14Numbers 14

1И взем весь сонм, даде глас: и плакахуся людие всю нощь ту:Select Numbers 14:1

2и роптаху на Моисеа и Аарона вси сынове Израилтестии, и рекоша к ним весь сонм:Select Numbers 14:2

3о дабы умерли быхом в земли Египетстей, или в пустыни сей да быхом умерли: и вскую вводит нас Господь в землю сию, еже пасти на брани? Жены нашя и дети наша будут в разграбление: ныне убо лучше есть нам возвратитися во Египет.Select Numbers 14:3

4И рече друг ко другу: поставим себе старейшину, и возвратимся бо Египет.Select Numbers 14:4

5И падоста Моисей и Аарон ниц пред всем сонмом сынов Израилевых.Select Numbers 14:5

6Иисус же сын Навин и Халев сын Иефонниин от соглядавших землю, растерзаста ризы своя.Select Numbers 14:6

7И рекоста ко всему сонму сынов Израилевых, глаголюще: земля, юже соглядахом, добра есть зело зело:Select Numbers 14:7

8аще любит нас Господь, введет нас в землю ту и даст ю нам: земля же есть кипящая медом и млеком:Select Numbers 14:8

9но от Господа не будите отступницы: вы же не убойтеся людий земли тоя, понеже в снедь нам есть: отступило бо время от них, Господь же с нами: не убойтеся их.Select Numbers 14:9

10И рече весь сонм побити их камением: и слава Господня явися во облаце над скиниею свидения всем сыном Израилевым.Select Numbers 14:10

11И рече Господь к Моисею: доколе преогорчевают Мя людие сии? И доколе не веруют Мне во всех знамениих, яже сотворих в них?Select Numbers 14:11

12Поражу их смертию и погублю их: и сотворю тя и дом отца твоего в язык велик и мног паче нежели сей.Select Numbers 14:12

13И рече Моисей ко Господу: иуслышат Египтяне, яко возвел еси крепостию Твоею люди Твоя сия от них:Select Numbers 14:13

14но и вси живущии на земли сей слышаша, яко Ты еси Господь в людех сих, иже очима ко очесем являешися, Господи, и облак Твой ста над ними, и столпом облачным идеши Ты пред ними в день, и столпом огненным в нощи:Select Numbers 14:14

15и потребиши люди сия аки единаго человека: и рекут вси языцы, елицы слышаша имя Твое, глаголюще:Select Numbers 14:15

16занеже не возможе Господь людий Своих ввести в землю, о нейже клятся им, погуби их в пустыни:Select Numbers 14:16

17и ныне да вознесется рука Твоя, Господи, якоже рекл еси, глаголя:Select Numbers 14:17

18Господь долготерпелив и многомилостив и истинен, отемляй беззакония и неправды и грехи, и очищением не очистит повиннаго, отдая грехи отцев на чада, до третияго и четвертаго рода:Select Numbers 14:18

19остави грех людем сим по велицей милости Твоей, якоже милостив был еси им от Египта даже до ныне.Select Numbers 14:19

20И рече Господь к Моисею: милостив им есмь по словеси твоему:Select Numbers 14:20

21но живу Аз, и присно живет имя Мое, и наполнит слава Господня всю землю:Select Numbers 14:21

22яко вси мужие видящии славу Мою и знамения, яже сотворих во Египте и в пустыни сей, и искусиша Мя, се, десятое, и не послушаша гласа Моего,Select Numbers 14:22

23истинно не узрят земли, еюже кляхся отцем их: разве чадом их, яже суть со Мною зде, иже не ведят добра и зла, всяк юноша не ведый, сим дам землю: вси же разгневавшии Мя не узрят ю:Select Numbers 14:23

24раб же Мой Халев, яко бысть дух ин в нем, и возследова Мне, введу его в землю, в нюже ходил тамо, и семя его наследит ю:Select Numbers 14:24

25Амалик же и Хананей живут во юдоли: утре возвратитеся и подвигнитеся вы в пустыню путем моря Чермнаго.Select Numbers 14:25

26И рече Господь к Моисею и Аарону, глаголя:Select Numbers 14:26

27доколе сонм сей злый? Яже они ропщут противу Мне, роптание сынов Израилевых, имже возропташа о вас, слышах:Select Numbers 14:27

28рцы им: живу Аз, глаголет Господь: истинно, якоже глаголасте во ушы Мои, тако сотворю вам:Select Numbers 14:28

29в пустыни сей падут телеса ваша, и все соглядание ваше, и сочтения ваша, от двадесяти лет и вышше, елицы ропташа на Мя:Select Numbers 14:29

30аще вы внидете в землю, на нюже прострох руку Мою, вселити вас на ней, разве Халев сын Иефонниин и Иисус сын Навин:Select Numbers 14:30

31и чада ваша, ихже ресте в разграблении быти, введу Я в землю, и наследят землю, от неяже вы отвергостеся:Select Numbers 14:31

32и телеса ваша падут в пустыни сей:Select Numbers 14:32

33сынове же ваши пасоми будут в пустыни четыредесять лет, и носити имут блужение ваше, дондеже потребятся телеса ваша в пустыни:Select Numbers 14:33

34по числу дний, в нихже соглядасте землю, четыредесять дний, за день лето целое, понесете грехи вашя четыредесять лет, и увесте ярость гнева Моего:Select Numbers 14:34

35Аз Господь глаголах вам: истинно тако сотворю сонму сему злому, воставшему на Мя: в пустыни сей потребятся, и тамо измрут.Select Numbers 14:35

36И мужие, ихже посыла Моисей соглядати землю, и пришедше возропташа на ню к сонму, еже бы изнести словеса зла о земли,Select Numbers 14:36

37и изомроша мужи, глаголавшии о земли зло, язвою пред Господем:Select Numbers 14:37

38и Иисус сын Навин и Халев сын Иефонниин живы остастася от мужей тех ходивших соглядати землю.Select Numbers 14:38

39И глагола Моисей словеса сия ко всем сыном Израилевым: и восплакашася людие зело,Select Numbers 14:39

40и воставше заутра, взыдоша на верх горы, глаголюще: се, мы взыдем на место, еже рече Господь, яко согрешихом.Select Numbers 14:40

41И рече Моисей: вскую вы преступаете слово Господне? Не благопоспешно будет вам:Select Numbers 14:41

42не восходите: несть бо Господь с вами: и падете пред лицем враг ваших:Select Numbers 14:42

43зане Амалик и Хананей тамо пред вами, и падете мечем, понеже отвратистеся, не покаряющеся Господу, и не будет Господь с вами.Select Numbers 14:43

44И понудившеся взыдоша на верх горы: кивот же завета Господня и Моисей не двигнушася из среды полка.Select Numbers 14:44

45И сниде Амалик и Хананей седяй в горе той, и сотроша их, и изсекоша их даже до Ермана: и возвратишася в полк.Select Numbers 14:45