1Revelation 1

1Апокалипсис Иисуса Христа, егоже даде Ему Бог, показати рабом Своим, имже подобает быти вскоре. И сказа, послав чрез Ангела Своего рабу Своему Иоанну,Select Revelation 1:1

2иже свидетелствова слово Божие и свидетелство Иисус Христово, и елика виде.Select Revelation 1:2

3Блажен чтый, и слышащии словеса пророчествия, и соблюдающии писаная в нем: время бо близ.Select Revelation 1:3

4Иоанн седмим церквам, яже суть во Асии: благодать вам и мир от Сущаго, и Иже бе, и Грядущаго, и от седми духов, иже пред престолом Его суть,Select Revelation 1:4

5и от Иисуса Христа, Иже есть свидетель верный, первенец из мертвых и князь царей земных: любящу ны и омывшу нас от грех наших Кровию Своею,Select Revelation 1:5

6и сотворил есть нас цари и иереи Богу и Отцу Своему, Тому слава и держава во веки веков. Аминь.Select Revelation 1:6

7Се, грядет со облаки, и узрит Его всяко око и иже Его прободоша, и плачь сотворят о Нем вся колена земная. Ей, аминь.Select Revelation 1:7

8Аз есмь Алфа и Омега, начаток и конец, глаголет Господь, сый, и Иже бе, и грядый, Вседержитель.Select Revelation 1:8

9Аз Иоанн, иже и брат ваш и общник в печали и во царствии и в терпении Иисус Христове, бых во острове нарицаемем Патмос за слово Божие и за свидетелство Иисус Христово.Select Revelation 1:9

10Бых в дусе в день неделный, и слышах за собою глас велий яко трубы глаголющия: Аз есмь Алфа и Омега, Первый и Последний:Select Revelation 1:10

11и: яже видиши, напиши в книгу, и посли церквам, яже суть во Асии: во Ефес и в Смирну, в Пергам и в Фиатир, и в Сардис и в Филаделфию и в Лаодикию.Select Revelation 1:11

12И обратихся видети глас, иже глаголаше со мною: и обратився видех седмь светилник златых,Select Revelation 1:12

13и посреде седми светилников подобна Сыну Человечу, облечена в подир и препоясана при сосцу поясом златым:Select Revelation 1:13

14глава же Его и власи белы аки ярина белая, якоже снег: и очи Его яко пламень огнен:Select Revelation 1:14

15и нозе Его подобне халколивану, якоже в пещи разжженне: и глас Его яко глас вод мног:Select Revelation 1:15

16и держя в руце Своей десней седмь звезд: и из уст Его мечь обоюду остр изострен исходяй: и лице Его якоже солнце сияет в силе своей.Select Revelation 1:16

17И егда видех Его, падох к ногама Его яко мертв. И положи десницу Свою на мне, глаголя ми: не бойся: Аз есмь Первый и ПоследнийSelect Revelation 1:17

18и живый: и бых мертв, и се, жив есмь во веки веков, аминь: и имам ключи ада и смерти.Select Revelation 1:18

19Напиши убо, яже видел еси, и яже суть, и имже подобает быти по сем.Select Revelation 1:19

20Таинство седми звезд, яже видел еси на деснице Моей, и седмь светилник златых: седмь звезд Ангели седми церквей суть: и седмь светилников, яже видел еси, седмь церквей суть.Select Revelation 1:20