16Revelation 16

1И слышах глас велий от храма глаголющь седмим Ангелом: идите и излийте седмь фиал ярости Божия на землю.Select Revelation 16:1

2И иде первый Ангел и излия фиал свой на землю: и бысть гной зол и лют на человецех имущих начертание зверино и кланяющихся иконе его.Select Revelation 16:2

3И вторый Ангел излия фиал свой в море: и бысть кровь яко мертвеца, и всяка душа жива умре в мори.Select Revelation 16:3

4И третий Ангел излия фиал свой на реки и на источники водныя: и бысть кровь.Select Revelation 16:4

5И слышах Ангела воднаго глаголюща: праведен еси, Господи, сый и Иже бе, и преподобн, яко сия судил еси:Select Revelation 16:5

6зане кровь святых и пророк излияша, и кровь им дал еси пити: достойни бо суть.Select Revelation 16:6

7И слышах другаго от олтаря глаголюща: ей, Господи Боже Вседержителю, истинни и прави суди Твои.Select Revelation 16:7

8И четвертый Ангел излия фиал свой на солнце: и дано бысть ему опаляти человеки огнем.Select Revelation 16:8

9И опалишася человецы зноем великим, и хулиша имя Божие, иже имать область на язвах сих, и не покаяшася дати Ему славы.Select Revelation 16:9

10И пятый Ангел излия фиал свой на престол зверин: и бысть царство его омрачено, и жваху языки своя от болезни,Select Revelation 16:10

11и хулиша Бога небеснаго от болезни и от язв своих, и не покаяшася от дел своих.Select Revelation 16:11

12И шестый Ангел излия фиал свой на реку велику Евфрат: и изсяче вода ея, да уготовится путь царем сущым от восток солнечных.Select Revelation 16:12

13И видех из уст змия и из уст зверя и из уст лжаго пророка духи три нечистыя, яко жабы исходящыя:Select Revelation 16:13

14суть бо дуси демонстии творяще знамения, иже исходят к царем всея вселенныя, собрати я на брань в день той великий Бога Вседержителя.Select Revelation 16:14

15Се, гряду яко тать: блажен бдяй и блюдый ризы своя, да не наг ходит и узрят срамоту его.Select Revelation 16:15

16И собра их на место нарицаемое еврейски Армагеддон.Select Revelation 16:16

17И седмый Ангел излия фиал свой на воздух: и изыде глас велий от храма небесе от престола, глаголя: бысть.Select Revelation 16:17

18И быша блистания и громи и гласи, и бысть трус велик, яков николиже бысть, отнележе быша человецы на земли, толик трус, тако велий.Select Revelation 16:18

19И бысть град велик в три части, и гради язычестии падоша, и Вавилон великий помяновен бысть пред Богом, дати ему чашу вина ярости гнева Своего.Select Revelation 16:19

20И всяк остров бежа, и горы не обретошася:Select Revelation 16:20

21и град велик, яко талантес, сниде с небесе на человеки: и хулиша человецы Бога от язвы градныя, яко велия есть язва его зело.Select Revelation 16:21