14Romans 14

1Изнемогающаго же в вере приемлите, не в сомнение помышлении.Select Romans 14:1

2Ов бо верует ясти вся, а изнемогаяй зелия да яст.Select Romans 14:2

3Ядый не ядущаго да не укаряет: и не ядый ядущаго да не осуждает: Бог бо его прият.Select Romans 14:3

4Ты кто еси судяй чуждему рабу? Своему Господви стоит, или падает. Станет же, силен бо есть Бог поставити его.Select Romans 14:4

5Ов убо разсуждает день чрез день, ов же судит на всяк день. Кииждо своею мыслию да извествуется.Select Romans 14:5

6Мудрствуяй день, Господеви мудрствует: и не мудрствуяй день, Господеви не мудрствует. Ядый, Господеви яст. Благодарит бо Бога: и не ядый, Господеви не яст, и благодарит Бога.Select Romans 14:6

7Никтоже бо нас себе живет, и никтоже себе умирает:Select Romans 14:7

8аще бо живем, Господеви живем, аще же умираем, Господеви умираем: аще убо живем, аще умираем, Господни есмы.Select Romans 14:8

9На сие бо Христос и умре и воскресе и оживе, да и мертвыми и живыми обладает.Select Romans 14:9

10Ты же почто осуждаеши брата твоего, или ты что уничижаеши брата твоего? Вси бо предстанем судищу Христову.Select Romans 14:10

11Писано бо есть: живу Аз, глаголет Господь, яко Мне поклонится всяко колено, и всяк язык исповестся Богови.Select Romans 14:11

12Темже убо кийждо нас о себе слово даст Богу.Select Romans 14:12

13Не ктому убо друг друга осуждаем, но сие паче судите, еже не полагати претыкания брату или соблазна.Select Romans 14:13

14Вем и извещен есмь о Христе Иисусе, яко ничтоже скверно само собою: точию помышляющему что скверно быти, оному скверно есть.Select Romans 14:14

15Аще же брашна ради брат твой скорбит, уже не по любви ходиши: не брашном твоим того погубляй, за негоже Христос умре.Select Romans 14:15

16Да не хулится убо ваше благое.Select Romans 14:16

17Несть бо Царство Божие брашно и питие, но правда и мир и радость о Дусе Святе.Select Romans 14:17

18Иже бо сими служит Христови, благоугоден есть Богови и искусен человеком.Select Romans 14:18

19Темже убо мир возлюбим и яже к созиданию друг ко другу.Select Romans 14:19

20Не брашна ради разоряй дело Божие. Вся бо чиста, но зло человеку претыканием ядущему.Select Romans 14:20

21Добро не ясти мяс, ниже пити вина, ни о немже брат твой претыкается или соблазняется или изнемогает.Select Romans 14:21

22Ты веру имаши? О себе сам имей пред Богом. Блажен не осуждаяй себе, о немже искушается.Select Romans 14:22

23А сомняяйся, аще яст, осуждается, зане не от веры: всяко же, еже не от веры, грех есть.Select Romans 14:23

24Могущему же вас утвердити по благовествованию моему и проповеданию Иисус Христову, по откровению тайны, леты вечными умолчанныя,Select Romans 14:24

25явльшияся же ныне, писании пророческими, по повелению вечнаго Бога, в послушание веры во всех языцех познавшияся,Select Romans 14:25

26Единому Премудрому Богу, Иисусом Христом, Емуже слава во веки. Аминь.Select Romans 14:26