4Philippians 4

1Темже, братие моя возлюбленная и вожделенная, радосте и венче мой, тако стойте о Господе, возлюбленнии.Select Philippians 4:1

2Еводию молю и Синтихию молю тожде мудрствовати о Господе:Select Philippians 4:2

3ей, молю и тебе, супружниче присный, споспешествуй им, яже во благовествовании сподвизашася со мною и с Климентом и с прочими споспешники моими, ихже имена в книгах животных.Select Philippians 4:3

4Радуйтеся всегда о Господе: и паки реку: радуйтеся.Select Philippians 4:4

5Кротость ваша разумна да будет всем человеком. Господь близ.Select Philippians 4:5

6Ни о чемже пецытеся, но во всем молитвою и молением со благодарением прошения ваша да сказуются к Богу:Select Philippians 4:6

7и мир Божий, превосходяй всяк ум, да соблюдет сердца ваша и разумения ваша о Христе Иисусе.Select Philippians 4:7

8Прочее же, братие (моя), елика суть истинна, елика честна, елика праведна, елика пречиста, елика прелюбезна, елика доброхвальна, аще кая добродетель и аще кая похвала, сия помышляйте.Select Philippians 4:8

9Умже и научистеся, и приясте, и слышасте, и видесте во мне, сия творите: и Бог мира будет с вами.Select Philippians 4:9

10Возрадовахся же о Господе вельми, яко уже когда воспомянусте пещися о мне: понеже и печастеся, но непогодным временем обдержастеся.Select Philippians 4:10

11Не яко по скудости глаголю: аз бо навыкох, в нихже есмь, доволен быти:Select Philippians 4:11

12вем и смиритися, вем и избыточествовати: во всем и во всех навыкох, и насыщатися и алкати, и избыточествовати и лишатися.Select Philippians 4:12

13Вся могу о укрепляющем мя (Иисусе) Христе.Select Philippians 4:13

14Обаче добре сотвористе, сприобщившеся печали моей.Select Philippians 4:14

15Весте же и вы, Филипписиане, яко в начале благовествования, егда изыдох от Македонии, ни едина ми церковь общевася в слово даяния и приятия, точию вы едини:Select Philippians 4:15

16яко и в Солунь и единою и дващи в требование (мое) посласте ми.Select Philippians 4:16

17Не яко ищу даяния, но ищу плода множащагося в слово ваше.Select Philippians 4:17

18Приях же вся и избыточествую: исполнихся, приемь от Епафродита посланная от вас, воню благоухания, жертву приятну, благоугодну Богу.Select Philippians 4:18

19Бог же мой да исполнит всякое требование ваше по богатству Своему в славе, о Христе Иисусе.Select Philippians 4:19

20Богу же и Отцу нашему слава во веки веков. Аминь.Select Philippians 4:20

21Целуйте всякаго свята о Христе Иисусе. Целуют вы сущая со мною братия.Select Philippians 4:21

22Целуют вы святии вси, паче же иже от кесарева дому.Select Philippians 4:22

23Благодать Господа нашего Иисуса Христа со всеми вами. Аминь.Select Philippians 4:23