2Song of Songs 2

1Аз цвет польный и крин удольный.Select Song of Songs 2:1

2Якоже крин в тернии, тако искренняя моя посреде дщерей.Select Song of Songs 2:2

3Яко яблонь посреде древес лесных, тако брат мой посреде сынов: под сень его восхотех и седох, и плод его сладок в гортани моем.Select Song of Songs 2:3

4Введите мя в дом вина, вчините ко мне любовь:Select Song of Songs 2:4

5утвердите мя в мирех, положите мя во яблоцех: яко уязвлена (есмь) любовию аз.Select Song of Songs 2:5

6Шуйца его под главою моею, и десница его оымет мя.Select Song of Songs 2:6

7Заклях вас, дщери Иерусалимли, в силах и крепостех села: аще возставите и возбудите любовь, дондеже восхощет.Select Song of Songs 2:7

8Глас брата моего: се, той идет, скача на горы и прескача на холмы.Select Song of Songs 2:8

9Подобен есть брат мой серне или младу еленю на горах вефильских. Се, сей стоит за стеною нашею, проглядаяй оконцами, приницаяй сквозе мрежи.Select Song of Songs 2:9

10Отвещает брат мой и глаголет мне: востани, прииди, ближняя моя, добрая моя, голубице моя.Select Song of Songs 2:10

11Яко се, зима прейде, дождь отиде, отиде себе:Select Song of Songs 2:11

12цвети явишася на земли, время обрезания приспе, глас горлицы слышан в земли нашей:Select Song of Songs 2:12

13смоквь изнесе цвет свой, виногради зреюще даша воню. Востани, прииди, ближняя моя, добрая моя, голубице моя, и прииди.Select Song of Songs 2:13

14Ты, голубице моя, в покрове каменне, близ предстения: яви ми зрак твой, и услышан сотвори ми глас твой: яко глас твой сладок, и образ твой красен.Select Song of Songs 2:14

15Имите нам лисы малыя, губящыя винограды: и виногради наши созревают.Select Song of Songs 2:15

16Брат мой мне, и аз ему, пасый в кринах,Select Song of Songs 2:16

17дондеже дхнет день, и двигнутся сени. Обратися, уподобися ты, брате мой, серне или младу еленю на горах юдолий.Select Song of Songs 2:17