8Song of Songs 8

1Кто даст тя, брате мой, ссуща сосцы матере моея? Обретши тя вне целую тя, и ктому не уничижат мене.Select Song of Songs 8:1

2Пойму тя, введу тя в дом матере моея и в ложницу заченшия мя: тамо мя научиши: напою тя от вина с вонями строенаго, от воды яблок моих.Select Song of Songs 8:2

3Шуйца его под главою моею, и десница его оымет мя.Select Song of Songs 8:3

4Заклях вас, дщери Иерусалимския, в силах и в крепостех селных: аще подвижете и воздвижете любовь, дондеже аще восхощет.Select Song of Songs 8:4

5Кто сия восходящая убелена и утвержаема о брате своем? Под яблонею возбудих тя: тамо роди тя мати твоя, тамо поболе тобою рождшая тя.Select Song of Songs 8:5

6Положи мя яко печать на сердцы твоем, яко печать на мышце твоей: зане крепка яко смерть любы, жестока яко ад ревность: крила ея крила огня, (углие огненно) пламы ея.Select Song of Songs 8:6

7Вода многа не может угасити любве, и реки не потопят ея. Аще даст муж все имение свое за любовь, уничижением уничижат его.Select Song of Songs 8:7

8Сестра наша мала и сосцу не имать: что сотворим сестре нашей в день, в оньже аще глаголатися будет ей?Select Song of Songs 8:8

9Аще стена есть, соградим на ней забрала сребряна: и аще дверь есть, напишем на ней дску кедрову.Select Song of Songs 8:9

10Аз стена, и сосцы мои яко столпи: аз бех во очию их аки обретающая мир.Select Song of Songs 8:10

11Виноград бысть Соломону во Вееламоне: даде виноград свой стрегущым: муж принесет в плоде его тысящу сребреник.Select Song of Songs 8:11

12Виноград мой предо мною: тысяща Соломону и двести стрегущым плод его.Select Song of Songs 8:12

13Седяй в вертоградех, и друзие внемлющии гласу твоему: глас твой внуши мне.Select Song of Songs 8:13

14Бежи, брате мой, и уподобися серне или юнцу еленей, на горы ароматов.Select Song of Songs 8:14