17Revelation 17

1И прииде един от седми Ангел имущих седмь фиал, и глагола со мною, глаголя ми: прииди, да покажу ти суд любодейцы великия, седящия на водах многих:Select Revelation 17:1

2с неюже любодеяша царие земстии, и упишася живущии на земли от вина любодеяния ея.Select Revelation 17:2

3И веде мя в пусто место духом: и видех жену седящу на звери червлене, исполненем имен хулных, иже имеяше глав седмь и рогов десять.Select Revelation 17:3

4И жена бе облечена в порфиру и червленицу, и позлащена златом и камением драгим и бисером, имущи чашу злату в руце своей полну мерзости и скверн любодеяния ея:Select Revelation 17:4

5и на челе ея написано имя: тайна, Вавилон великий, мати любодейцам и мерзостем земским.Select Revelation 17:5

6И видех жену пияну кровьми святых и кровьми свидетелей Иисусовых, и дивихся, видев ю, дивом великим.Select Revelation 17:6

7И рече ми Ангел: что дивишися? Аз ти реку тайну жены (сея) и зверя носящаго ю, седмь глав имуща и рогов десять.Select Revelation 17:7

8Зверь, егоже видел еси, бе, и несть, и имать взыти от бездны, и в пагубу пойдет: и удивятся живущии на земли, имже имена не написана суть в книгу животную от сложения мира, видяще, яко зверь бе, и несть, и преста.Select Revelation 17:8

9Зде ум, иже имать мудрость. Седмь глав горы суть седмь, идеже жена седит на них,Select Revelation 17:9

10и царие седмь суть: пять их пало, и един есть, (а) другий еще не прииде: и егда приидет, мало ему есть пребыти.Select Revelation 17:10

11И зверь, иже бе и несть, и той осмый есть, и от седмих есть, и в пагубу идет.Select Revelation 17:11

12И десять рогов, яже видел еси, десять царей суть, иже царства еще не прияша, но область яко царие на един час приимут со зверем.Select Revelation 17:12

13Сии едину волю имут, и силу и область свою зверю дадут:Select Revelation 17:13

14сии со Агнцем брань сотворят, и Агнец победит я, яко Господь господем есть и Царь царем: и сущии с Ним званнии и избраннии и верни.Select Revelation 17:14

15И глагола ми: воды, яже еси видел, идеже любодейца седит, людие и народи суть, и племена и языцы.Select Revelation 17:15

16И десять рогов, яже видел еси на звери, сии любодейцу возненавидят, и запустевшу сотворят ю и нагу, и плоть ея снедят, и сожгут ю огнем:Select Revelation 17:16

17Бог бо дал есть в сердца их, сотворити волю Его, и сотворити едину волю, и дати царство свое зверю, дондеже скончаются глаголголы Божии.Select Revelation 17:17

18И жена, юже видел еси, град есть великий, иже имать царство над цари земными.Select Revelation 17:18