13Revelation 13

1И стах на песце морстем: и видех из моря зверя исходяща, имуща глав седмь и рогов десять, и на розех его венец десять, а на главах его имена хулна.Select Revelation 13:1

2Зверь, егоже видех, бе подобен рыси, и нозе ему яко медведи, и уста его яко уста львова: и даде ему змий силу свою и престол свой и область великую.Select Revelation 13:2

3И видех едину от глав его яко заколену в смерть, и язва смерти его изцеле. И чудися вся земля вслед зверя, и поклонишася змию, иже даде область зверю,Select Revelation 13:3

4и поклонишася зверю, глаголюще: кто подобен зверю и кто может ратоватися с ним?Select Revelation 13:4

5И дана быша ему уста глаголюща велика и хулна, и дана бысть ему область творити месяц четыредесять два.Select Revelation 13:5

6И отверзе уста своя в хуление к Богу, хулити имя Его и селение Его и живущыя на небеси.Select Revelation 13:6

7И дано бысть ему брань творити со святыми и победити я: и дана бысть ему область на всяцем колене (людий) и на языцех и племенех.Select Revelation 13:7

8И поклонятся ему вси живущии на земли, имже не написана суть имена в книгах животных Агнца заколенаго от сложения мира.Select Revelation 13:8

9Аще кто имать ухо, да слышит.Select Revelation 13:9

10Иже аще в пленение ведет, в пленение пойдет: аще кто оружием убиет, подобает ему оружием убиену быти. Зде есть терпение и вера святых.Select Revelation 13:10

11И видех инаго зверя восходящаго от земли, и имеяше рога два, подобна агнчым, и глаголаше яко змий.Select Revelation 13:11

12И власть перваго зверя всю творяше пред ним: и творяше землю и вся живущыя на ней поклонитися первому зверю, емуже изцелена бысть язва смертная:Select Revelation 13:12

13и сотвори чудеса велика, да и огнь сотворит сходити с небесе на землю пред человеки.Select Revelation 13:13

14И льстит живущыя на земли, ради знамений, яже дана быша ему пред зверем творити, глаголя живущым на земли, сотворити образ зверю, иже имать язву оружную и жив бысть.Select Revelation 13:14

15И дано бысть ему дати дух образу зверину, да проглаголет икона зверина и сотворит, да иже аще не поклонятся образу звериному, убиени будут.Select Revelation 13:15

16И сотворит вся малыя и великия, богатыя и убогия, свободныя и работныя, да даст им начертание на десней руце их или на челех их,Select Revelation 13:16

17да никтоже возможет ни купити, ни продати, токмо кто имать начертание, или имя зверя, или число имене его.Select Revelation 13:17

18Зде мудрость есть. Иже имать ум, да почтет число зверино: число бо человеческо есть, и число его шесть сот шестьдесят шесть.Select Revelation 13:18