий посреде его и заключим двери его, яко приходят нощию, да убиют тя.Select Nehemiah 6:10

11И рекох: кто есть муж, яков аз, и убежит? Или кто яко аз, иже внидет в дом, и жив будет? Не вниду.Select Nehemiah 6:11

12И уразумех, и се, Бог не посла его: яко пророчествова слово на мя.Select Nehemiah 6:12

13И Товиа и Санаваллат наяста на мя народ, да устрашуся, и сотворю тако, и согрешу, и да буду им во имя зло, яко да поносят ми.Select Nehemiah 6:13

14Помяни, Боже, Товию и Санаваллата по делом их сим, и Ноадиа пророка и прочих пророк, иже страшаху мя.Select Nehemiah 6:14

15И совершися стена в двадесять пятый месяца Елула в пятьдесят и два дни.Select Nehemiah 6:15

16И бысть егда услышаша вси врази наши, и убояшася вси языцы, иже окрест нас, и нападе страх велик пред очи их, и познаша, яко от Господа Бога нашего совершено бысть дело сие.Select Nehemiah 6:16

17И во дни оны от многих державных Иудиных послания прихождаху к Товии, и Товиина (послания) прихождаху к ним.Select Nehemiah 6:17

18Мнози бо во Иудеи кляшася ему, яко зять бе Сехении сына Ираева: и Ионафан сын его поя дщерь Месулама сына Варахиина в жену.Select Nehemiah 6:18

19И словеса его быша глаголющии ко мне, и словеса моя быша износящии ему. И послание посла Товиа, да устрашит мене.Select Nehemiah 6:19