21Revelation 21

1И видех небо ново и землю нову: первое бо небо и земля первая преидоста, и моря несть ктому.Select Revelation 21:1

2И аз Иоанн видех град святый, Иерусалим нов сходящь от Бога с небесе, приготован яко невесту украшену мужу своему.Select Revelation 21:2

3И слышах глас велий с небесе, глаголющь: се, скиния Божия с человеки, и вселится с ними: и тии людие Его будут, и Сам Бог будет с ними Бог их:Select Revelation 21:3

4и отимет Бог всяку слезу от очию их, и смерти не будет ктому: ни плача, ни вопля, ни болезни не будет ктому, яко первая мимоидоша.Select Revelation 21:4

5И рече Седяй на престоле: се, нова вся творю. И глагола ми: напиши, яко сия словеса истинна и верна суть.Select Revelation 21:5

6И рече ми: совершишася. Аз есмь Алфа и Омега, начаток и конец: аз жаждущему дам от источника воды животныя туне.Select Revelation 21:6

7Побеждаяй наследит вся, и буду ему Бог, и той будет Мне в сына.Select Revelation 21:7

8Страшливым же и неверным, и скверным и убийцам, и блуд творящым и чары творящым, идоложерцем и всем лживым, часть им в езере горящем огнем и жупелом, еже есть смерть вторая.Select Revelation 21:8

9И прииде ко мне един от седми Ангел, имущих седмь фиал исполненых седмих язв последних, и рече ко мне, глаголя: гряди, покажу ти невесту Агнчу жену.Select Revelation 21:9

10И веде мя духом на гору велику и высоку и показа ми град великий, святый Иерусалим низходящь с небесе от Бога,Select Revelation 21:10

11имущь славу Божию: и светило его подобно камени драгому, яко камени иаспису кристаловидну:Select Revelation 21:11

12имущь стену велику и высоку, имущь врат дванадесять, и на вратех Ангелов дванадесять и имена написана, яже суть имена дванадесятим коленом сынов Израилевых:Select Revelation 21:12

13от востока врата троя и от севера врата троя, от юга врата троя и от запада врата троя.Select Revelation 21:13

14И стена града имеяше оснований дванадесять, и на них имен дванадесять Апостолов Агнчих.Select Revelation 21:14

15И глаголяй со мною имеяше трость злату, да измерит град и врата его и стены его.Select Revelation 21:15

16И град на четыри углы стоит, и долгота его толика есть, елика же и широта. И измери град тростию на стадий дванадесять тысящ: долгота и широта и высота его равна суть.Select Revelation 21:16

17И размери стену его во сто и четыридесять и четыри лакти, в меру человеческу, яже есть Ангела.Select Revelation 21:17

18И бе создание стены его иаспис: и град злато чисто, подобен стклу чисту.Select Revelation 21:18

19И основания стены града всяким драгим камением украшена бяху: основание первое иаспис, второе сапфир, третие халкидон, четвертое смарагд,Select Revelation 21:19

20пятое сардоникс, шестое сардий, седмое хрисолиф, осмое вирилл, девятое топазий, десятое хрисопрас, первоенадесять иакинф, второенадесять амефист.Select Revelation 21:20

21И дванадесять врат дванадесять бисеров: едина каяждо врата беша от единаго бисера. И стогны града злато чисто, яко сткло пресветло.Select Revelation 21:21

22И храма не видех в нем: Господь бо Бог Вседержитель храм ему есть, и Агнец.Select Revelation 21:22

23И град не требуя солнца и луны, да светят в нем, слава бо Божия просвети его, и светилник его Агнец.Select Revelation 21:23

24И языцы спасени во свете его пойдут, и царие земстии принесут славу и честь свою в него.Select Revelation 21:24

25И врата его не имут затворитися во дни: нощи бо не будет ту.Select Revelation 21:25

26И принесут славу и честь языков в него:Select Revelation 21:26

27и не имать в него внити всяко скверно, и творяй мерзость и лжу, но токмо написаныя в книгах животных Агнца.Select Revelation 21:27