7Revelation 7

1И по сем видех четыри Ангелы стоящыя на четырех углех земли, держащыя четыри ветры земския, да не дышет ветр на землю, ни на море, ни на всяко древо.Select Revelation 7:1

2И видех инаго Ангела восходяща от восхода солнца, имуща печать Бога живаго. И возопи гласом велиим к четырем Ангелом, имже дано бысть вредити землю и море, глаголя:Select Revelation 7:2

3не вредите ни земли, ни моря, ни древес, дондеже запечатлеем рабы Бога нашего на челех их.Select Revelation 7:3

4И слышах число запечатленных: сто четыредесять четыри тысящи запечатленных от всякаго колена сынов Израилевых.Select Revelation 7:4

5От колена Иудова дванадесять тысящ запечатленных: от колена Рувимова дванадесять тысящ запечатленных: от колена Гадова дванадесять тысящ запечатленных:Select Revelation 7:5

6от колена Асирова дванадесять тысящ запечатленных: от колена Неффалимля дванадесять тысящ запечатленных: от колена Манассиина дванадесять тысящ запечатленных:Select Revelation 7:6

7от колена Симеонова дванадесять тысящ запечатленных: от колена Левиина дванадесять тысящ запечатленных: от колена Иссахарова дванадесять тысящ запечатленных:Select Revelation 7:7

8от колена Завулоня дванадесять тысящ запечатленных: от колена Иосифова дванадесять тысящ запечатленных: от колена Вениаминова дванадесять тысящ запечатленных.Select Revelation 7:8

9По сих видех, и се, народ мног, егоже изчести никтоже может, от всякаго языка и колена, и людий и племен, стояще пред престолом и пред Агнцем, облечены в ризы белы, и финицы в руках их.Select Revelation 7:9

10И возопиша гласом велиим, глаголюще: спасение седящему на престоле Богу нашему и Агнцу.Select Revelation 7:10

11И вси Ангели стояху окрест престола и старец и четырех животных: и падоша на лицы пред престолом и поклонишася Богу,Select Revelation 7:11

12глаголюще: аминь: благословение и слава, и премудрость и хвала, и честь и сила и крепость Богу нашему во веки веков. Аминь.Select Revelation 7:12

13И отвеща един от старец, глаголя ми: сии облеченнии в ризы белыя кто суть и откуду приидоша?Select Revelation 7:13

14И рех ему: господи, ты веси. И рече ми: сии суть, иже приидоша от скорби великия, и испраша ризы своя, и убелиша ризы своя в Крови Агнчи:Select Revelation 7:14

15сего ради суть пред престолом Божиим и служат Ему день и нощь в церкви Его, и Седяй на престоле вселится в них:Select Revelation 7:15

16не взалчут ктому, ниже вжаждут, не имать же пасти на них солнце, ниже всяк зной:Select Revelation 7:16

17яко Агнец, Иже посреде престола, упасет я и наставит их на животныя источники вод, и отимет Бог всяку слезу от очию их.Select Revelation 7:17