19Revelation 19

1И по сих слышах глас велий народа многа на небеси, глаголющаго: аллилуиа: спасение и слава, и честь и сила Господу нашему,Select Revelation 19:1

2яко истинни и прави суди Его: яко судил есть любодейцу велику, яже посмради землю любодеянием своим, и отмстил кровь рабов Своих от руки ея.Select Revelation 19:2

3И второе реша: аллилуиа. И дым ея восхождаше во веки веков.Select Revelation 19:3

4И падоша двадесять и четыри старцы и четыри животна и поклонишася Богови седящему на престоле, глаголюще: аминь, аллилуиа.Select Revelation 19:4

5И глас изыде от престола глаголющь: пойте Богу нашему, вси раби Его и боящиися Его, и малии и велицыи.Select Revelation 19:5

6И слышах яко глас народа многа, и яко глас вод многих, и яко глас громов крепких, глаголющих: аллилуиа, яко воцарися Господь Бог Вседержитель:Select Revelation 19:6

7радуимся и веселимся, и дадим славу Ему: яко прииде брак Агнчий, и жена Его уготовила есть себе.Select Revelation 19:7

8И дано бысть ей облещися в виссон чист и светел: виссон бо оправдания святых есть.Select Revelation 19:8

9И глагола ми: напиши: блажени званнии на вечерю брака Агнча. И глагола ми: сия словеса истинна Божия суть.Select Revelation 19:9

10И пад пред ногама его, поклонихся ему: и глагола ми: виждь, ни: клеврет ти есмь и братий твоих имущих свидетелство Иисусово: Богу поклонися: свидетелство бо Иисусово есть дух пророчествия.Select Revelation 19:10

11И видех небо отверсто, и се, конь бел, и седяй на нем Верен и Истинен, и Правосудный и Воинственный:Select Revelation 19:11

12очи же Ему (еста) яко пламень огнен, и на главе Его венцы мнози: имый имя написано, еже никтоже весть, токмо Он Сам:Select Revelation 19:12

13и облечен в ризу червлену кровию. И нарицается имя Его Слово Божие.Select Revelation 19:13

14И воинства небесная идяху вслед Его на конех белых, облечени в виссон бел и чист.Select Revelation 19:14

15И из уст Его изыде оружие остро, да тем избиет языки: и Той упасет я жезлом железным, и Той перет точило вина ярости и гнева Божия Вседержителева.Select Revelation 19:15

16И имать на ризе и на стегне Своем имя написано: Царь царем и Господь господем.Select Revelation 19:16

17И видех единаго Ангела стояща на солнце: и возопи гласом велиим, глаголя всем птицам парящым посреде небесе: приидите и соберитеся на вечерю великую Божию,Select Revelation 19:17

18да снесте плоти царей и плоти крепких и плоти тысящников, и плоти коней и седящих на них, и плоти всех свободных и рабов, и малых и великих.Select Revelation 19:18

19И видех зверя и цари земныя и вои их собраны сотворити брань с Седящим на кони и с воинствы Его.Select Revelation 19:19

20И ят бысть зверь и с ним лживый пророк, сотворивый знамения пред ним, имиже прельсти приемшыя начертание зверино и покланяющыяся иконе его: жива ввержена быста оба в езеро огненное горящее жупелом:Select Revelation 19:20

21а прочии убиени быша оружием Седящаго на кони, изшедшим из уст Его: и вся птицы насытишася от плотей их.Select Revelation 19:21