4Song of Songs 4

1Се, еси добра, ближняя моя, се, еси добра: очи твои голубине, кроме замолчания твоего: власи твои яко стада козиц, яже открышася от Галаада.Select Song of Songs 4:1

2Зубы твои яко стада остриженых, яже изыдоша из купели, вся двоеплодны, и неродящия несть в них.Select Song of Songs 4:2

3Яко вервь червлена устне твои, и беседа твоя красна: яко оброщение шипка ланиты твоя, кроме замолчания твоего.Select Song of Songs 4:3

4Яко столп Давидов выя твоя, создан в Фалпиофе: тысяща щитов висит на нем, вся стрелы сильных.Select Song of Songs 4:4

5Два сосца твоя яко два млада близнца серны, пасомая во кринах,Select Song of Songs 4:5

6дондеже дхнет день, и подвигнутся сени. Пойду себе к горе смирней и к холму ливанску.Select Song of Songs 4:6

7Вся добра еси, ближняя моя, и порока несть в тебе.Select Song of Songs 4:7

8Гряди от Ливана, невесто, гряди от Ливана: прииди и прейди из начала Веры, от главы Санира и Аермона, от оград львовых, от гор пардалеов.Select Song of Songs 4:8

9Сердце наше привлекла еси, сестро моя невесто, сердце наше привлекла еси единым от очию твоею, единым монистом выи твоея.Select Song of Songs 4:9

10Что удобреста сосца твоя, сестро моя невесто? Что удобреста сосца твоя паче вина, и воня риз твоих паче всех аромат?Select Song of Songs 4:10

11Сот искапают устне твои, невесто, мед и млеко под языком твоим, и благовоние риз твоих яко благоухание Ливана.Select Song of Songs 4:11

12Вертоград заключен сестра моя невеста, вертоград заключен, источник запечатлен.Select Song of Songs 4:12

13Леторасли твоя сад шипков с плодом яблочным, кипри с нардами,Select Song of Songs 4:13

14нард и шафран, трость и киннамон со всеми древами ливанскими, смирна, алой со всеми первыми мирами,Select Song of Songs 4:14

15источник вертограда, и кладязь воды живы и истекающия от Ливана.Select Song of Songs 4:15

16Востани, севере, и гряди, юже, и повей во вертограде моем, и да потекут ароматы мои.Select Song of Songs 4:16