22Revelation 22

1И показа ми чисту реку воды животныя, светлу яко кристалл, исходящу от престола Божия и Агнча.Select Revelation 22:1

2Посреде стогны его и по обаполы реки древо животное, еже творит плодов дванадесяте, на кийждо месяц воздая плод свой: и листвие древа во изцеление языком.Select Revelation 22:2

3И всяка анафема не будет ктому: и престол Божий и Агнечь будет в нем, и раби Его послужат Ему,Select Revelation 22:3

4и узрят лице Его, и имя Его на челех их.Select Revelation 22:4

5И нощи не будет тамо, и не потребуют света от светилника, ни света солнечнаго, яко Господь Бог просвещает я: и воцарятся во веки веков.Select Revelation 22:5

6И рече ми: сия словеса верна и истинна: и Господь Бог святых пророк посла Ангела Своего показати рабом Своим, имже подобает быти вскоре.Select Revelation 22:6

7Се, гряду скоро: блажен соблюдаяй словеса пророчества книги сея.Select Revelation 22:7

8И аз Иоанн видех сия и слышах. И егда слышах и видех, падох поклонитися на ногу Ангела показующаго ми сие:Select Revelation 22:8

9и глагола ми: виждь, ни: клеврет бо твой есмь и братии твоея пророков и соблюдающих словеса книги сея: Богу поклонися.Select Revelation 22:9

10И глагола ми: не запечатлей словес пророчествия книги сея: яко время близ есть.Select Revelation 22:10

11Обидяй да обидит еще, и скверный да осквернится еще: и праведный правду да творит еще: и святый да святится еще.Select Revelation 22:11

12И се, гряду скоро, и мзда Моя со Мною, воздати коемуждо по делом его.Select Revelation 22:12

13Аз есмь Алфа и Омега, начаток и конец, Первый и Последний.Select Revelation 22:13

14Блажени творящии заповеди Его, да будет область им на древо животное, и враты внидут во град.Select Revelation 22:14

15Вне же пси и чародее, и любодее и убийцы, и идолослужителе и всяк любяй и творяй лжу.Select Revelation 22:15

16Аз Иисус послах Ангела Моего засвидетелствовати вам сия в церквах. Аз есмь корень и род Давидов, и звезда утренняя и денница.Select Revelation 22:16

17И Дух и невеста глаголют: прииди, и слышяй да глаголет: прииди. И жаждяй да приидет, и хотяй да приимет воду животную туне.Select Revelation 22:17

18Сосвидетелствую бо всякому слышащему словеса пророчества книги сея: аще кто приложит к сим, наложит Бог на него язв написанных в книзе сей:Select Revelation 22:18

19и аще кто отимет от словес книги пророчествия сего, отимет Бог часть его от книги животныя, и от града святаго, и написанных в книзе сей.Select Revelation 22:19

20Глаголет свидетелствуяй сия: ей, гряду скоро: аминь. Ей, гряди Господи Иисусе.Select Revelation 22:20

21Благодать Господа нашего Иисуса Христа со всеми вами. Аминь.Select Revelation 22:21