15Numbers 15

1И рече Господь к Моисею, глаголя:Select Numbers 15:1

2глаголи сыном Израилевым и речеши к ним: егда внидете в землю вселения вашего, юже Аз даю вам,Select Numbers 15:2

3и сотворите принос Господу во всесожжение или жертву, еже возвеличити мольбу, или благовольну, или в праздники вашя в воню благовония Господу, аще убо от волов, или от овец:Select Numbers 15:3

4и да принесет приносяй дар свой Господу жертву, муки пшеничны десятую часть ефи (меры), вмешены в елей четвертыя части ина (меры):Select Numbers 15:4

5и вина на возлияние четвертую часть ина сотворите во всесожжение или в жертву: агнцу единому да сотвориши толико, принос воню благовония Господу.Select Numbers 15:5

6И овну, егда творите его во всесожжение или в жертву, да сотвориши жертву муки пшеничны две десятины вмешаны в елеи, третию часть ина (меры):Select Numbers 15:6

7и вина на возлияние третию часть ина принесете в воню благовония Господу.Select Numbers 15:7

8Аще же творите от волов во всесожжение или в жертву, еже возвеличити мольбу, или во спасителное Господу,Select Numbers 15:8

9и принесет с телцем принос муки пшеничны три десятины вмешаны в елей, пол ина (меры):Select Numbers 15:9

10и вина на возлияние пол ина (меры), принос в воню благовония Господу.Select Numbers 15:10

11Тако да сотвориши телцу единому, или овну единому, или агнцу единому от овец или от коз:Select Numbers 15:11

12по числу их, яже аще сотворите, тако сотворите единому по числу их.Select Numbers 15:12

13Всяк туземец да сотворит тако сицевая принести приношения в воню благовония Господу:Select Numbers 15:13

14аще же пришлец в вас прибудет в земли вашей, или иже аще будет в вас в родех ваших, и сотворит принос в воню благовония Господу, якоже творите вы, тако да сотворит.Select Numbers 15:14

15Сонме Господнь, закон един да будет вам и пришелцем прилежащым в вас, закон вечный в роды вашя: якоже вы, (тако) и пришлец да будет пред Господем:Select Numbers 15:15

16закон един да будет и оправдание едино да будет вам и пришелцу прилежащему в вас.Select Numbers 15:16

17И рече Господь к Моисею, глаголя:Select Numbers 15:17

18глаголи сыном Израилевым и речеши к ним: егда внидете в землю, в нюже Аз ввожду вас тамо,Select Numbers 15:18

19и будет егда ясте от хлебов земли (тоя), отложите участие во отделение Господу: начаток теста вашего,Select Numbers 15:19

20хлеб отлучите участие оное: якоже участие от гумна,Select Numbers 15:20

21тако отделите той хлеб, начаток теста вашего, и дадите Господу участие в роды вашя.Select Numbers 15:21

22Егда же согрешите и не сотворите всех заповедий сих, ихже глагола Господь Моисею,Select Numbers 15:22

23якоже повеле Господь Бог к вам рукою Моисеовою, от дне в оньже повеле Господь к вам, и потом в роды вашя,Select Numbers 15:23

24и будет аще от очес сонма сотворится неволею, и да сотворит весь сонм телца единаго непорочна от волов во всесожжение, в воню благовония Господу, и жертву сего, и возлияние его по уставлению, и козла единаго от коз греха ради:Select Numbers 15:24

25и да помолится жрец от всем сонме сынов Израилевых, и оставится им, яко нехотение есть: и сии принесоша дар свой, принесение Господу греха ради своего пред Господем, нехотений ради своих,Select Numbers 15:25

26и оставится всему сонму сынов Израилевых и пришелцу прилежащему в вас, яко всем людем нехотенное.Select Numbers 15:26

27Аще же душа едина не хотящи согрешит, да приведет козу едину единолетну греха ради:Select Numbers 15:27

28и да помолится жрец о души нехотевшей и согрешшей нехотением пред Господем, и да помолится о ней, и оставится ей.Select Numbers 15:28

29Населнику (земли) сынов Израилевых и пришелцу прилежащему в них, закон един да будет им, иже аще сотворит не хотящь.Select Numbers 15:29

30И душа яже сотворит рукою гордости от туземец или от пришелцев, Бога сия разгневает, и потребится душа та от людий своих:Select Numbers 15:30

31яко слово Господне презре и заповеди Его разсыпа, сотрением да сотрется душа та: и грех ея на ней.Select Numbers 15:31

32И бяху сынове Израилевы в пустыни, и обретоша мужа собирающа дрова в день субботный,Select Numbers 15:32

33и приведоша его обретшии собирающа дрова в день субботный к Моисею и Аарону и ко всему сонму сынов Израилевых,Select Numbers 15:33

34и ввергоша его в темницу: не совещаша бо, что сотворят ему.Select Numbers 15:34

35И рече Господь к Моисею, глаголя: смертию да умрет человек сей, да побиете его камением весь сонм вне полка.Select Numbers 15:35

36И изведоша его весь сонм вне полка, и побиша его камением весь сонм вне полка, якоже глагола Господь Моисею.Select Numbers 15:36

37И рече Господь к Моисею, глаголя:Select Numbers 15:37

38глаголи сыном Израилевым и речеши им: и да сотворят себе рясны на воскрилиих риз своих в роды своя: и возложите на рясны воскрилий прядение синее,Select Numbers 15:38

39и будет вам на ряснах: и узрите их, и воспомянете вся заповеди Господни и сотворите я, и не развратитеся вслед мыслей своих и вслед очес ваших, имиже вы соблудисте вслед их:Select Numbers 15:39

40яко да помянете и сотворите вся заповеди Моя, и будете святи Богу вашему:Select Numbers 15:40

41Аз Господь Бог ваш, изведый вас из земли Египетския, быти вам Бог: Аз Господь Бог ваш.Select Numbers 15:41